احلي عيد

[a7med -3del]

متعتبرش كلام اغنية ولا شعر ولا اي حاجة
كلام كتبته بدموع فرح
احساس مختلف
انك تبكي ومش عارف ليه كده
مفيش حب كده
/
في البداية
كنت عايش شاب طايش
وانتي دايما تحضنيه
يكدب ساعات ويقول حاجات
ولا مرة كنتي تكدبيه
هو قلبه في حتة تانية
وانتي مات قلبك عليه
من غير هدف بيعيش حياته
وانتي عايشة بجد ليه


وفضلت اكبر قدامك
مانا مراية احلامك
وكل حلم بتحلميه
وانا مهما اقولك او احلف
فين الكلام اللي هيوصف
ويامي بس اوصفلك ايه


انا مين في الدنيا
شال همي وطمني
غيرك انتي يامي

ياحب بجد معرفتوش
محستش ومقدرتوش
غير وانتي بعيد عني

انتي الوحيدة في الدنيا ديا
اللي قالتلي بحبك وصدقتها

جنة كانت جمبي دايما
حضن بيطيب جراح الدنيا كلها
في كل مناسبة بلاقيكي
اول الحاضرين
وانا علشان اقول فيكي كلام
عايزلي سنين

كل سنة وانتي طيب
وفي كل عيد
دايما في حضني قريبة
ومش بعيد
كل سنة وانتي القلب
الطيب اكيد
قولت ايه انا فيكي يامه
مفيش جديد
قولت جنة وقولت عمري
وفي الحقيقة وجودك انتي
احلي عيد

[ويبقى الأثر]

هى الحب مع التضحيه
هى اللى بتدى من غير مقابل
هى الحضن الدافى فى عز البرد
هى الدعوه الحلوه وقت الفجر
هى وهى وهى
ومهما هنكتب مش بنوصف النوع ده من الحب
ربنا يحفظها لك هى وجميع امهات المسلمين
جميل احساسك بجمال قلمك

[a7med -3del]

جميل مرورك منة وكل سنة وانتي طيبة
وكل ام بصحة وخير

[.Lamar]

جميلة اوووى اخى
بجد كلمات عفوية
منظمة بشكل مميز
ربي يبارك لنا فى امهاتنا جميعا
ويجعل لينا من دعواتهم نصيب

شكرا ليك
تحياتى

[حـيـــــآة ❤]

مبدع وموهوب في جميع المجالات والله
ربي يبارك لنا جميعا في امهاتنا
ويجعلنا لهم قرة عين
ويحفظهم
جمعنا الله واياكم في جنات الخلد
في حفظ الله اخي احمد

[a7med -3del]

اقتباس المشاركة الأصلية كتبت بواسطة .lamar جميلة اوووى اخى بجد كلمات عفوية منظمة بشكل مميز ربي يبارك لنا فى امهاتنا جميعا ويجعل لينا من دعواتهم نصيب شكرا ليك تحياتى

وجودك اجمل اكيد وكل سنة وانتي طيبة يارب

[همس الكناريا]

ابكتني كلماتك وتخللت مشاعري وإحساسي
قلم يعرف كيف تصاغ له الحروف وتنصاع
دمت ودام مداد القلم
لي عودة برد يليق بتلك الرائعة
احترامي

همس الكناريا

[همس الكناريا]

أصبح قلمك هو من يستفز قلمي
حفظ الله والدتك وبارك لك في عمرها
ده كان ردي علي حضرتك
.............

كل الكلام لو قولته مايوفيش
ظلمت روحى
كنت فاكر أنى مقصرتش يوم معاكى
فاكرة لما كنتى عليا تندهى
أجرى عليكى وماتنيش
أبوس إيديكى
و أبوس رجليكى
وأحلفك بالغالى منى متزعليش
كنت فاكر نفسى حنين معاكى
كنت قولك كلام كتير
كان كلامى بيجى على هواكى
كنت قولك عمرى فداكى
كنت قولك ياأمى
أدعيلى أنا طالب رضاكى
تقولى قلبى وربى يابنى راضين عليك
ودارت اﻷيام
وخدت منى أجمل ضحكة ..
وﻷول مرة من قلبى بكيت
الدموع عرفت طريقها فى عيونى
الناس تصبرنى
وقول ياريت البكا يرجعها ياريت
أنده عليكى
أسمع صدى صوتى يهز حيطان البيت
تصدقينى لو قلتلك
أنى ساعات بسمع صوتك وأنتى بتنادى
أتارينى انا اللى عليكى ناديت
كنت فاكر أنى هعيش مرتاح
بفتح درج مكتبى
لقيت صورة وأنا صغير
على راسك شيلانى وبتعدى بي البحر
صورة قسمتنى وهزتنى
وحسيت أنى مهما عاملت
أنى صغير
وأنتى ياأمى مهرك غالى
منين أجيب المهر
دا اللى مايعرفش مقامك
واللى ناكر يوم حنانك
واللى ظلمك
واللى يوم بكلمة أوف هانك
لو عاش عمره كله
يبوس التراب اللى مشيتى عليه
مش يوفى
يللى الجنة تحت أأدامك
سامحنى ياربى
منين أجيب أمى من تانى
تشوفها عيونى
أسهر ليلى ونهارى
أعيش العمر خدامك

همس الكناريا

[a7med -3del]

اقتباس المشاركة الأصلية كتبت بواسطة همس الكناريا أصبح قلمك هو من يستفز قلمي حفظ الله والدتك وبارك لك في عمرها ده كان ردي علي حضرتك ............. كل الكلام لو قولته مايوفيش ظلمت روحى كنت فاكر أنى مقصرتش يوم معاكى فاكرة لما كنتى عليا تندهى أجرى عليكى وماتنيش أبوس إيديكى و أبوس رجليكى وأحلفك بالغالى منى متزعليش كنت فاكر نفسى حنين معاكى كنت قولك كلام كتير كان كلامى بيجى على هواكى كنت قولك عمرى فداكى كنت قولك ياأمى أدعيلى أنا طالب رضاكى تقولى قلبى وربى يابنى راضين عليك ودارت اﻷيام وخدت منى أجمل ضحكة .. وﻷول مرة من قلبى بكيت الدموع عرفت طريقها فى عيونى الناس تصبرنى وقول ياريت البكا يرجعها ياريت أنده عليكى أسمع صدى صوتى يهز حيطان البيت تصدقينى لو قلتلك أنى ساعات بسمع صوتك وأنتى بتنادى أتارينى انا اللى عليكى ناديت كنت فاكر أنى هعيش مرتاح بفتح درج مكتبى لقيت صورة وأنا صغير على راسك شيلانى وبتعدى بي البحر صورة قسمتنى وهزتنى وحسيت أنى مهما عاملت أنى صغير وأنتى ياأمى مهرك غالى منين أجيب المهر دا اللى مايعرفش مقامك واللى ناكر يوم حنانك واللى ظلمك واللى يوم بكلمة أوف هانك لو عاش عمره كله يبوس التراب اللى مشيتى عليه مش يوفى يللى الجنة تحت أأدامك سامحنى ياربى منين أجيب أمى من تانى تشوفها عيونى أسهر ليلى ونهارى أعيش العمر خدامك همس الكناريا

قريتها طبعا في الموضوع الاصلي مرتين وتلاتة
دي هتفوتني برضه
وشرف ليا استفز قلمك ويارب دايما اشوفك كده
وتخليني افكر في الجديد
بس هو انتي معجبكيش موضوع ياتافهة ليه
اول مرة مترديش علي موضوع ليا
الفكرة اكيد مش عجباكي
انصحيني طيب ههههههههههههه
تحياني

[*فجر الاسلام*]

ووجودها هو العيد نفسه
حفظك الله وحفظك والدتك اخى ربى يسعدك
روووووووعه واحساسك جميل ربنا يخليكوا لبعض
تحياتى