فى ضيافة اعضاء زمان(big boss)

[دمعه حائره]

أهلا وسهلا بأعضاء منتدى بنات مصر الطيبين كل عام وانتم بخير ويارب دايما متجمعين على الخير النهاردة حلقه جديدة مع عضو من زمان عضو ليه نشاط فى اكتر من قسم وكلها حصريات قدم كتير للمنتدى وساهم فى نشاطه ومنتدى بنات مصر بيكون فخور بكل عضو مخلص ليه ومهما يبعد يرجعله تانى نورديما يقول على نفسه الشمعه التى تحترق من اجل المنتدى والاخرين هو بيقولها هزار لكن هو شعله نشاط فعلا بس لما يكون البال رايق رحبوا معايا بالبيج بوص big bốss مشرف الخزعبلات وإستراحة آدم أهلا بيك فى برنامج فى ضيافه اعضاء زمان هاسمح لنفسي اكون ضيفتك ولو لدقايق اعرف فيها منك بعض الذكريات عن تواجدك فى المنتدى من اول ماسجلت بس الاول لازم تعزمنى على حاجه اشربها ولا انت بخيل لاسمح الله اتفضلي سحلب يا منه يارب تعجبك انتي عارفه انا شمعه تحترق من اجل الاخرين هههه حتى السحلب بتحترق عشان تجيبه شكرا يانور بس مفيش صورة كده حضرك طبعا مش محتاج نتعرف عليك لكن عشان الاعضاء الجداد يتعرفوا ممكن بعض المعلومات الشخصيه عنك زى الاسم والبلد ومحل الاقامة والوظيفه ؟ نور هلال - سوهاج - طما - مهندس حضرتك مسجل فى المنتدى من سنة كام؟ من اواخر سنة2009 ده انت من زمان اوى يانور ايه سبب اختيارك للنيم بتاعك؟ البيج بوص يعني الريس الكبير و انا بحب اكون في مركز القياده و الاختلاف فاكر اول قسم شاركت فيه واول موضوع؟ من زمان جدا و انا بحب قلم الاعضاء و هو اول ما كتبت و شاركت فيه اكتر هوايات بتشارك بيها هنا؟ كتابة الشعر و المقالات بحب الكتابه جدا اكتر موضوع ليك بتحبه وفخور انك كتبته؟ كل مواضيعي بحبها و بفتخر بيها لانها بتعبر عني تفتكر اعضاء مين من ايام زمان كانوا معاك ؟ افتكر طارق سلفستر اسبكترا - اسيل حرف هجاء - نور نور و نار - ايمليا رائحة القهوه طمطم - ربعاويه - رحيق الجنه - روز - ضياء و ناس كتيره اوي اعضاء كلنا فاكرينهم واتمنى يرجعوا تانى ولسه فيه منهم مكملين؟ محدش مكمل كله هجر و انشغل بحياته فاكر شكل الاستايل كان ازاى ودلوقت احسن ولازمان؟ كان زمان احلي و له طعم تاني ايه الاقسام اللى كانت موجوده واختفت؟ وايه الجديد؟ كله موجود مفيش حاجه اختفت اكتر قسم كنت بتحب تشارك فيه؟ قسم النقاش و قلم الاعضاء هما الاتنين بعشقهم ايه اكتر مسابقه او فاعليات كان بتجمع الاعضاء؟ السهرات و مسابقات التحدي و الذكاء فيه فترات غيبت عن المنتدى كانت مدتها قد ايه؟ كل ما اتحظر اغيب هههههههه فكره يا منه هانم لما حظرتيني لن انسي لكي هذا الموقف هههههه لا بقى ده انا اللى مش ناسيه وفضلت اقولك يابنى ابعد عنى واسكت تقولى لايمكن لازم تحظرينى وتكتبها فى الاهداءات هههههه قولت يلا مش خساره فيك ايه بيخليك تتمسك بوجودك فى المنتدى وترجع للمنتدى تانى؟ العشره و الذكريات اكيد ليك اصدقاء هنا ممكن نعرفهم؟ اغلب الاعضاء القدامي اصدقائي الجدد معرفش حد فيهم قدمت دعوات لمعارفك يسجلوا فى المنتدى؟ اه حصل بس مش بيستمروا ايه الاقسام اللى كنت مشرف عليها؟ اليوميات و النقاش و قلم الاعضاء و الخزعبلات لو طلبت منك تقدم اى فكره لتنشيط الاقسام هاتكون ايه؟ المنتدي مش محتاج افكار بقدر انه محتاج اداره ناجحه و اعضاء لها كاريزما ناجحه هاطلب منك اسم عضو او اتنين مفتقدهم تبعتلهم دعوة يرجعوا تانى للمنتدى ونعيد معاهم الذكريات الاعضاء الي ذكرت اسماهم فوق لو رجعوا تاني انا هرجع تاني دينمو المنتدي لان المكان بالاعضاء الي فيه و تفكيرهم و بصمتهم نصيحة تقدمها لكل عضو فى المنتدى وخصوصا الجداد اممممم لما تدي متسناش مقابل لانك مش هتلاقيه بشكرك على قبول الدعوة وعلى وجودك الدائم فى المنتدى ومنتحرمش من تواجدك المميز انتي تؤمري يا ست الكل و الشكر ليكي فكرتينا بالايام الحلوه و هكذا تمضي الايام وفى نهايه الحلقه بشكر نور على تواجده واخلاصه للمنتدى وبقدملك شهادة شكر وتقدير واتمنى تفضل منور المنتدى شكرا للمتابعه وشكرا لمار على تصميم الشهادة فى امان الله

[حـيـــــآة ❤]

فعلا والله المنتدي عايز شخصيات
والنتتدي مش بادارته دا باعضاؤه
منور يانور وباذن الله دايما معانا
نور من الناس اللي اول مادخلت كنا بننكش ف بعض
هو شخصيه ممتازه وجاديه
اتمني له السعاده والنجاح ف حياته
....
منه جامد برنامجك
في حفظ الله لكما

[ملك جبال الاحزان]

نور حبيبى فعلا مم الناس اللى الواحد مفتقدهم
ووجودة ايام زمان كنا بنولعها فى الخزعبلات انا وهو 😹😹
حلقه جميله وذكريات اجمل كعادتك منه تسلم ابدك دابما

[big bốss]

ههههههه

لسه فاكره يا منه الاهداء دا انتي قلبك بلاك علي راي الحجه فداء

احنا من بعد ما انتي سبتي الاداره و اتشردنا يا منه

و بقينا انا و مورشو مكسورين الجناح هههههه

شكررا ع الاستضافه يا منه

[big bốss]

اقتباس المشاركة الأصلية كتبت بواسطة حيــــــاة ❤ فعلا والله المنتدي عايز شخصيات والنتتدي مش بادارته دا باعضاؤه منور يانور وباذن الله دايما معانا نور من الناس اللي اول مادخلت كنا بننكش ف بعض هو شخصيه ممتازه وجاديه اتمني له السعاده والنجاح ف حياته .... منه جامد برنامجك في حفظ الله لكما

تسلمي يا هاجر علي كلامك في حقي

فعلا انا اول ما انتي دخلتي و انا مشردك و مطلع عينك في الخزعبلات هههههههههه

نورتي يا هاجر سكر

[big bốss]

اقتباس المشاركة الأصلية كتبت بواسطة ملك جبال الاحزان نور حبيبى فعلا مم الناس اللى الواحد مفتقدهم ووجودة ايام زمان كنا بنولعها فى الخزعبلات انا وهو 😹😹 حلقه جميله وذكريات اجمل كعادتك منه تسلم ابدك دابما

حبيبي يا ميدو،


فين ايام زمان ايام الشقاوه ههههههه

عجزنا خلاص و بقينا زي القربه المخرومه الي متنفعش حاجه خالص

نورت يا صحبي

[BaAnoOta]

جميل آلبرنامج حبيبتي وفكرته آكتر من ممتازة

والحلقة زآدت نور لما شرفها استاذ نور
منورين الحلقة
وشوقتوني لأيام زمان لاني فعلا ايام زمان من الصعب تكرارها

ف أنتظار ضيافة العضو القادم ،،

[Eng Esraa]

نور من الناس اللي اعرفها من اول
ما بقيت هنا تقريبا !
و من اللي بحب افكارهم سواء ف النقاش
او الكتابة .. منور الحلقة بقا نور
منة تسلمي حبيبتي

[فصيح]

منور الدنيا يا نجم ربنا يوفقك
كانت حلقة مميزة بنور

وكل الشكر لشمس المنتدى دمعه
ومتابع بكل شغف ضيوفك الكرام

خالص تحياتي لكما

[ريانة العود]

نوروهو نور على علم
مااحد يقدر يتنكره
من قدامى المنتدى
وليه كثير معارك مشهوره
ربى يوغقه
ومشكوره منه مديرتناالحنونه