ايادي متكتفة...مسابقه نجم الفضفضه

[SaMa.]

يااه أنا النهردة حاسس انى تعبان اوى
وموش قادر اقوم من السرير...
هانده ع اختى تيجى تساعدنى
او تجيبلى دوا ياااااه موش سمعانى
اكيد حاطه الهاند فرى وبتكلم صاحبتها على الواتس
ياماما تعالى الحقينى انتى كمان
موش سمعانى طبعا فاتحه الفيس
وقاعده ف البلكونة ولا ف بالك ايه بيحصل
حتا الاكل كل يوم يتحرق
ايوووة مفيش غير بابا
الحقنى يابابا ان تعبان وموش قادر
يادى الخيبة بابا عامل جروب على تويتر
وبيكلم ف السياسه وطبعا قافل ع نفسو باب المكتب
طب وبعدين هفضل انا كده موش قادر اتحرك
ونايم ف السرير طب فين موبايلى اتصرف وانده عليهم
حتا فى المواقع الل فاتحينها
ايه دة كمان اية حطه بعيد عنى كده ...
انا كده ممكن اموت ولاحد يحس بيا ...
لامتا هنفضل كده محبوسين
كل واحد فينا ف موقع ولاحاسس بالل حوليه
معزولين حتا نسينا شكل بعض
ولاعارفين بنحب ونكره ايه بنتقابل صدف
كل واحده ملهى ف حاجة
يريت بنعمل حاجه تنفع انما وقتنا ضايع
وايدينا متكتفه بموبيلاتنا
ومواقع الفيس وتويتر والواتس
وبدلنا حيانا بحياة وهمية وشويه كلام
مع ناس منعرفش عنهم حاجه
بردو التكنولوجيا جميلة بس موش لازم
تحبسنا وتعزلنا عن الدنيا الل عايشينها
ولازم نخصص ولو ساعتين كل يوم
نقعد فيها مع بعض ونتكلم
لان كده حياتنا بتضيع مننا

[حـيـــــآة ❤]

جميل مجهودك حبيبتي
ماشي سما
موفقه

[شاعرة الرومانسيه]

رووووووعه سمسمه

تسلم ايديكى حبيبتى

[همس الكناريا]

جميل اوي سما
عبرتي عن الصورة بطريقة جميلة
بالتوفيق ان شاء الله
مودتي

همس الكناريا

[بنت خديجة]

راقت لي طريقتك في التعبير عنها وتخيلتها الحقيقة

شكرا سما على الفضفضة

[راجعة لحبيبى]

حضورررررررررررررر

[فداااااااااااء]

هى مأساة ونسخر منها
عالم المواقع جعلنا نفقد واقعنا
سلمتى سما لطرحك الجميل
موفقة يا عسولة

[دمعه حائره]

اوحش حاجه الاكل بيتحرق
وصف واقعى للصورة
تسلمى

[طبيب الهوى]

أبنتي سَما

فضفضة واقعة تحكي الواقع الذي نحيا فيه

بأسلوب سرد بسيط وَعَفوي

والبساطة والعفوية سر جمال الفضفضة

فضفتك راقت لي يا بتي

بالتوفيق إن شاء الله

تحياتي لشخصك وأسرتك الكريمة

وكل عام وأنتم جميعاً بخير وسلام

أبو عصام