حالك وحالى

[*فجر الاسلام*]

السلام عليكم ورحمة الله وبركاته




ليه بقي حالك كده ليه بقيتي زي الصدا

بتاكلي فينا حتي صوتنا مالوش صدا

بتحتجينا عشان روحنا تبقي ليكي فدا



حسسيني بالأمان ليه بيقرب الموت

حسسيني بالحنان ولاحضن اتعلم السكوت

حسسيني اني انسان خليني مره يطلعلي صوت



ليه محسساني انك بحبینی بجد

وانتي مابتسأليش عن حد ولما ايدي ليكي تتمد

تسبيني في طريق آخره سد



سبيني خليني فحالي دفنت ف ترابك كل آمالي

ولوإفتكرتيني افتكري

اني ماحستش ف يوم اني غالي



نفسي تخلفي في يوم ظني

وتقولي من قلبك ده ابني

وتشيلي تهمة إن السبب مني

دوري فيكي ظلم كتير دوري بعيد عني

فجـــر

[بنت خديجة]

مااجمل حروفك يالفجر

[حـيـــــآة ❤]

ربنا يهدي ويصلح الحال فجر
جميله كلماتك والله
في حفظ الله

[a7med -3del]

التالتة ليكي
فتحت نفسكو صح
جميل يافجر
ودايما عارف انك هتعملي الكويس
ابدعتي

[دمعه حائره]

رائعه انتى فجر فى كل خواطرك
فكره وواقع بنعيشه
تسلمى

[فصيح]

يا رب اصلح الحال
بجد تعبنا ، عبرت عن جرحنا
تسلمي فجر
تحياتي

[Eng Esraa]

ربنا يصلح الحال ..
جميلة كتابتك حبيبتي
تسلمي

[SaMa.]

تقصدي مصر صح
حلوة اوي ثانكس فجر...

[Doaa Hammam]

سلمت يمناكي فجر

مصر ما لها ذنب .ذنب ذنب الناس اللي فقدت ضميرها وانسانيتها

ربنا يصلح الحال حبيبتي

[ويبقى الأثر]

ربنا يصلح حال ولادها الاول
ويحفظها من كل سوء
جميله اوى فجر
احسنت غاليتى