فين أيامك يا أبو علاء ..بقلم مهيب

[مهيب الركن .]

" مواطنون يتزاحمون لالتقاط الصور
مع جمال وعلاء مبارك بالشيخ زايد "

خبر قرأته من حوالى أسبوع
وما ادهشنى فى فى الخبر هو استخدام لفظ

" مواطنون "

المتابع لما يحدث ولحال البلد بعد ثوره على الظلم والفساد
المتمثل فى الحرامى مبارك وعصابته ممن مصوا دم الشعب
طوال ثلاثون عاماً من الجهل والتخلف والمرض
سيذهله ان يرى ان البلد وكأنها تسير نحو سيناريو
ان يترحم الشعب على أيام المخلوع

هل الأمر مقصود ؟

هل سيناريو التوريث تم تأجيله
وسيتم طرحه للظهور فى انتخابات 2018 ؟

بعد امتصاص موجة الغضب التى حدثت فى 25 يناير
واغراق البلد فى مشاكل اسوأ من تلك التى كانت
موجوده قبل 25 يناير وعلى طريقه نص العمى ولا العمى كله
يتم الترحم على أيام الحرامى وعصابته ؟

هل سيتم اغراق البلد ببوسترات تحمل صوره مبارك
وجمال مبارك تحت شعار فين أيامك يا أبو علاء
فى الفتره القادمه وهى بالفعل بدأت فى الظهور ولكن على أستحياء
وشيئاً فشيئاً سيتم عمل حملات أعلانيه ضخمه لها
مع اظهار مجموعة من المأجورين المطحونين انهم سيقوموا
بترشيح جمال مبارك لأنتخابات 2018

أحذر

البلد تعود الى الخلف

بقلم مهيب

[Aya 7ekaya]

شىء مش مستبعد نهائى
لو بيعتبرونا بنى ادمين كانو احترمونا كشعب لكن احنا عرايس لعبه
البلد بقت اسوء من الخلف حتى
ربنا يرحمنا برحمته
تسلم على طرحك مهيب

[بنت خديجة]

الحقيقة استاذي
ان البلد في ظلمات الغيب لا احد يعلم الى اين مصيرها وفي يد من
الله المستعان

اشكرك اشتاذي على هذه النظرة

[فصيح]

الله عليك ايها الراقي فكر ثاقب فعلا
ودا مش مستبعد بل زى ما تفضلت
في ناس بتروج للفكرة دى ،
وأنا مبارك اتظلم وكان الشعب الوحش قاسى عليه
والثورة كانت هوجه وأنا شهدائها كانوا همج عيال متربتشي

بحييك مهيب لفكرك واسلوبك الماتع في الطرح
خالص تحياتي

[فداااااااااااء]

هو احتمال يكون هذا هو الاتجاه
ولكن أظن أن الشعب أصبح فاهم ومدرك جيدا
يعنى الأمور ليست بالسهولة كما السابق فى الضحك على الشعب
سلمت اخى ودام رقيك

[Lamees]

ممكن مفيش حاجة بعيدة حالياً
احنا حاليا حالنا اسوء من ايام مبارك
ويمكن يكون ده تمهيد لرجوع الطاغية
وحتى لو مرجعش
احنا معانا طاغية فاق الحدود
احنا حالنا اسوء من زمان
يعني لو رجعنا لزمان هعتبره انا شخصياً تحسن
مبارك او السيسي مفرقوش كتير
الاتنين ايديهم ملطخة بالدم
ولا غيرهم ولا غيرهم
تقريباً احنا كده انتهينا
لازم نطلب الرحمة من ربنا
لان ربنا هو منقذنا

[دمعه حائره]

للاسف ناس كتير نسيوا الشهداء
اللى ضحوا بحياتهم عشان التغيير وحياه افضل
وده سببه ان الحياه بقت اسوأ وضاع الامل
لكن الامل فى ربنا موجوده
واكيد وقتها هانشوف رد الفعل الصح
تسلم اخى