"كان في مرة ثورة"!!

[αЛαstoOorα]

( كان في مرة ثورة)





بتعذبيني بقسوتك
وتحنسيني بجنتك
عملاني دايماً لعبتك
معرفش انا ليه كل دا


زنبي ومش زنبي آنا
تبقي آنتي آمي وآنا الضنا
وبقالي عايش كام سنة
ملقتش منك غير عذاب
قافلة عليا بآلف باب
سيباني الحس ف التراب
وبتدي خيرك للكلاب


طب حبة رحمه وطبطبي
ليه تجلديني وتضربي
وتكشريلي وتقلبي
تديني ضهرك تبعدي
وللي فوق بتقربي


ماكفايه ظلمك والجراح
دا العدل فيكي مش مُباح
كل آما نفرح بالصلاح
نلقاكي فينا بتحلبي



هنروح لفين ولفين نفوت
ما هو فيكي موت مليان سكوت
ميت انا كدا آو كدا
ف مش مهم آنا فين هموت



حسيني مرة واعطفي
مش تقتليني وتحلفي
اني ابقة عايش ف المرار
وف حقي تخدي وتغرفي



ماتعبت منك وآشتكيت
وعليا جيت برضه وجنيت
ف الصبر فاض بيا آنا
آنا جبت آخري خلاص عانيت


ليه شايفه آني مانيش بشر
ومسوده لون الحليب
عايش ف قُم قُم بتحشر
وآنا اللي آولي م الغريب



يابلد لكل الدجالين
ملقتش ف سنينك حنيين
للي وهبلك لنتماء
ولفقره عايش ع المُعين


بتحاسبي فيا المرمطة
ومحملاني العيب كمان
منتي اللي شديتي الغطا
ومعرياني من زمان


عوزاني آعيش فيكي الضياع؟
ويقولو مش لاقي وصاع
منا قوتي لو كان مُستطاع
ليه فيكي آقرر ع الوداع



آنا لو بموت من قسوتك
حالف لغادر دُنيتك
وآهو رحمة عندي الموت بقة
علشان آريح حضرتك



مع آني عارف دي كمان
هتكلفك حبة شقا



اترحمي عليا خلاص
وآستشهدي كدا بالمشاوره
آصل الحكايه آتشقلبت
وكان فيكي يوم
كدا مرة ثوره


/

آهداء لآرواح ضحايا عبارة رشيد
آدعو لهم بالرحمه والمغفره

/
αЛαstoOorα

[حـيـــــآة ❤]

الله يرحمهم جميعا ويكونوا عبره لغيرهم
عشان محدش يفكر انه يرمي نفسه تاني حتي لو شاف ايه ف حياته
جميل تصويرك المشهد مع الصور مؤثر
تسلم ايدك شاعرنا
في حفظ الله

[دمعه حائره]

مفيش حاله مكلمتش فيها ابداع
وبمنتهى الاحساس قدرت توصل
مشاعر ملايين المصريين اللى حاسين بالضياع
تسلم منشاوى انت مبدع

[فداااااااااااء]

هو امر متكرر
نفس المشهد بس الأشخاص مختلفة
نفس القهر نفس الموتة تقريبا
ونفس احساس الحزن وكلمات الشجن
الله يهون ويصلح الحال
سلمت اخى المنشاوى كلمات رائعة جدا
دام نبضك

[Fatma eissa]

تصويرك لاحداث جميل
وكلام مؤثر جاي من
الواقع لاليم
الي فيه كل مره يدولنا
لامل فيه التغير
وتحسين
ولاسف تلاقي مجرد كلام
وخلاص
وربنا يرحمهم ويغفر لهم
ويجعل مثواهم الجنه
تسلم ايدك ياشاعرنا
المبدع

[توحد ارواح]

صور رائعه رغم ألم كبير سكن بها
ولكنه من حزننا على الاحوال
يارب بعد العسر يسر
ربنا يرحمهم جميعا ونحسبهم شهداء عند الله
دام ابداعك
تحيتى وتقديرى

[السفيره عزيزه]

من ناحية الابداع .بجد ابدعت
ومن ناحية الاوجاع بجد تمكنت
ومن ناحية الحقيقة بجد اوجزت.

تسلم الروح دي
ودام حسك الوطنى
وكلنا على قلب مصري واحد
ساعتها تبقي خلصت

اختك

[انجي_1]

البقاء لله

[αЛαstoOorα]

اقتباس المشاركة الأصلية كتبت بواسطة حيــــــاة ❤ الله يرحمهم جميعا ويكونوا عبره لغيرهم عشان محدش يفكر انه يرمي نفسه تاني حتي لو شاف ايه ف حياته جميل تصويرك المشهد مع الصور مؤثر تسلم ايدك شاعرنا في حفظ الله

ربنا يرحم الجميع
منورة

[αЛαstoOorα]

اقتباس المشاركة الأصلية كتبت بواسطة دمعه حائره مفيش حاله مكلمتش فيها ابداع وبمنتهى الاحساس قدرت توصل مشاعر ملايين المصريين اللى حاسين بالضياع تسلم منشاوى انت مبدع

آي حد بجد تعب وكان زي الناس دي ف يوم من الآيام
لازم يحس بيهم ..وآنا القصيدة محستش فيها بآي
تفنين ف العبارات والجمل ..لآني بكتب اللي عيشته بجد
وعايشه لحد الآن ..آحنا بندعي ربنا بس
آنه ينصرنا وينصر الشعب المصري ف يوم من الآيام
علي آي حد خان البلد دي وخان ترابها وآهلها
آكيد هيجي اليوم اللي نكون فيه آسعد خلق الله بعد التعب والظلم دا
ربنا يرحم شهداءنا جميعاً ويصبر آهلهم