فتة اللحمة بالزبادي

[انجي_1]

المقادير:

2كوب أرز
كيلو لحمة ضاني مقطّعة مكعبات
عيش شامي محمّص
ملعقة صغيرة قرفة
بصلة كبيرة مقطّعة2
ملعقة كبيرة سمن
2 فص حبهان
ورقة لاورا
ملح وفلفل
قرنفل
صنوبر ولوز محمّص
للتزيين
مقادير صلصة الزبادي:5 علبة زبادي نستله، ملعقة كبيرة طحينة، ملعقة كبيرة عصير ليمون، فص ثوم، ملح وفلفل

الطريقة:

اسلقي اللحمة في كمية مناسبة من الميه،
ضيفي معاها البصل والحبهان والقرنفل والقرفة وورق اللاورا، وما تنسيش تتبّلي الشوربة بالملح والفلفل
 حطّي السمنة في إناء آخر على نار متوسّطة، وحمّري الأرز لمدة 3 دقائق أو لغاية ما يتشرّب تماما بالسمنة، وبعد كده ضيفي كوبين ونصف ميه، وممكن تخلطي الميه مع الشوربة وتبّليه بشوية ملح، وسيبيه على النار لغاية ما يبدأ في الغليان، وبعد كده قلّلي النار، وغطّي الإناء وسيبيه لمدة 20 دقيقة أو لغاية ما تتأكّدي إنه استوى تماما.
 حضّري صلصة الزبادي بإنك تخلطي كل مكوّناتها مع بعضها.
هاتي صينية بايريكس وحطّي فيها طبقة من العيش المحمّص، وحطّي عليه كمية مناسبة من شوربة اللحمة، بس خلّي بالك إنك ما تزوّديش كمية الشوربة أوي علشان العيش ما يعجّنش منك، وبعد كده حطّي طبقة من الأرز وعلى الوش حطّي قطع اللحمة، وفي الآخر خالص وزّعي صلصة الزبادي، وزيّني الصينية بالصنوبر المحمّص.. وبالهنا والشفا

.
.
.
.
.

[حـيـــــآة ❤]

تسلم ايدك ع الوصفه

[El_Magic]

حلوه الوصفه

يسلمووووووووووووو

[.Lamar]

وصفة مميزة

كل الشكر

[انجي_1]

شكرا لمروركم ..

[حنان الروح]

يسلموو يديك
على هذه الوصفه الشهية
في انتظار جديدك الأروع
بارك الله فيكي
لكي مني أجمل تحية
لهذا التميز والإبداع

[انجي_1]

شكرا لمروركم ..