لية بقينا كدة....

[SaMa.]

لية بقينا موش بنحب بلدنا بشكل دة
ولما تحصل كارثة او حادثة بنشوف ناس
شمتانين او يقولك اشربو من عمايلكو والل اخترتوة
ليه مبقناش نخاف ع بعض ولما تحصل خناقة او حادثة
نقف نصور بدل م نخلص الناس من بعضها
حتا لو حاجة حلوة حصلت مبنعرفش نفرح بيها
ليه البنت بقت لما تشوف ولاد ف الشارع
تخاف وتبعد الناحية التانية حتا لو كانت موش طريقها
لما مبقناش نخاف ع الناس الكبيرة ونحترمهم
وبقينا مقتنعين ان اهلنا مبيحبوناش ولا نصحيتهم ف مصلحتنا
كلنا موش عجبنا حالناوعاوزين نسيب البلد حتا لو عندنا شغل ومستقبل
مبقتش عجبانا مصر اتخلفنا ف كل حاجة حتا أخلاقنا
الل كانت بتميزنا عن غير بلاد ضاعت
احنا هنفضل كدة ولا هنزيد ف الوحاشة دى ولا هنفوق...

[Aya 7ekaya]

لان نفوسنا اتغيرت وكأن ميه النيل بقا فيها كره
لان عدونا نجح يفرقنا ويبعدنا عن ديننا سواء بافلام زادت اخلاق الشباب والمراهقين سوء او برامج بتبث افكار مسمومه ف عقول الناس

للاسف دخلنا ف طريق ضلمه محتاجين كتير علشان نرجع ده ان رجعنا ....
تسلمى سمسمه ع الفضفضه

[حـيـــــآة ❤]

لان دا اللي بيحصل ف زماننا دا
تسلمي، ع فضفضتك غاليتي

[فداااااااااااء]

اتغيرنا كتير بس للاسوء
وكمان القيم اللى كانا بنتربي عليها
بقا يداس عليها
الاحترام مافيش
وطنية مجرد كلمة
شبه أخلاق
قيم كتير اوى ضاعت
المجتمع والدولة والأسرة ساعدوا على كدا
فضفضة جميلة منك قمرى

[شاعر الحب الحزين]

السؤال ده اتكرر كتير للأسف ولسه

مش لاقيين اجابته رغم اننا عارفينها

بس مش قادرين نطبقها ع ارض الواقع

(ظهر الفساد في البر والبحر بما كسبت أيدي الناس)

صدق الله العظيم

تسلمي سما للطرح القيم

واتمنى يتغير الحال للاحسن يارب

ربي يوفقك ويسعدك

[العاشق الذى لم يتب]

اذاكان رب البيت بالدف ضاربا
عرفتى ليه
سما
مدام المسئول مايهمهوش المواطنين
يبقى الكل عنده الامبالاة
الكل يقول يلانفسى
الله المستعان

[دمعه حائره]

احنا فى غفله وتايهين نتيجة الحاله المؤسفه للبلد
محتاجين ثورة اخلاق بجد
ربنا يصلح الحال
تسلمى سما

[وباء الحب]

كلام جميل بس الحمد لله معندناش كده في بلدنا
موضوعك جميل جدا
تسلمي

[*فجر الاسلام*]

الله لايغير مابقوم حتى يغغيروا ما بانفسهم
الله المستعان وربنا يصلح الحال
تسلمى

[فصيح]

الاجابة بسيطة جدا سما
كل ما بعدنا عن دينا كل ما تهاويت الأخلاق
وأصبحنا أقرب إلي الإنحطاط والتدني
زمان وأقصد الزمان القريب يعني حوالي 30 إلي 40 سنة
كان الجار حتى وهو مش متعلم يعرف حقوق الجار ويخاف عينيه تشوف
بالخطأ حرمت بيت جارة وكان ليه أقرب من أهلة وأخوة يحفظة في غيبته ويهب لمساعدته
كان الشاب يعرف حدودة ويعرف بنات حتته ويعرف أنه عيب يجي منه العيب ويعمل حساب
إن البنت دي أخت صاحبة فلان أو زميله علان أو جارة فيلتزم الأدب
كان الإعلام زمان غارق في الرومانسية عبد الحليم وزبيدة ثروت عمر الشريف فاتن حمامة
أما دلوقتي دعارة وبلطجة هي دي السلعة المقدمة والكل بيقلد عبده موته والأسطورة
نلاحظ الانحطاط والجار بيحاول يدوس على عرض جاره بأي طريقة والحشيش والبانجو
اسف على الإطاله لكن الموضوع حقيقي فيه كلام كتير
تحياتي أكيد