بلاش نتخـــــــــاصـــم

[*فجر الاسلام*]

السلام عليكم ورحمة الله وبركاته

دخل بنا الشيطان ضحك عليك يا انسان

عرف يكرهنا ف بعض عرف يفرق المكان

انت شايف حاجه فيا انا شايف إيه في عنيا

ماتجبرنيش اقتنع راي ده بس ليا

انا وانت اتنين يعنى هنبقى رايين

طبيعي نختلف بس لازم نكون فاهمين

نحترم بعض ومانأزيش دي الحياه ماتساويش

نعيش شايلين واحنا نقدر نقول للخناق مافيش

بجد عرف يفرقنا قولنا امين وبعدنا

اهزموه واستعيذوا وبلاش تتخاصم قلوبنا ‏‎

اهداء للناس اللى زعلانه من بعضها وهى عارفه نفسها
واحب اقولها
اسمعوا الكلام وسامحوا وبلاش خصام

فجـــر

[توحد ارواح]

وعليكم السلام ورحمة الله

دعوه جميله للتسامح ونبذ الخلاف

دام نبض قلمكِ فجر

[حـيـــــآة ❤]

دعوه جميله حبيبتي
تسلمي لروحك الطيبه والجميله
في حفظ الله

[a7med -3del]

جميل كلامك فجر عن التسامح
والمحبة في الله
واحب اضيف ان لكل فعل رد فعل مساوي له تماما
وانا بعترف وبلوم نفسي اني لازم اكون اهدا من كده
مع اشخاص او حتي في تعبيري عن مصر
وحتي لو اللي قدامي حصل منه ايه مينفعش باي حال من الاحوال
اني انساق وراه كده.. بس احنا بشر فينا العصبي واللي بيقدر يعمل كنترول والعكس
وفي جميع الاحوال المواقف بتعلم
تحياتي فجر

[فصيح]

اللهم أنت الهادى أهدينا إلي الطريق والسلوك القويم
فعلا صدقتي بدعوة راقية وكلمات كانت للوضوح دليل
خالص تحياتي والتقدير

[دمعه حائره]

مبادرة جميله من انسانه طيبه
والدنيا مش مستاهله نضيعها فى زعل وخصام فعلا
تسلمى وربنا يديم المحبه بين الجميع

[فداااااااااااء]

الله يصلح الأحوال بين الجميع
سلمتى غلاتى لكلماتك الجميلة
ودعوتك الراقية
مودتى

[ahmed 22]

انا عارف اني بالغت في ردود افعالي الي حد كبير
وبعتذر عن ده اكيد ...
ماكنتش احب ان ده يكون اول انطباع يتاخد عني
وهو اني صدامي وكدا في بعض الامور اللي بلاقي فيها اساءات واضحة..

بس انا بحب اواجه الغلط اللي قدامي .. مابعرفش اعمل نفسي مش شايف
ما حبش انافق عموما .. انا اقولك انت غلطان في كذا بشكل محترم
طالما اتكتب بشكل عام... افضل من اني اكتم غيظ ليا تجاه اي حد ..
وده طبعي وصعب اغيره بأمانة ..
هو اللي بيحكم اللامور طريقة تقبل الناس للكلام وردودهم
الليي بتخلق الاستفزاز للواحد احيانا ..

بس طبعا ده مش مبرر لبعض ما صدر مني..
هو يمكن اختلاف توجهات وطباع عموما ..
واحنا مش في المدينة الفاضلة اكيد ..
كله بيغلط .. ومش هتجمل في الغلط .. وانا غلطت
وبعتذر مرة تانية ..

وشكرا للدعوة اللطيفة للتسامح يا فجر
كل التقدير لشخصك الراقي ..

[شاعر الحب الحزين]

الصلح خير ..جميلة دعوتك ومبادرتك يا فجر

ربنا يجمع بين القلوب بكل خير ومحبة يارب

تسلمي يا فجر لأخلاقك الطيبة

الله يوفقك ويسعدك

[*فجر الاسلام*]

اقتباس المشاركة الأصلية كتبت بواسطة توحد ارواح وعليكم السلام ورحمة الله دعوه جميله للتسامح ونبذ الخلاف دام نبض قلمكِ فجر

مرورك الجميل تسلمى اختى لتواجدك
نورتى