صدقيهم

[شاعر الحب الحزين]

صدقيهم وعيشي ف وهم أمانيهم

بس ياريتك ف وقت الشدة تلاقيهم

وانسيني لو تقدري

أصلك ما تقدريش ف يوم تنسيهم

زمان خلصتك من ظلمهم

بس الظاهر لسه قلبك بيحن ليهم

ارجعيلهم انا مش همنعك

بس متبقيش تلوميني على مقاسيهم

ضيعي زي اللي قبلك

خليها تتوه خطوتك بين زحمة خطاويهم

آديكي رايحالهم بإرادتك

وزي عادتك لسه واثقة ومأمنة فيهم

طب ليه الخوف ف عنيكي

محسساني إنك رايحة تحاربيهم

امشي بقى مستنية إيه

وابقي افتكريني أول ما تقابليهم

وافتكري زمان حصل ايه

اني اعتبرتك أخت وضحيت بيهم

ولسه مصدقاهم طب صدقيهم

بس ياريتك ف شدتك تلاقيهم



شــــــــــــــــــــــــــــــــــــــ . حــــــــــــــــــــــــــــــــــــــ

[حـيـــــآة ❤]

دايما والله بنصدق ناس وهما معيشيننا ف وهم
وناس تانيه تهتم بامرك وانت ولا علي بالك
تسلم ايدك خالد
تحدثت الي لساننا جميعا
في حفظ الله يارب

[شاعر الحب الحزين]

اقتباس المشاركة الأصلية كتبت بواسطة حيــــــاة ❤ دايما والله بنصدق ناس وهما معيشيننا ف وهم وناس تانيه تهتم بامرك وانت ولا علي بالك تسلم ايدك خالد تحدثت الي لساننا جميعا في حفظ الله يارب

حلاوة لسانهم بتغلب طيبة القلب يا هاجر

ولا قلوبنا بتحب اللي كارهها دايما معرفش ليه

تسلمي ويسلم نبض قلبك الطيب هاجر

أسعدتيني بتواجدك وتفاعلك الجميل ونورتيني

ربي يوفقك ويسعدك

[همس الكناريا]

للقلوب أحوال لا سلطان لنا عليها

شاعرنا الراقي/
بين الحقيقة والحلم
ثمة جمال لا يجيد رسمه سوى الشعراء
كفكرة تمر ليلتقطها شاعر
ويؤرخها في جمال القصيدة
عمت جمالا شاعرنا
احترامي

همس الكناريا

[*فجر الاسلام*]

بنامن لناس وبنبقى مستعدين نضحى عشانهم
المهم نسعدهم بس للاسف تقريبا بيحبوا اللى يجرحهم مس اللى يفرحهم
قريتها مرتين عشان افهمها الحمد لله فهمتها
مبدعنا تسلم ايدك
تحياتى

[شاعر الحب الحزين]

اقتباس المشاركة الأصلية كتبت بواسطة همس الكناريا للقلوب أحوال لا سلطان لنا عليها شاعرنا الراقي/ بين الحقيقة والحلم ثمة جمال لا يجيد رسمه سوى الشعراء كفكرة تمر ليلتقطها شاعر ويؤرخها في جمال القصيدة عمت جمالا شاعرنا احترامي همس الكناريا

عودا حميدا عودا جميلا يا همس

افتقدتك الأيام الماضية وها قد عدتي بأروع حضور

أشكرك همس الكناريا المغردة بالجمال لروعة الحضور

أسعدتيني حضورا وقولا همس وكل عام وانتي بألف خير

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة fagr alislam بنامن لناس وبنبقى مستعدين نضحى عشانهم المهم نسعدهم بس للاسف تقريبا بيحبوا اللى يجرحهم مس اللى يفرحهم قريتها مرتين عشان افهمها الحمد لله فهمتها مبدعنا تسلم ايدك تحياتى

هو كده طبع قلوبهم يا فجر او طمع قلوبهم

بشكرك لفهمك الجميل وتواجدك الاجمل

ربي يسلم نبض قلبك الطيب فجر

اسعدتيني اكيد بحضورك وتفاعلك الطيب

ربي يوفقك ويسعدك