لازم تحب الحياة

[شاعر الحب الحزين]

لازم تحب الحياة عشان تقدر تعيش فيها

لو أيامها هتتعبك خلي راحتك في لياليها

فيه حاجات ملكك غيرك نفسه بالدهب يشتريها

ارضى بالمكتوب دي حياة قلوب والصبر بيحليها



حبيت الحياة لقيتها ما كرهت حد قدي

عاشرت خلق وناس ولقيتهم واقفين ضدي

ما ملكت فيها غير أيام من العمر بتعدي

ورضيت بالمكتوب في دنيا لا بتجيب ولا بتودي



طبيعي إنك تلوم الحياة وتقول إنك مكروه

ما انتا اللي مشيت ف سكة خلتك تتـوه

معرفتش تصاحب غير خاين وغشاش ومشبوه

الرضا مش بالكلام ده اختبار وأيام كتير بيجهلوه



حتى إنتا مغلطني طب عايزني اقولك إيه تاني

ده فيه حاجات جوايا مقدرش اقولهالك بلساني

انتا شفت ضحكتي بس ما شفتش قد إيه بعاني

انتا كدبتني وصدقت الدنيا وهي ولا حساك ولا حساني



انا عمري ما صدقت الدنيا بالعكس انا مصدقك

بس انا مش عايز افكارك في هموم وحزن تعلقك

صاحب اللي يتصاحب وحب اللي من قلبه بيعشقك

وابعد عن اللي يظلمك اقتل خوفك وحزنك وكل شيء بيقلقك



هحب الحياة وهسايرها عشان اقدر اعيش

هصاحب نفسي وابعد عن ناس ما تساويش

من النهارده هرمي ورا ضهري أي شيء ما يهمنيش

هراجع حساباتي هصحح اخطائي وهعيش هعيش



شــــــــــــــــــــــــــــــــــــــــ . حـــــــــــــــــــــــــــــــــــــــــــــ

[شاعرة الرومانسيه]

ياريت ياخالد

بس ازاى ده يتحقق ما اسهل الكلام

ولكن وقت تنفيذه صعب بجد

لاحنا قادرين نحب الحياه ولا بأدينا نفارقها

اقدار ولازم نعيشها سواء رضينا ام ابينا

تسلم ايديك خالد

[جبل عالي]

صح لسانك ف كل كلمة وفصلة
بس ياخسارة مبنفهمش الدرس ده الا
بعد ما بنخسر من اعمارنا كتير

واللى بينصحنا ف اوله ....بنكدبه
بنعاند وبنحاول نغير من الحقيقه
لكن ..... بنوصل لنفس النتيجه ...




رائع هو حوارك خالد
يسلم قلبك وقلمك ياطيب

[*فجر الاسلام*]

هصاحب نفسي وابعد عن ناس ما تساويش

حلو بس كده هنبعد عن الناس كلها
بنبقى فاكرينهم يساووا كل شئ وبيتغير الحال
جميله اوى كلماتك ومافيش غير الصبر اللى مخلينا نحبها
ربى يسعدك يدوم ابداعك

[شاعر الحب الحزين]

اقتباس المشاركة الأصلية كتبت بواسطة شاعرة الرومانسيه ياريت ياخالد بس ازاى ده يتحقق ما اسهل الكلام ولكن وقت تنفيذه صعب بجد لاحنا قادرين نحب الحياه ولا بأدينا نفارقها اقدار ولازم نعيشها سواء رضينا ام ابينا تسلم ايديك خالد

للأسف مضطرين نكدب ونقول إن الحياة حلوة

حتى لو مكنتش حلوة .الدنيا 3 ايام يا حنين

امبارح والنهارده وبكرا..لو مش هنعيشهم بفرح

يبقى هنعيش ليه ..عيشيها من قلبك وانسي

بتمنالك حياة سعيدة وجميلة يا حنين

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة جبل عالي صح لسانك ف كل كلمة وفصلة بس ياخسارة مبنفهمش الدرس دهالا بعد ما بنخسر مت اعمارنا كتير واللى بينصحنا ف اوله ....بنكدبه بنعاند وبنحاول نغير من الحقيقه لكن ..... بنوصل لنفس النتيجه ... رائع هو حوارك خالد يسلم قلبك وقلمك ياطيب

يعني معقول ف ايام العيد اللي لازم نفرح فيها

يبقى الحزن متملكنا بالشكل ده..

يمكن بكرا احلى والله هتضحك بس لو منفكرش كتير

الحقيقة إنها دنيا ولازم نعيشها..والنتيجة احنا اللي بنختارها


تسلمي ويصح لسانك جبل يا عالي

اكيد الروعة كلها بتواجدك وكلامك الطيب

نورتيني واسعدتيني يا غالية بحضورك الطيب

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة fagr alislam هصاحب نفسي وابعد عن ناس ما تساويش حلو بس كده هنبعد عن الناس كلها بنبقى فاكرينهم يساووا كل شئ وبيتغير الحال جميله اوى كلماتك ومافيش غير الصبر اللى مخلينا نحبها ربى يسعدك يدوم ابداعك

لسه فيه ناس كويسين بس كتر تفكيرنا

ف سلبيات غيرهم بيخلينا مش شايفينهم

الأيام الحلوة جاية لو بس نقول من قلوبنا بكرا احلى

وما بعد الصبر الا الفرج ..وبتهوووون يا فجر


تسلمي يا فجر الاجمل تواجدك ورأيك وصراحتك اكيد

نورتيني واسعدتيني بروعة حضورك يا فجر

ربنا يوفقك ويسعدك

[فداااااااااااء]

لو فضلنا ندقق على كل شيء حوالينا
يبقى عمرنا هيضيع فى بؤس وشجن
الحياة محتاجة منا شوية طناش
سلمت اخى شاعر حوار جميل منك
أجدت اخى ودام نبضك الحلو
احترامى لك

[شاعر الحب الحزين]

اقتباس المشاركة الأصلية كتبت بواسطة فداااااااااااء لو فضلنا ندقق على كل شيء حوالينا يبقى عمرنا هيضيع فى بؤس وشجن الحياة محتاجة منا شوية طناش سلمت اخى شاعر حوار جميل منك أجدت اخى ودام نبضك الحلو احترامى لك

عليكي نور يا فداااء طنش تعش منتعش

بشكرك فداااء لتفاعلك الجميل في الجون الحقيقة ردك

ربي يسلم نبض قلبك الطيب

أسعدتيني بالتواجد الخلوق العذب

كل الاحترام والتقدير لك فدااااء

ربي يوفقك ويسعدك