هربان من الضلمه رايح على غربه

[صمتى كلام]

افرد شراع المراكب هربنى فى الهوجه
جايلك يا موت راكب مركب على موجه

دايس على قلبى ومودع تراب بلدى
روحى على يدى مش خايف الموته

هربان من الضلمه رايح على غربه
مودعك يامه فى لحظة فراق صعبة

الشعر شاب يامه من الفقر والجوع
بتجمعى عمرك وبتدهونى دموع

مدى ايدك ضمينى كمان ضمة
خايف النوبه مايكنش فيها رجوع

ادى صورتى للولاد ذكرى منى
وعرفيهم انى ماشى غصب عنى

وان قلبى بيتقسم بين الضلوع

جالها الخبر قامت مفزوعه من نومها
جريت على الشارع مجرجرة هدومها

وفى لحظة طار عقلها وهى بتوطى
عشان تشوف ابنها بالتلج متغطى

والجثه مرمية على الارض هتعفن
البحر غسلها طب مين اللى هيكفن

يا دولة كلك قهر انتى اللى خسرانة
راحو الشباب فى البحر وانتى شمتانه

[شاعر الحب الحزين]

الله يرحمهم ويتولاهم برحمته الواسعة

لا شماتة في الموت ولا حيلة في الرزق

الله يصبر اهاليهم على فراقهم

تسلم يا طيب على كلامك وشعورك الطيب

كل الشكر والتقدير

[فصيح]

الله عليك معبر لأقصى درجة
الله يرحمهم ويحسن إليهم
ويصبر أهليهم اللهم أمين
خالص تحياتي لك والتقدير

[حـيـــــآة ❤]

ربنا يرحمهم ويصبر اهاليهم يارب
ابدعت ووصفت الحاله حقيقي
تسلم اخي
في حفظ الله

[*فجر الاسلام*]

الله يرحمهم ويرحمنا جميعا
يسلم احساسك الكبير
ربى يحفظك
وربنا يصلح الاحوال
تحياتى

[دمعه حائره]

ربنا يرحمهم ويصبر اهلهم
كلمات رائعه ومعبره
تسلمى اخى

[فارس الكلمة]

صمتى كلام
من أوجع الكلمات التى قرأتها بخصوص شهداء المركب
فعلا تحكمت فى قلمك فأنصاغ لك وترجم كما تريد
ولكن أخى الفاضل دع لقلمى مساحة للكتابة كما يريد

رداً على هربان من الضلمة رايح على غربة

على فين يا مركب مودينى
بلاش تغرقنى وتنسانى
أنا سبت البلد ولكنى مش كارها
هى والله اللى مخصمانى وكرهانى
أنا كان نفسى أكون زى كل الناس عايش مرتاح
ومرة فى الشهر أذوق اللحمة أو الفراخ
ولكن هيهات هيهات فالفقر متملكنى
ولبيتى متعاهد ولم يفارقنى
فكرت أسافر ولو بضع سنين
ما كنت أدرى بأن الغرق جانى الحين
كنت كما كان الجميع معى فالكل مات
وتركنا من خلفنا للأهل الآلم والآهات
سامحينى يا أمى فغصب عنى والله سافرت
كان نفسى تزورى الحبيب بعمرة أو بحج
هربان من الضلمة رايح على غربة
دمع قلمى ينزف قبل دمع عينى
وحنينى للأهل يسابق آنينى

أخى صمتى كلام
أولا أشكرك على صدق كلماتك وجمالها
ثانيا أشكرك على أنك منحتنى سطورا فاض بها قلمي
تقبل تحياتى وخالص ودى

[Doaa Hammam]

الله يرحمهم ويصبر اهاليهم

لا شماته في الموت

اسأل الله تعالى لهم الرحمة والمغفرة

تحياتي