مفيش حلول

[a7med -3del]

انت الحل الوحيد
والفريد من نوعه جدا
تستاهل 100 وسام
2000 سلام
و100000شكرا
فاتني الحلم
وسابني وغاب
عشان كداب
كداب جدا

مين اللي قال
ان الرصاص
هو الخلاص
ياعم فوق
ده دم ناس
لا صعب عليك
ولا هز فيك
وتجيب منين
انت الاحساس

اللي زيك ساق شيطانه
ضميره خانه
ومات خلاص
اسم بس وصورة عايشة
تمثال صنم
ومن الاساس
وجودك ده خيبة
وبجد عيبة
تبقي الكبير
هببت ايه
وعدت بيه
سيادة المشير
عمال تقول
مفيش حلول
وهاعمل ايه
شايفها شيلة
عليك تقيلة
اهرب يابيه
ولا اقولك
كمل معانا الله يخليك
راضي بالهم ومتحمل
والله انا حاسس مكدبش عليك
مصر اللي مش هتكمل
ياعم جننتني
وحياة ابويا وامي
خنقتني
منين بتقول مفيش
وتصرف فلوس للجيش
ماهو يانت مش طبيعي
يانا اللي شارب حشيش
بس انا لو شارب
زي المساطيل
هاشوفك بتحارب
وكيوت وجميل
ومش فارقة معايا ميه
هاشربها معدنية
وفي ستين داهية النيل
يلا قول ورايا
احمد جاسوس وعميل
واختار مابين القوسين
قطر - اسرائيل
ومش مهم تشوفني خالص
وبناقص نقول مواويل
ومش لازم كمان اشرب
ممكن ا صوم بالليل

طب فاهم
ولا مش فاهم
ولا البعيد
نايم
طب اقولك
ابني سجون
وحاكمني
عشان مديون
ولو متضايق مني
اقتلني
وقول مجنون
اصل انا دمي حر
والحر بطبعه
مش مضمون
لا هيقبل
يضحك عل نفسه
لا كان ولا هيكون

انا مش بخاف
وخلاصة الموضوع
لغيري ربي انا
عمري ماعرفت ركوع
والموت
مش عيب علي فكرة
العيب
نموت من الجوع


اسف لو طولت
Ahmed adel
6-9-2016

[همس الكناريا]

لا إله إلا الله
عملت لايك ومش عارفه أرد
زي ما يكون كل الكلام اتمسح من راسي

ليا عودة.إن شاء الله....

همس الكناريا

[Eng Esraa]

يِّأّ ريِّتٌـکْ طِوٌلَتٌـ شُـوٌيِّةّ کْمًأّنِ بًکْلَأّمًکْ دٍهّـ
هّـهّـهّـهّـهّـهّـ
کْأّلَعٌأّدٍةّ أّحًمًدٍ کْلَمًأّتٌـکْ جّـمًيِّلَةّ
وٌ طِريِّقُةّ کْتٌـأّبًتٌـکْ کْمًأّنِ ..
تٌـسِـلَمً أّحًمًدٍ ..

[*فجر الاسلام*]

مش عارفه اضحك ولا ازعل
طريقتك تضحك وفى نفس الوقت يزعل على حال البلد
بس هفضل اقول ربنا يصلح الاحوااااااااال
كالعاده ابداع يا استاذ ادام الله تواجدك وابداعك
ربى يسعدك
تحياتى لك

[a7med -3del]

اقتباس المشاركة الأصلية كتبت بواسطة همس الكناريا لا إله إلا الله عملت لايك ومش عارفه أرد زي ما يكون كل الكلام اتمسح من راسي ليا عودة.إن شاء الله.... همس الكناريا

استر يارب
ياتري هتقولي ايه
مستني 😊

[a7med -3del]

اقتباس المشاركة الأصلية كتبت بواسطة eng esraa يِّأّ ريِّتٌـکْ طِوٌلَتٌـ شُـوٌيِّةّ کْمًأّنِ بًکْلَأّمًکْ دٍهّـ هّـهّـهّـهّـهّـهّـ کْأّلَعٌأّدٍةّ أّحًمًدٍ کْلَمًأّتٌـکْ جّـمًيِّلَةّ وٌ طِريِّقُةّ کْتٌـأّبًتٌـکْ کْمًأّنِ .. تٌـسِـلَمً أّحًمًدٍ ..

كالعادة مرورك جميل
وحضورك اجمل
تحياتي

[a7med -3del]

اقتباس المشاركة الأصلية كتبت بواسطة fagr alislam مش عارفه اضحك ولا ازعل طريقتك تضحك وفى نفس الوقت يزعل على حال البلد بس هفضل اقول ربنا يصلح الاحوااااااااال كالعاده ابداع يا استاذ ادام الله تواجدك وابداعك ربى يسعدك تحياتى لك

انتي تعملي اي حاجة مسموحلك ان شالله تقولي وحشة
ولا يهمك
تحياتي