مــد إيـــدك

[دمعه حائره]

مد إيدك خد كمان

خدلك ضريبة من الجعان

واللي عيان من زمان

واللى ساكت واللى شاكى همه للجيران

خدلك ضريبة مـ اللى رايح واللى راجع

واللى صابر ع المواجع

مد إيدك فـ الجيوب

هتلاقى إيه غير..هم واصل للقلوب

وكام رقعه يدارى فيها مـ العيوب

مد إيدك خد إتاوة

من شعب مستنى العلاوة

تلاتين جنية...!!

يعملوا إيه دة انت يا بية

بتحرقهم فى كام سيجارة

مد إيدك

هو انت ليه باين عليك حبة كسوف

ده شعب متعود إنه يعيش فى خوف

ومصدق إنها شوية ظروف

مد إيدك عاوز كمان..؟

مافاضلش غير شوية دم فى العروق

قرب ودوق

هتلاقى طعم دايب فيه مرارة

وصوت حزين بيقول خسارة

ياحلم راح قصادة شوف كام شهيد

عشان نعيش بحرية وكرامة

من غير فى يوم مانمد إيـــد ..
mena_hassan

30-8-2016

[big bốss]

لم نعد نملك شىء

حالتنا تسؤ من السؤ الى الاسؤ

و مازالنا لم نيأس

حد يمد ايده فى جيوبي دلوقتى هيلاقي جنيه ورق شايله مش هاين عليا اضيعه

نايس يا ست الكل

[ساحرة القلوب.]

كلمات معبرة وحزينة
تسلم اييديكي الحلوين

[راجعة لحبيبى]

كلمات مو0وعه
تشكى حال سياسى
الله يصلح التحوال
الاجمل انهاكلمات المبدعه منه
تسلمين ي الغلا
لروحك السعاده

[طبيب الهوى]

هي بس مد ايد

الضرايب كل يوم جديد

القمح والفول سعرهم بيزيد

واللحمة من العيد للعيد

ويطالب بربط الحزام الحديد

ويردد أنتم نور عينيا أكيد

بحبكم حتى أجعل الكل شهيد

واخليكم تسيبوها وتروحوا بعيد

تثوروا ولا تسيبوها الحكم شديد

هذيان قلمي المجنون

أحسنتِ يا مِنَة في وصف حال الشعب الأن

وللأسف مصر من أسوأ لأسوأ

الله يحفظها ويحفظ أهلها من كل سوء وشر آمين

تقييمي البسيط + ***** 5

تحياتي لفكرك الراقي وقلمك المُبدِع

أبو عصام

[حكاية حب]

الناس فلست خلاص يا بنتي

والشعب ساكت والخوف هزيمتي

بكره الهوي يبقي بضريبه

ياتموت يا تدفع مهيش جديده

والشعب أصبح علي الحديده

وعجبي هههههههههههههههه

هم يضحك . هم يبكي

رائعه دمعه


مودتي

[.Lamar]

عبرتى عن الوضع الراهن ببراعة
الناس تعبانة
و الحال من سىء لاسوء
و محدش حاسس و لا بيفكر فيهم
لنا الله

تسلمى منون
حلوة بجد

[همس الكناريا]

وليه حارمانى من قُوتـــــك
وانا اللى لقمة تِكْفينى
لاعمرى طمعت ف ياقوتـك
وأقل هدمة تكسيني
بالله عليك فخبرنى
كيف ستقابل الله
عجزت كلماتى و حروفى
عن وصف الألم و الآهه
يامنة علت كلماتك
فعل الأسلحة فى الساحة
و الرب دموعى خانتنى
و انقلب شعرى لمناحة

أري اليوم حرفى متواضع جدا
أن يعلق على سحر حروفك و عمق احساسك
دمت ودام قلمك واحساسك حبيبتي
مودتي

همس الكناريا

[*فجر الاسلام*]

مد ايدهم مش هيلاقوا حاجه غير فقر وبس
لكن كاتبه شعب عايش فى خوف الشعب المصرى مش بيخاف
ربنا يصلح الاحوال
تسلم ايدك

[فداااااااااااء]

كل ما نقول هيجى الافضل نلاقى الاسوء
وكأن البلد دى مكتوب على أهلها البؤس والشقاء
الله يصلح أحوالنا
كلمات جميلة منك منون
أجدت التعبير عزيزتى
تسلم ايدك ويدوم نبضك المميز