فضفضه ايمانيه.3.مع السفيرة عزيزة

[*فجر الاسلام*]

السلام عليكم ورحمة الله وبركاته وقلوبنا دي مليانه بالحب والإيمان ع الفطره احنا اتخلقنا بنعشق الرحمن ودينا ده علمنا الرحمه والإحسان الحب اللي بقلوبنا مايوصفوش إنسان هتفضفض ارواحنا علي طريق كله امان طريق للخالق يقربنا ومش هيبعدنا الشيطان عوده من جديد الى فضفضه الاعضاء الايمانيه والنهارده معانا عضوه انا بسميها سفيرة الخير انسانه خلوقه والكل بيحبها ودايما سباقه بالخير السفيره عزيزه اسال الله ان يرضيها ويرضى عنها تعالو نشوف ردها على الاسئله فضفضى باللي بقلبك وكلمينا عن ربنا اكلم عن ربنا .وماذا عساي ان اقول عن رب العزة تبارك وتعالي اتعلموا ان المشاعر عندما تتزاحم يصعب التعبير عنها .ماذا اقول انا . ربنا ودود حنون غفور عفو رحيم رزاق كريم ويالها من نعم حين نستشعرها ونعيش معانيها .ربنا لطيف .نعم لطيف بعباده يريالعبد وقد اغلقت دونه الابواب وتقطعت به الاسباب فيقول يا رب .ضاقت بي الارض بما رحبت فيمسح دمعة ويجبر كسرتة ويُقل عثرتة .وكيف لا وهو الخالق المصور انزل رحمة واحدة بجزء منها كانت امي تغمرني بحنانها فكيف بتسعة وتسعون رحمة ينتظرونا يوم القيامة .رب واحد احد وهذه والله ام النعم وفيض الكرم وبيت القصيد فكيف لو ان هناك اله اخر لفسدت الحياة والاخرة وعلا احدهما على الاخر وضعنا بضعفنا المتناهي .ربنا ارسل لنا حبيبنا محمد يلين القول ويشاور فى الامر ويستوصي بالنساء خيرا ويصفنا بالقوارير. رسول رحمة للعالمين وشفيعنا يوم الدين .صل الله عليه وعلى اله وصحبة وسلم (ومـما زادني شـرفـاً وتـيــهـاً ... وكدت بأخمصي أطأ الـثريا دخولي تحت قولك يا عبادي ... وأن صـيَّرت أحمد لي نـبيا) لما بتقرأى القرآن بتحسى بإيه؟ بحس انني دخلت على اجهزة متخصصه لتشخيص حالة القلب احي هو ام ميت وامضي فى القراءة حتى اتاكد انه مازال حي يخشع.. قولينا اكتر قصه في القرآن بتحبيها واللي إتعلمتيها منها؟ قصة بنات سيدنا شعيب علية وعلى نبينا الصلاة والسلام. اتعلمت منها كيف اختار زوجي ا وصفيلنا الصلاه بالنسبالك ونصيحه للي مش بيصلي. الصلاة بالنسبة لي غسل ما علق بي من ادران الذنوب اولا باول .فاظل خفيفة الحمل قريبة عهد بربي ال مش بيصلي .اقول ربنا يهديه لانه على خطر جم كيف تتحمل حمل اوزارك المتراكمة منذ جري عليك القلم .قم الان فصلي .فان الصلاة تنهي عليها تماما وتصبح صافي السريرة لانك فى صلح مع ربك . حبيبنا وشفيعنا سيدنا محمد اكتر صفه بتحبيه فيه ونفسك تبقي منتشره في المجتمع؟ صل الله على الحبيب المصطفي محمد . صفات سيدنا رسول الله كلها خير وفير والصفة التى اقف امامها دامعة العين .كيف كان مع زوجاتة وفى بيتة واتمنى ان يقتدي به رجال الامة. لو هو قدامك دلوقتي تقوليلوا إيه؟ لا اله الا الله ..اقول له بابي انت وامي يا رسول الله هل لي من شربة لا ظمأ بعدها وشفاعة ليخَلي سبيلها وجوار لحسن خلقها. فقد عاشت على قول الله وقول رسولها. كلمينا عن الصبر وهل انتى انسان صبور؟ يكفي ان اقول فى الصبر بقول ربي سبحانه ((إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ) اجتهد اختى الحبيبة وربنا يثبتنا لما بتدعي وربنا بيستجاب بسرعه بيبقي إحساسك إيه؟ بحس بفرحة واحمد ربي واتمنى دوام النعمة طيب لو الإستجابه إتأخرت بيبقي إيه شعورك انا اصلا كيفية دعاء تفويض لله وحدة .يعنى يارب قدر لي الخير فى الامر كذا .ورضنى بما قسمت فاذا لم يحدث .احمد لله على اختياره واقول قدر الله ما شاء فعل .وانا مش ملاك ممكن بكون ببكي وانا بقول كده كلنا مقصرين في حق ربنا لمابتبعدى عنه وبترجعيلوت بتحسى بإيه وقوليلنا نصيحه ازاي نتقرب لربنا اكتر؟ اللهم خذ بايدينا اليك اخذ الكرام عليك اللهم ردنا اليك ردا جميلا. التقرب الى الله بما شرع هو المطلوب والسير على هدي النبي المختار يوصل لبر الامان ما احساسك لما بتسمع الايه دى واصبر لحكم ربك فانك باعيننا ما هو ربنا حنون ولطيف جدا .بحس انه سبحانه وتعالى بيطبطب على عبيده بالايه دي وبيقول لهم .وعزتى وجلالي لن تضيعوا ابدا وانتم تحت سمعى وبصري شكرا كتير اختى الحبية على الضيافة واتاحة المساحة دي للفضفضة مع احلى الكلام وحلو الحديث وتحية مباركة طيبة لكل من يمر على هذه السطور وكل عام وانتم جميعا بكل خير ويصعب الرد على اجمل رد ربى يرضى عنك بجد شكرا ليكى على ردك الجميل واستمتعت بقرائة ماكتبتى ربنا يسعدك ويحقق لكى ماتتمنى وكل عام وانتى بالف خير ادام الله تواجدك الساده الاعضاء الكلام مش بيخلص عن دينا قدامه بيعجز لسانا مهما قولنا وقولنا لسه في كلام في قلوبنا اسفين علي الإطاله نتمنالكم السعاده والموضوع ينال إعجابكم وانتظروا فضفضه إيمانيه جديده [/COLOR]

[حـيـــــآة ❤]

روعه عزيزه واجوبتها في منتهي العقلانيه
تسلمي علي برنامجك فجر
وفعلا الكلام مش بيخلص عن ربنا
هو خير وكيل وهادي
في حفظ الله عزيزتاي

[فداااااااااااء]

عندما تتحدث السفيرة نجد الامتاع لعقل ذو فكر متزن ونفس بالاخلاق تزينت

جميل ما قرأته هنا
سلمتى فجر
واسعدكم الله يا قمرات

[*فجر الاسلام*]

اقتباس المشاركة الأصلية كتبت بواسطة حيــــــاة ❤ روعه عزيزه واجوبتها في منتهي العقلانيه تسلمي علي برنامجك فجر وفعلا الكلام مش بيخلص عن ربنا هو خير وكيل وهادي في حفظ الله عزيزتاي

تسلمى حبيبتى
نورتى ربى يسعدك

[*فجر الاسلام*]

اقتباس المشاركة الأصلية كتبت بواسطة فداااااااااااء عندما تتحدث السفيرة نجد الامتاع لعقل ذو فكر متزن ونفس بالاخلاق تزينت جميل ما قرأته هنا سلمتى فجر واسعدكم الله يا قمرات

تسلمى ياقمر
منوره ربى يسعدك ويرضى عنك