تعالى يا لطخ ... اتعلم التظبيط

[big bốss]

شايفك يا لطخ

مساء الخير على عيونكم يا حلوين

النهارده اولى حلقه للشباب علشان يعرف ازاى يتعامل مع الانثى صح

و هتكون بعنوان ( فن الاحتواء )





- اى بنت في الدنيا بتموت في حاجه اسمها احتواء ، و أن الراجل الى بيحبها

يحتويها بحبه و عطفه و حنانه و يتنازل عن كبريائه علشانها .

- الاحتواء له معنى مادى و معنى معنوى

المعنى المادى : الاحتواء بيتمثل في الحضن

المعنى المعنوى : احتواء الشيء و استكمال كل ما ينقصه و تعويض ما يحتاجه

فى اى وقت و اى مكان دون ملل او كلل .

- كتير مين الشباب بيجهل ازاى يحتوى البنت . دى بعض النصائح :-

1- اسمع لها لما تشتكى و بتفضفض و اديها رايك و ساعدها لو محتاجه .

2- لو مش عايزه تفضفض اتحايل عليها و عرفها انك عايز تطمن عليها علشان بتحبها .

3- خدها في حضنك دايماً ( مراتك بس ) لان المكان دا بيريحها .

4- اتعامل بلطف و حنان و اكسبها بذوقك و اكسر عنادها برومانسيتك .

5- الاحتواء اى انثي بتحتاجه مهما بقيت جباره لانها كان ضعيف محتاجه

الحنيه .



ابسط الكلمات لو كانت خارجه بصدق هيحس بيها الطرف التانى

و هتدخل قلبه على طول , و دا من ابسط فنون الاحتواء

المهم الصدق و الرغبه في التخفيف عن الى بتحبه .

و اخيراً ,,,

لانى احبك سأحتويك بقوه حتى لو كان حديد فى حضنى ذاب

من شدة احتوائى


(( المقال يعبر عن رايي صاحبه / نور هلال ))

[Eng Esraa]

عنوان التوبيك فكرته ف الخزعبلات !
ههههههه
صح نور .. الاهتمام و الاحتواء هما اللي
بيكملوا اي علاقة سليمة .. ده بعد توفيق ربنا

تسلم نور ..

[big bốss]

اقتباس المشاركة الأصلية كتبت بواسطة eng esraa عنوان التوبيك فكرته ف الخزعبلات ! ههههههه صح نور .. الاهتمام و الاحتواء هما اللي بيكملوا اي علاقة سليمة .. ده بعد توفيق ربنا تسلم نور ..

ما انا بنده على الشباب البارده علشان تتعلم

الاهتمام و الاحتواء من اساسيات الحب

نورتى يا اسو

[BaAnoOta]

مظظبـوط عليك نور

كلأم سليم طبعآ ، والاحتواء من كمياليات الحب
ولأزم يبقي موجود ف اي علاقة علشآن تبقي ناجحه
ألقيت الضوء علي نـُقطه مهه جدا
تسلـم ايدك ، ومن تميز لـ تميز

[مهيب الركن .]

دا بيبقى طبع ملوش علاقه بكل الكلام ده
الأنسان اللى أتعود على أنه يحس باللى قدامه
لو قطه هيتعامل معاها برحمه
واللى القسوه فى قلبه هيطلعها على أقرب الناس ليه
ولا هيعمل بأى حرف من الكلام ده
مستحيل نفتكر ان بروشته أو كلام مكتوب فى نقاط
ممكن يكون مرجع لكيفيه التعامل مع الأخرون

دى طباع مش أكتر

تقبل تحياتى

[big bốss]

اقتباس المشاركة الأصلية كتبت بواسطة baanoota مظظبـوط عليك نور كلأم سليم طبعآ ، والاحتواء من كمياليات الحب ولأزم يبقي موجود ف اي علاقة علشآن تبقي ناجحه ألقيت الضوء علي نـُقطه مهه جدا تسلـم ايدك ، ومن تميز لـ تميز

بيكمل الحب و بيدعم وجوده

لان الحب عباره عن شوية حاجات فوق بعض كدا منهم الاحتواء

شكرا بنوته نورتى

[YOo YA]

فعلا مفيش بنت مش بتطالب بالاحتواء
وحاجه كفايه الشاب لو عملها
يكون ليه علاقه سعيده جدا
بس يتشمللوا ويكونوا كده هههههه
حلوة ان شاب يطالب بحاجه من دي
بس ع كده انت بتعملها هههه

[big bốss]

اقتباس المشاركة الأصلية كتبت بواسطة مهيب الركن . دا بيبقى طبع ملوش علاقه بكل الكلام ده الأنسان اللى أتعود على أنه يحس باللى قدامه لو قطه هيتعامل معاها برحمه واللى القسوه فى قلبه هيطلعها على أقرب الناس ليه ولا هيعمل بأى حرف من الكلام ده مستحيل نفتكر ان بروشته أو كلام مكتوب فى نقاط ممكن يكون مرجع لكيفيه التعامل مع الأخرون دى طباع مش أكتر تقبل تحياتى

الطبع بيغلب التطبع اكيد

لكن فين ناس محتاجه رشته علشان تعرفها الطريق فين ؟ و الطريقه ازاى ؟

و شخصية الانسان دايماً مخيره ما بين الصح و الغلط حسب ايدلوجية و تربية

كل واحد

نورت يا مان

[big bốss]

اقتباس المشاركة الأصلية كتبت بواسطة YOo YA فعلا مفيش بنت مش بتطالب بالاحتواء وحاجه كفايه الشاب لو عملها يكون ليه علاقه سعيده جدا بس يتشمللوا ويكونوا كده هههههه حلوة ان شاب يطالب بحاجه من دي بس ع كده انت بتعملها هههه

انتى واخده فكره سيئه عن الشباب و دا بسبب الشائعات

لكن احنا فينا القلب و بنحس بس كل واحد على حسب طريقته

اما بالنسبه لسؤالك انا بعمل كدا ؟

فالمعنى في بطن الشاعر

نورتى يويو

[YOo YA]

والنبي قلتكوا احسن
روح روح ي شاعر ي مرهف المشاعر ههههه