كنت فـرحـة

[دمعه حائره]

كنت فرحة تترسم فى عيونى ضحكة

لما اشوفك كأن شمس الدنيا طالعة

وقت اما كان الخوف مالينى

تيجى انت وتحلى ايامى و سنينى

والعذاب اللى عشتة قبلك

اختفى لحظة ماشوفتك

كنت حب كبير فى قلبى

ليه بقيت طعنة بيجرى معاها دمي

كنت حلم اتمنى لوفضلت العمر احلمه

وبسهولة جيت فى ثانية بكل قسوة تحطمه

يالى كنت فى عينيك بهرب من الدنيا ومافيها

والجروح بلمسة ايديك تشفيها

ليه بقيت كلمة تقتل فرحتى

ليه معاك دايما بحس بغربتى

كنت لون جميل يزين حروفى

مكنتش اعرف انه هايكون سبب لخوفى

يالى وجودك عن كل الناس كان مكفينى

ليه تضيع حب كان من برد الدنيا مدفينى

كنت فرحة عمرها فى يوم ما كملت

بقيت لى دمعه بعد حيره طويلة نزلت

على العموم كل الكلام ده مالوش لزوم

بعد المحبة جوايا منك بركان هموم

والذكريات بعد اما كانت على كل لون

بقت الدموع اللى ساكنه جوا العيون
mena_hassan

26-9-2016

[توحد ارواح]

دئما ما تكون البدايات جميله
ربي يفرحك ويسعدك

دام نبض قلمك الراقى

[شاعر الحب الحزين]

ما أصعبه من شعور عندما يخذلنا الأحبة

كالحب يرتدي ثوب الفرح في البداية ثم سرعان

ما يعود عاريا حزينا يكسوه الألم والفقد والخذلان


كلمات مؤلمة والشعور بها صعب

أجدتي الوصف لحالة واقعية وعبرتي عنها بامتياز

دمتي ودام ضياء الحضور منة

ربي يوفقك ويسعدك

[*فجر الاسلام*]

يسلم احساسك
ربى يسعدك حلوه اوى
تحياتى

[فصيح]

روعه الكلمات وما اصعب الشعور
التمني والرجاء مقابلة الدموع والهم والأحزان
كلمات تمت صياغتها باحساس وتنقل بين القافية
برشاقة واسلوب عذب تمام التمام
خالص تحياتي والسلام

[حـيـــــآة ❤]

رائعه غاليتي
احساس صعب جدا
وغالبا ماتنتهي السعاده بالدموع
ربنا يسعدك ويفرحك دوما حبيبه قلبي
تسلم ايدك رائعه
في حفظ الله منون

[Doaa Hammam]

رائعة يا منه

نفسي يكون عندي موهبة الكتابة مثلك

ما شاء الله عليكي

يدوم تألقك واحساسك الراقي غاليتي

[فداااااااااااء]

البداية غالبا خادعة بس اجمل مافى النهاية هى وضوح الصورة
بس الافضل تكون نهاية مبكرة

كلمات جميلة منكِ منة سلمتى عزيزتى
دام نبضك الحلو

[راجعة لحبيبى]

اثبات حضور

[العاشق الذى لم يتب]

ليه كده بس
انت زعلانة كده ليه
كلمات جميلة
يسلم قلمك الراقى