وقال مسافر

[a7med -3del]

من امتي كنتي حنينة
ولا حسيتي اللي فينا
بينا وبينك ربنا
شاهد عليكي وشاهد علينا

اللي فيكي مات سكوت
واللي برة برضه موت
واللي حاول يبقي حاجة
راجع ياغالية في تابوت


ساب همومه في البلد
وراح يدور علي الحياه
قبل خطوة الحلم سابه
لما موته راح لاقاه

كان بيهرب من الظروف
من ذل عيشة
وذل خوف
كان كل همه يلاقي لقمة
اي لقمة
المهم تكون حلال
لم كل سنين عذابه
جوه كيس ابيض كبير
و كام شنطة فاضية
فيها احلام العيال

وقال مسافر

مانتي كفرتيه الحياة
مانتي علمتيه الركوع
هو قابل انه يخضع
بس مش قابل يجوع

يعيش يتهان
يموت متهان
يجوع يتهان
عاملي المصري
زي ضيفك
عامليه انسان
يابلد اجمل مافيكي
مهان


انا مش عايز اكتب وازود
بس اقسم بربي لو كتبت اكتر من كده
لاخرج عن اي نص واي كلام
فقط احتراما للناس اللي هنا
اما مصر مالهاش عندي اي احترام
Ahmed adel
24-9-2016

[حـيـــــآة ❤]

مش عارفه اقولك ايه
بس كلماتك مؤثره فعلا
بس لو هتركز هتلاقي ان اغلب الهربانين معاهم. فلوس وعايزين زياده
لا طمع مش لكتر

[a7med -3del]

اقتباس المشاركة الأصلية كتبت بواسطة حيــــــاة ❤ مش عارفه اقولك ايه بس كلماتك مؤثره فعلا بس لو هتركز هتلاقي ان اغلب الهربانين معاهم. فلوس وعايزين زياده لا طمع مش لكتر

بالعكس
محال حد معاه فلوس وطمعه ياخده لرحلة موت
الطماع عمره مايفرط في عمره
ولو انتي فاهم كده تبقي غلطانة
دي ناس بقدت الامل في بلد مهانة حرفيا
اعتبروني سعودي اماراتي واعملو حداد ولو دقيقة
هي البلد دي بتاغت مين بالظبط مش فاهم
احنا الاساس الدم والارض العرض والناس
احنا الخلاص
تحياتي

[العاشق الذى لم يتب]

سافر مجبرومغصوب
وحكومتنا هى من اجبرته
ان يموت غريقا
حسبنا الله ونعم الوكيل
بس كده

[حـيـــــآة ❤]

اقتباس المشاركة الأصلية كتبت بواسطة a7med -3del بالعكس محال حد معاه فلوس وطمعه ياخده لرحلة موت الطماع عمره مايفرط في عمره ولو انتي فاهم كده تبقي غلطانة دي ناس بقدت الامل في بلد مهانة حرفيا اعتبروني سعودي اماراتي واعملو حداد ولو دقيقة هي البلد دي بتاغت مين بالظبط مش فاهم احنا الاساس الدم والارض العرض والناس احنا الخلاص تحياتي

تمام بس انا اعرف فيهم ناس حقيقي؟
وفيهم اللي معاه بال70 ..60الف
دا يرمي نفسه ليه

[دمعه حائره]

كلمات رائعه ومؤلمة لواقع اشد ألم
ومصر ام الدنيا ليها احترامها وكل الحب
لكن قله الاحترام لكل مسئول عن الحادث ده
وعن حال البلد اللى وصلنا ليه ودفع كل الشباب دول
يرموا نفسهم فى التهلكه
تسلم اخى

[a7med -3del]

اقتباس المشاركة الأصلية كتبت بواسطة حيــــــاة ❤ تمام بس انا اعرف فيهم ناس حقيقي؟ وفيهم اللي معاه بال70 ..60الف دا يرمي نفسه ليه

معاكي يمكن شايف انه مش هسقدر يعيش بيهم
ويمكن عنده طموح
بصرف النظر منظر الاطفال يوجع القلب

[a7med -3del]

اقتباس المشاركة الأصلية كتبت بواسطة دمعه حائره كلمات رائعه ومؤلمة لواقع اشد ألم ومصر ام الدنيا ليها احترامها وكل الحب لكن قله الاحترام لكل مسئول عن الحادث ده وعن حال البلد اللى وصلنا ليه ودفع كل الشباب دول يرموا نفسهم فى التهلكه تسلم اخى

لاء يامنة انا قاصد كل جرف
انا مبحترمش مصر لانها بلد مش نضيفة
اغلب ناسها عايشين نفاق وزيف
المرتاح مرتاح والتعبان بيموت مش معاه تمن علاج
بلد كل الاختلافات والتنقضدات
بلد مزيفة عايشة وهم الموامرت
وكان الكون كله فاضيلنا
احنا افشل من الفشل نفيه
ومصر دولة متشرفش
تحياتي

[ahmed 22]

احيانا الغضب بياخدنا لاماكن بنندم عليها بعدين ..

صحيح احنا فينا كل العبر ..
بس مش لدرجة ان احنا نقول ان بلدنا متشرفش او مش بنحترم بلدنا
ده في دول فيها مجاعات وحروب .. وتلاقي كدا شعار البلد علي صدرهم فخورين بيه
في عز ازماتهم دي ..

والايام دول .. ولازم نؤمن انه زي ما احنا كنا بنقود العالم في يوم
طبيعي لازم الايام تختبرنا واحنا سقطنا في الاختبار كأشخاص ودولة اكثر من مرة
والعالم مش متمحور حوالينا احنا بس ولا حول اي دولة ...
واحنا مش لازم نشوف بلدنا دايما بعين الاستصغار .. لأن كل دولة في العالم وفيها
اللي خافي عيوبها .. وفيها اللي عاملة هالة حول اخطائها وبنخلينا مبهورين دون التعمق في اصولها ..

فلازم مانكفرش بدولتنا لو حابين في يوم نعيد هيبتها من تاني
كلها سنن من سنن الله الكونية ... فلا شقاء دائم .. ولا نعيم مستمر ..

فلو حابب توجه نقدك لحكومة اتفضل .. تشتم وزير ولا رئيس انت حر ..
تعمل ثورة بكرة الصبح ده المني ..

انما البلد دي شرفها من ناسها .. واحنا من ناسها .. واهلي واهلك من ناسها
وقيمتها من قيمتنا ... لو انت شايف ان احنا كأشخاص و 90 مليون مانشرفش
يبقي دي مشكلتك انت ... واعرف انك بتغلط فينا كلنا وبتغلط في نفسك وكل اللي يخصك ..

[a7med -3del]

مصر بلد متشرفش
وجهة نظرك احتفظ بيها لنفسك
انا عارف بقول ايه كويس
هتاخد الكلام لسكة تانية وتقولي بغلط في الناس
مبحبش كده افهم زي ماتفهم
بس متعممش وتدخلني في حورات مع غيرك
نورت يانجم