التربيه ... بين الحزم و اللين

[big bốss]

* التربيه ... بين الحزم و اللين

- دائماً كل مصيبه ورائها امراه ؛ ان مؤمن بكدا اوى رغم انها قاعده الا انى

مقدرش انكر ان لها استثناء كتير ، نيجى لموضوعنا و هو تربية الاطفال

مسئولية تربية الاولاد تقع على عاتق الاب و الام و طبعاً لو حصل خلل بين

الاتنين هيكون له تاثير على تربية الاول ، و عدم التفاهم و المشاكل بيدفع

تمنها الاطفال الابرياء و يطلعوا متعقدين من حياتهم و عصبين بسبب

عدم تفاهم الاب و الام .

- فيه موقف حصل قدامى

واحد زميلى ابنه عنده 15 سنه و اكتشف انه بيشرب مخدرات ، فلما جه يتكلم

معاه و يعقبه بيبص لقى امه عمله تعيط و تبكى و تترجاه مش يكلمه و انها هى

تكلمه و هدتته تسيب البيت و تمشي

طيب ليه ؟ و ازاى ؟ اب شاف ابنه بيشرب مخدرات المفروض انه يتفرج

عليه يضيع و لا يربي ابنه ، و هل المفروض الام تبقى عقبه فى طريق تربية

الابناء ، طبعاً الاب من صدمة انه شاف ابنه بيشرب مخدرات و بين رجاء

و بكاء الام ، سكت و قعد يعيط مش عارف يعمل ايه ؟

و بعدها اخد ابنه و قعد يتكلم معاه و ياخد منه وعد مش يشرب حشيش تانى

فالى عايز اقوله الاب لما يكون فيه حزم فى التربيه فدا فى مصلحة ابنائه

اما لين الام و انها تخبي اخطاء ابناءها خوفاً عليهم من العقاب

فداء غلط و اكبر غلط ، و بتدفع تمنه الام فى الاخر لما تلاقي ابنها فشل

- لذلك من وجهة نظرى الاب مش يترك تربية الاولاد للام لوحدها علشان

ميحصلش خلل و كل الاسره هتدفع تمنه فى الاخر

( المقال يعبر عن وجهة نظر صاحبه / نور هلال )

[YOo YA]

والله ا نور انا متفقه معاك ان اللين مش كويس
بس احيانا لين الام ممكن يجيب نتيجه عن عصبيه الاب
لان معظم الجيل الجديد فيه عاده العناد
يعني ممكن يرضي بس لما تعصب عليه يعاند
وف نفس الوقت معاك بان احيانا الشده ف المعامله بتجيب نتيجه بس لما اللين مش بيجيبها
..
من ناحيه تانيه بعيدا عن المعامله
الاب ليه اسلوب تاني غير الام بيقدر يتفاهم احيانا احسن
وبيقدر يبتعد عن العواطف
الموضوع ليه اكتر من زاويه
وربنا يصلح حالنا وحال الامه الاسلاميه جميعا يا رب ..
ودي ..

[شاعرة الرومانسيه]

وجهة نظر سليمه واتفق معاك نور

دا اسلوب صح للتربيه

[حـيـــــآة ❤]

نور.. وجب الخلط بين الاثنين اللين والحزم
فلا تنجح تربيه بدون حزم ولاتنجح تربيه بدون لين
وجب الاثنان معا
يعني من دا علي دا مش حزم اوي ومش لين اوي
موقف صاحبك دا لازمله حزم مع القليل من اللين
بس مش اللين اللي هو خلاص ادلعه واسيبه لا..
تسلم يانور علي مقالك
ولكن ليس كل امرأه بيبقي وراها مصيبه ^^
في حفظ الله

[إيلاانا]

أنا مو معك أبد في السطر الاول لانه اي مصيبة تعملها المرأة يكون ورآها وسببها رجل 😜😝😜😝.
وبعدين لاتنسى ان أنس ابن مالك الي ربته أمه مبهو ابوه وكثيرورر من رجال وعظماء الأمة الاسلامية الي مربيهم أمهاتهم موبشرط مثل ماقلت
وان قلت حالةاستثنائية بعد أقولك في اباء ما يصلحون انهم يربون عيالهم لأنهم غير سويين مثل الي يتعاطى المخدرات او غيره من المنحرفين
مو كل أب صالح لتربية ولا كل ام
وفي ام وأب صالحين لتربية
بالنسبة لموضوع صاحبك يعتب عليه وين شخصية راحت عند دموع. زوجته ونسي ابنه لو يخاف وأب صدق كان ماهمه دموع زوجته لو لصبح أخذ ولده
وعالجه واقف جنبه وتورد له بقلب الرحمة والعقل من غير ما ينفره واحتواه لما يتعالج اكيد بتعرف انه زوجها صح وتشكره انه ماسمع لها
لانه كذا تدمر ولدها فأثنينهم ما يصلحون لتربية الي راح يضيع الابن
بعض التربية تحتاج لحزم وأحيان شدة والبعض اللين
بالنسبة لموضوع فأنا معه وأكده
تحياتي وشكري على الطرح
إيلانا

[Eng Esraa]

خير الامور الوسط ..
اللين له سن معين و الشدية كمان لها سن معين
تسلم نور لطرحك

[*فجر الاسلام*]

قلب الام محدش هيقدر يغيره ابدا خوفها على اولادها كبير اوى
ومش معنى انها بتلين فى المعامله انها كده اهملتهم والعصبيه والشده بتاعة الاب عمرها ماهتجيب نتيجه
خصوصا اذا كانت الابناء فيها صفة العناد ماتعملش كده برضو هيعمل
والامر الوسطى افضل وربنا يهدى الجميع
تحياتى لك