لو حلم

[a7med -3del]

براءة الدنيا في عينيها
وانا بين ايديها
حسيتها ايوة وشوفتها
غير قلبي حساباتي
لما لاقاها في حياتي
قاللي دي اللي بحبها

ياروح في روحي
خاطفة قلبي
جاية من ابعد مكان
يانبض خدني سرقني
من كل القصص
ومن الزمان

ياشمس عمري اللي ابتديت
وضحكة نهار
لو حلم
انا مش عايز افوق

يالليل نجومه قريبين
وبعيد اوي
ياشوق سنين
وفجر مستني الشروق

Ahmed adel
13-9-2016

[شاعر الحب الحزين]

ما انتا حلو ف الحب اهو يا ابو عادل

عايزين من ده كتير بقى

حلوة زي البرق كده سهلة وسريعة وجميلة

هي كده كلمات الحب موحية ومعبرة وبيغلفها صدق الإحساس

أبدعت يا ابو عادل..وكل سنة وانتا طيب يا نجم

ربي يوفقك ويسعدك

[a7med -3del]

وانت طيب يانجم
الحب مش سكتي بس يعرف اكتبه
لكن عمري ماركزت في الكتابة للحب ابدا الا لبنتي يمكن
مش عشان حاجة خالص
بس انا لما مبكتبش للحب فيه عشان مش عايز
مش عجز لا سمح الله
عندي موقف قديم
ارق تحية

[شاعرة الرومانسيه]

الله الله مانت جميل اهو وبتعرف تحب وتشتاق للحبيب

صراحه بعد ماقرأت رجعت أتأكد مين كتب الكلام ده

شكيت فى عيونى قلت انا قرأت الاسم خطأ هههه

والله روووووووووووعه كتير يا احمد

[جبل عالي]

حسيتها مش لحبيبه عاديه ..
وكأنها ملاك ...والملايكه قدامهم
منقدرش غير ع الحب والكلام الجميل

تسلم ايدك للروعه ف التعبير
تحيتي وكل تقديري

[*فجر الاسلام*]

وتم تغيير المنهج المقرر عليه ^_^ من عتاب الى حب
واكيد كله حلو تسلم ايدك ربنا يسعدك ويحفظك
تحياتى

[a7med -3del]

اقتباس المشاركة الأصلية كتبت بواسطة شاعرة الرومانسيه الله الله مانت جميل اهو وبتعرف تحب وتشتاق للحبيب صراحه بعد ماقرأت رجعت أتأكد مين كتب الكلام ده شكيت فى عيونى قلت انا قرأت الاسم خطأ هههه والله روووووووووووعه كتير يا احمد

😂😂
هو انا بقيت مسجل نجد عندكو ولا ايه
احنا حلوين اوي علي فكرة بس بنخاف من الحسد
انا كاتب للحب حاجات جامدة جدا بس رميها في الدرج
بربيها بعيد عنك
ده تاريخ قديم
تحياتي

[a7med -3del]

اقتباس المشاركة الأصلية كتبت بواسطة جبل عالي حسيتها مش لحبيبه عاديه .. وكأنها ملاك ...والملايكه قدامهم منقدرش غير ع الحب والكلام الجميل تسلم ايدك للروعه ف التعبير تحيتي وكل تقديري

حمد لله علي السلامة
وكل سنة والتي طيبة

[a7med -3del]

اقتباس المشاركة الأصلية كتبت بواسطة fagr alislam وتم تغيير المنهج المقرر عليه ^_^ من عتاب الى حب واكيد كله حلو تسلم ايدك ربنا يسعدك ويحفظك تحياتى

خلاص مش هاكتب حب تاني
انتو حرين
نجد بقي وفراق ووجع قلب
طالما مستغربين اوي كده
دانا مش شاكك دانا اتاكدت اني نكدي 😂😂😂
بجملت بقي
تحياتي

[*فجر الاسلام*]

اقتباس المشاركة الأصلية كتبت بواسطة a7med -3del خلاص مش هاكتب حب تاني انتو حرين نجد بقي وفراق ووجع قلب طالما مستغربين اوي كده دانا مش شاكك دانا اتاكدت اني نكدي 😂😂😂 بجملت بقي تحياتي

انت مستنى كلمتى ولا ايه
مش قصدنا والله اول مره نشوفك كده
ولا تزعل نفسك اتنا اللى نكديه
خلاص بقى