فى ضيافة اعضاء زمان(Aya 7ekaya)

[دمعه حائره]

أهلا وسهلا بأعضاء منتدانا الغاليين وكل سنه وانتم بخير النهاردة معادنا مع حلقه جديدة وعضوة من زمان منتدى بنات مصر فخور بكل عضو ساهم فى تاسيسه او كان ليه مجهود كبير ساعد فى نشاط الاقسام ومعانا آيه حكايه عضوة جميله ومحبوبة قدمت مواضيع مميزة سواء رسم او فوتوشوب وخواطر واكيد ليها مكانه ف قلوب كتير من الاعضاء رحبوا معايا بآيه حكايه مراقبة الاقسام اليومية للاعضاء أهلا بيكى آيه فى برنامج فى ضيافه اعضاء زمان هاسمح لنفسي اكون ضيفتك ولو لدقايق اعرف فيها منك بعض الذكريات عن تواجدك فى المنتدى من اول ماسجلتى بس الاول لازم تعزمنيى على حاجه اشربها اهلا بيكى ي منون ده يشرفنى طبعا اكون معاكى احلى مشروب سكلانس ليكى وللمعازيم ههههه سكلانس يختى عقبال مانشربه فى يوم نجاحك انتى طبعا مش محتاجة نتعرف عليكى لكن عشان الاعضاء الجداد يتعرفوا ممكن بعض المعلومات الشخصيه عنك زى الاسم والبلد ومحل الاقامة والدراسة ؟ انا اسمى آية طبعا واضح من النيم عندى 21 سنه الا شهر من البحيرة طالبه لسه فى كليه فنون جميله مسجلة فى المنتدى من سنة كام؟ 05-28-2010 تقريبا كنت ف تانيه اعداى لسه من زمان اووى ايه سبب اختيارك للنيم بتاعك؟ الاول كان وردة خجوله كنت حساه قريب منى ، وغيرته باية حكايه الاسم ده كانت جدتى الله يرحمها بتنادينى بيه وانا صغيرة ف بحبه ده كان اسمك من زمان؟ لا الاسم الاول كان وردة خجوله ده انتى متربيه هنا من صغرك ايوش انا اعرفك من ايام النيم ده وكنت بقولك وردتى فاكرة اول قسم شاركتى فيه واول موضوع؟ اول مشاركاتى كانت فى الاقسام الادبيه اكتر هوايات بتشاركى بيها هنا؟ حاليا الرسم زمان كنت بكتب شويه اكتر موضوع ليكى بتحبيه وفخورة انك كتبتيه؟ هو مش كتابه شعآرى الهوآيآت شعار قسم الهوايات ، سعيده انى اشارك ف حاجة زى دى و يكون فى قسمى المفضل شعار من رسمى رغم انى لو رسمته دلوقتى هيكون افضل ومستوايا وقتها ماكنش قوى اوى لكن سعيده انى فوزت ده تفتكرى اعضاء مين من ايام زمان كانوا معاكى ؟ ولسه فيه منهم مكملين؟ كان فى ناس كتير حلوة انتى و رودى و عاشقه الهدوء و طمطم و الاء لوست بيرل وعاشقه ذكر الله وسهر و رانسى واسراء سامى واسراء حافظة القرآن و نقاء القلب وامجد وطارق ناس كتير اوى حلوة غير دول كمان وتقريبا مفيش مكمل منهم غير انتى واسراء بس كلهم بنحبهم وليهم ذكريات معانا حلوة ياريت يرجعوا تانى فاكرة شكل الاستايل كان ازاى ودلوقت احسن ولازمان؟ زمان احسن يمكن علشان الجو وقتها ف المنتدى كان احسن ف ده احساسى ايه الاقسام اللى كانت موجوده واختفت؟ وايه الجديد؟ كان فى قسم بتاع 25 يناير ده اللى فكراه ايوة القسم ده اتعمل ايام الثورة اكتر قسم كنتى بتحبى تشاركى فيه؟ الخواطر ايه اكتر مسابقه او فاعليات كان بتجمع الاعضاء؟ والله كل المسابقات بس انا فاكرة مسابقات طارق كانت بتعمل جو حلو اوى فيه فترات غيبتى عن المنتدى كانت مدتها قد ايه؟ اه ممكن حوالى 3 شهور او كتر مش فاكرة المده ايه بيخليكى تتمسكى بوجودك فى المنتدى وترجعى للمنتدى تانى؟ الوقت اللى قضيته فيه صعب انى اسيب كل ده اكيد ليكى اصدقاء هنا ممكن نعرفهم؟ من اول الناس اللى عرفتها كانت حافظة القران وكنت اعرفها قبل المنتدى ، ليا دلوقتى انتى ولمار اكتر ناس اعرفهم يعنى قدمتى دعواتى لمعارفك يسجلوا فى المنتدى؟ بنت عمى سجلت بس ماكملتش ماعرفش ليه ليه كده يابنت عمها ارجعى بقولك اهو ايه الاقسام اللى كنتى مشرفة عليها؟ الديكور والطفل قبل كده ومفروض حاليا الهوايات لو طلبت منك تقدمى اى فكره لتنشيط الاقسام هاتكون ايه؟ انا كنت بحب فكرة حمله يوم فى قسم اللى هى كل يوم بنمسك قسم وننشطه وكان عليها اقبال وزى باص المنتدى اللى انتى عملتيها قبل كده فاكره انا ايام الباص كانت جميله وبنضحك فيها كتير هاطلب منك اسم عضو او اتنين مفتقدهم تبعتليهم دعوة يرجعوا تانى للمنتدى ونعيد معاهم الذكريات توبة , Ŗăήćy ياريت يشوفوا كلامك ويرجعوا يتواجدوا تانى اعضاء كلنا بنحبهم نصيحة تقدميها لكل عضو فى المنتدى وخصوصا الجداد اعتبروا المنتدى مكان للترفيه مش اكتر بدون تعصب او مشاكل بشكرك على قبول الدعوة وعلى وجودك الدائم فى المنتدى ومنتحرمش من تواجدك المميز تسلمى منون انا اللى بشكرك وهنا تنتهى حلقتنا مع آيه بشكرك جدا وبقدم ليكى شهادة شكر على تواجدك الجميل ووفائك للمنتدى واتمنى تفضلى دايما متواجدة شكرا لمار على تصميم الشهادة وشكرا ليكم على المتابعه فى امان الله

[Eng Esraa]

اية من الناس الجميلة هنا
و انا بحبها ..
منورة الحلقة يا يوكا
تسلمي يا منة ع البرنامج الجميل

[.Lamar]

طب بالنسبة للسكلانس بتاع المعازيم
ندوق بس و لا نشرب
و احنا و نصيبنا ههههه

اية من اجمل الشخصيات اللى اتعرفت عليها
و من اقرب البنات لقلبى
و سعيدة جدا بصداقتها
و ربى يديمها
بتمنى لها كل التوفيق لانها بجد تستاهل

ضيفتك كتييير مميزة منة
و اللقاء كان حلو جدا
تحياتى يسبقهم ودى

[ملك جبال الاحزان]

انا الموضوع بتاعك ده حقيقي مش مجاملة والله يا منه
اكتر موصوع دلوقتى بيحسسنى بجد بايام زمان
ايام كانت بجد جميلة واتمنى تعود
وانا نفسي اتمنى اعود زى زمان لقسمى اللى بحبه
والاعضاء الجميلة اللى الواحد عرفهم هنا
حجات كتير حلوة هنا وربنا يديمها
منورين بقا

[ملك جبال الاحزان]

مش عارف اديكى تقييم بقا فاتح فون
خدى احلى
✴✴✴✴✴

[همس الكناريا]

حلقة جميلة واستضافة أجمل
آية من الناس الطيبة الجميلة والخدومة
من الناس اللي ترتاحي ليها ع طول
ربنا يوفقك ويسعدك في حياتك حبيبتي
تسلمي منه ع البرنامج الجميل
مودتي

همس الكناريا

[فصيح]

ايه من الشخصيات اللي تحسي أنها جدعه
طيبة ربنا يسعدها وتحقق كل اللي تتمناه

الشكر لكي مقدمة ومعدة البرنامج المبدعة
دمعه حائره ولكي كل التحية والتقدير

تحياتي لكما

[*فجر الاسلام*]

استضافه جميله مع بنوته اجمل انا بحبها اوى
تسلمى منون ربى يسعدكم

[Aya 7ekaya]

برنامجك من اجمل البرامج اللى اتعملت ف المنتدى بجد ي منون
فكرتنا بايام حلوة وناس غاليين جدا

كنت سعيده بجد انى ضيفتك

[Aya 7ekaya]

شكرا لكل اللى رد هنا ^^