ازاى تدلع حبيبك و حبيبتك ؟

[big bốss]

ازاى تدلع حبيبك و حبيبتك ؟

- طبعاً الدلع مهم فى حياتنا و هو بلسم مرطب للعلاقه بين حواء و آدم

و لابد من استخدامه بين الطرفين بأتقان و هو يخفف من ملل الروتين

و واجبات العلاقه و له تاثير ساحر على تقبل الامور .

اولآ ازاى تدلعى حبيبك ؟

- تعالى يا بافه اتعلمى تدلعى سبع البرومبه بتاعك و طبعاً الانثى اساس الدلع

طبعاً خلى صوتك ناعم كدا و حنين مش متربس كدا و يخض ، و طبعاً مش تندهيه

بأسمه يا احمد او محمد او نور ... الخ ، او تقليله يا ابو محمد و ابو على ... الخ

دلعيه و اندهيه بأسم ( يا سبعى ، يا جملى ، يا مستتنى ، يا مهنينى ، ... الخ )

طبعاً الراجل هينشكح على طول و يحس بكبرياء ، و لازم تجبيله كل طلباته

من اكل و شرب حتى لو كان بينه و بين الكوبايه 10 سم لازم تدهاله ، و بعد

ما يرجع من الشغل تدعكيله رجليه و تغسليها له بالميه و الملح ، و لما يقلك

اى امر تقوليه حاضر و نعم .

دى بعض النصايح الصغيره علشان تدلعى سبع البرومبه بتاعك

نيجى بقا ازاى تدلعى حبيبتك ؟

- علشان تعرف يا عم آدم حواء عقلهم صغير جداً و ممكن تضحك عليهم بالكلام

يعنى لما تيجى تنده عليها اوعى تقول لها ( يا وليه او يا حجه او يا اختى .. الخ )

او تقولها باسمها يا زينب او يا فوزيه او يا بهيه خليك كدا كجول و برنس تظبيط

اندها و قولها ( يا عمرى - يا قلبي - نور عينى - يا نخنيش قلبي من جوه - يا مستانى-

يا مهنيانى - ) ، حتى لو كنت مش طايقه لازم تعصر على نفسك لمونه و تجبيلها

هدايه فى الاسبوع يعنى فى الشهر 4 مرات اقل من كدا مش ينفع هتقلك بخيل ،

لازم تديها فلوس علشان تشترى حاجات لنفسها ، اصل البنات ماديين اوى خلى

بالك ، انت اديها تعبك و شقاك و فى الفجر انت و بتصلى ادعى ربنا و اتحسبن

اوعى تغلط بقا يوم و تقلها انتى وحشه او فلانه احلى منك كدا بمثابة اعلان حرب

عليها و تبقى ايامك مش فايته و خساره فيك الكلام الى بكتبه كفايه كدا .

مش هوصيكم يا بنات و يا شباب ،،

ربنا معاكم

[SaMa.]

حلوة هدايا الاسبوع
كدة ممكن الجوازة تنجح
بس فوكك من سبعي وجملي وجو الحيوانات ده
شوفلهم دلع تاني

[big bốss]

اقتباس المشاركة الأصلية كتبت بواسطة sama. حلوة هدايا الاسبوع كدة ممكن الجوازة تنجح بس فوكك من سبعي وجملي وجو الحيوانات ده شوفلهم دلع تاني

هههههه

ما انا بقول انكم ماديين اوى

حسبي الله

نورتى يا سما

[SaMa.]

تؤ موش قصه ماديين بس انتا متعرفش
ان تهادوا تحابوا ههههه

[big bốss]

اقتباس المشاركة الأصلية كتبت بواسطة sama. تؤ موش قصه ماديين بس انتا متعرفش ان تهادوا تحابوا ههههه

آه قولى كدا الحب فى نظركم هدايه و مفأجاه

و لو مش معاه فلوس الغلبان يبقى يحتقر

[SaMa.]

مقولتش كدة بس عاوز تفهمها كدة براحتك...
دي ممكن تتقال ع الل مفهوش اي ميزة غير فلوس
لو مفيش هدايا ولا فلوس يبقا ملوش قيمة
بعدين انتا بتكلم ع جواز موش حب
لو عاوز تكلم ع حب يبقا موش هتعلمهم يحبوا ازاي
ولا يقولوو ايه لبعض..

[۩۩ elMagic ۩۩]

يااا عم ربنا يقدرك ع فعل الخير
ويخليك للغلابه

[big bốss]

اقتباس المشاركة الأصلية كتبت بواسطة ۩۩ elmagic ۩۩ يااا عم ربنا يقدرك ع فعل الخير ويخليك للغلابه

ما هو الشباب غلبانه و لازم ناخد بالنا من بعض

علشان الجماعه دول مش يستغلونا

[حـيـــــآة ❤]

انت يابني معمول ليه ههههه
مش كل البنات ماديه متعمش
بعدين ايه نخنيش قلبي دا

[YOo YA]

نخنيش قلبي ههههه
والله موتتني ضحك
طب خليه يقولها كده
دي هتسيبه مش هتتعلق بيه
وبعدين ع فكرة حكايه الهدايا والماديات دي
ولا ليه اي لازمه اساسا خااالص
بمعني انه لو واحده مبتحبش واحد وفضل يعطيلها كل يوم هدايا
ويجب فيها ويحاول يتقرب ليها بيهم
عمر الهدايا م هتاثر ابدا
وجهه نظر بس..