الله هو الامان ♡ فضفضه

[Aya 7ekaya]

لو سألنا أكتر من شخص ايه هو مفهوم الامان بالنسبالك ؟!
هنلاقى كل واحد ليه مفهوم عن الامان بيرجع للشىء اللى ممكن يكون مفتقده

هتلاقى اللى يقول الحب واللى يقول الفلوس او الاهل وممكن الاصحاب

الحقيقه ان كل دى حاجات مؤقته و معرضه للزوال ، جايز تكون سبب من أسباب الاحساس بالامان فى الدنيا وممكن تكون بردو سبب الهم و الحزن والخوف !

لكن مفيش اجمل من اننا نعرف فى النهايه ان الامان ليه معنى واحد بس
الامان هو ربنا
احساس انه معانا ف كل وقت ، بيمنع عننا الشر و ييسر الخير
بيستجيب دعواتنا و يجبر بكسر قلوبنا
بيبعتلنا كل فترة رساله تطمننا علشان ماننساش ان ربنا رحيم رؤوف غفور
مدبر لامورنا من حيث لا نحتسب

الامان هو اليقين فى الله
* لا تحزن ان الله معانا *
مستحيل يحزن قلوبنا اللى اتعلقت ودعت
مستحيل يرد على رجاء المكروب غير بالفرج
بيتنزل فى الثلث الاخير من كل ليله علشان يسمعنا وعايزنا نطلب اللى نفسنا فيه لانه لا يعجزه شىء فى السماوات والارض يكفى اننا نطلب بيقين و حسن ظن فى الله

لا احصى ثناء عليه هو كما اثنى على نفسه
النعمه دى تستحق اننا نقول * الحمد لله انك ربى *
فضفضه من القلب ♡

[حـيـــــآة ❤]

دا حقيقي ربنا هو الامان وكل حاجه حلوه
ربنا هو الامل والوكيل
فضفضة جميله من القلب فعلا
والنعم
تسلمي ايوش
في حفظ الله

[شاعر الحب الحزين]

ونعم بالله سبحانه وتعالى

اكيد الا بذكر الله تطمئن القلوب

فضفضة جميلة وصريحة وحقيقية

ربي يبعث الأمان في قلبك ويطمن قلبك بذكره يارب

ربي يوفقك ويسعدك آية

[توحد ارواح]

جنة الدنيا القرب من الله عز وجل
وبالقرب من الله تكون كل مقومات السعاده والرضا
والامن والامان والحصن المنيع والثقه بان الله معنا دائما
تسلمى ايه ع الفضفضه الراقيه

[طبيب الهوى]

مَن يَتَقِ الله يجعل له مخرجاً ويُرزِقَهُ مِن حَيثُ لا يُحتَسِب

فضفضة روحانية نابعة من القلب لهذا مَسَتْ قلوبِنا

أدعو الله أن يُديمَ عليكِ براءة ونقاء قلبك

تحياتي لقلبك الأخضر النقي أبنتي

أبو عصام

[طبيب الهوى]

تقييمي البسيط + ***** 5

لنقاء ورقة وعذوبة الفضفضة

تحياتي لشخصك وأسرتك الكريمة

أبو عصام

[بنت خديجة]

احسنتِ ايه وصدقتِ
الله
تنزه اسمه وجل جلاله اقرب الينا من حبل الوريد
ومن كان الله حسبه ستهدأ نفسه وحياته

سلمتي وقربك الله وردك اليه ردا جميلا

[العاشق الذى لم يتب]

نعم الامان
هوقربنالربنا
جميلة الفضفضة
سلمت يمناك
يوشا
تحياتى

[*فجر الاسلام*]

ونعم بالله
نحمد ربنا على كل شئ
الحمد لله انه بيسمعنا وبيطمنا وبيكون جمبنا فى وقت مانحتاجه
ربنا رحيم
تسلمى ويسلم قلبك ربى يسعدك

[فصيح]

فضفضة جميلة جدا ، ونعم بالله
لا فض فوك أحسنتي وأحسن قائلك
خالص تحياتي