أسطوانة

[شاعر الحب الحزين]

أسطوانة وكل المشاهد فيها متكررة

كل ما نقدمها نلاقيها بترجع تاني ورى

وياريت لو فيها كام قصة وغنوة

ياريت لو كانت مشاهدها حلوة

ظلم وقتل وخيانة وجهل وقسوة

الحق ثابت صاحبه مايل والظلم عدل زي المسطرة

ابرياء ولسه الدموع ف عنيهم

ظالمين بقت الدنيا ملك ايديهم

ناس زي الرفوف من كتر الحط عليهم

ناس ملاهم الخوف ولا حاسس بالأمان غير اللي عايشها مسخرة

بقت مضغوطة الأسطوانة من كتر الذنوب

بقى الغدر والخيانة للحياة حياة واسلوب

ولسه بنسمي اللي جوانا بنسميها قلوب

كفاية كدب يا بشر ده اللي جوانا حجر خلا الأسطوانة مشروخة متكسرة

وبترجع نفس المشاهد اللي شفناها

وبتتكرر معانا حاجات عمرنا ما حبيناها

والحاجات الحلوة راحت ذكرى وعشناها

بنحاول نعيش بس مفيش والله تعبنا وادينا شيبنا ولا عارفين إيه اللي جرى

عايشين من غير اهداف شاطرين في ظلم وخلاف عايشين مجرد منظرة

قد ما نحاول نتغير صعب نتغير لسه جراحنا بتتكرر ف اسطوانة حياتنا المتكررة


اللي تعب ومل من اسطوانته

واللي مستني ربنا ياخد امانته

كلنا عايشين في دوامة

انـــا وهــي وهــو وهمـا وانتوا



شـــــــــــــــــــــــــــــــــــــــــــ . حـــــــــــــــــــــــــــــــــــــــــــــ

[حـيـــــآة ❤]

اه والله شيبنا هموم واحنا شباب
والورد ذبل
تسلم ايدك بجد خالد
خاله واقعيه علي لسانا جميعا
ربنا يسعدك ويديم قلمك
في حفظ الله

[شاعر الحب الحزين]

اقتباس المشاركة الأصلية كتبت بواسطة حيــــــاة ❤ اه والله شيبنا هموم واحنا شباب والورد ذبل تسلم ايدك بجد خالد خاله واقعيه علي لسانا جميعا ربنا يسعدك ويديم قلمك في حفظ الله

الله يكون في عوننا وعون الناس على الدنيا

تسلمي ويسلم نبض قلبك يا هاجر

الله يديم طلتك وانفاسك ونبضك يارب

اسعدتيني بتواجدك الرقيق هاجر

الله يوفقك ويسعدك

[Fatma eissa]

فعلا اسطوانه
ومفيش جديد
والحال كما هو عليه
كلمات جميله
تسلم ايدك

[توحد ارواح]

اصبح هو الحال من سىء لاسوء
ربنا يزيل الغمه عنا ويصلح احوالنا
وبانتظار يوم قريب تتبدل فيه الاحوال
سلم نبض قلمك الراقى
تحيتى

[شاعر الحب الحزين]

اقتباس المشاركة الأصلية كتبت بواسطة fatma eissa فعلا اسطوانه ومفيش جديد والحال كما هو عليه كلمات جميله تسلم ايدك

الله يغير الحال للاحسن يارب

تسلمي يا فاطمة الاجمل تواجدك اكيد

نورتيني واسعدتيني بتواجدك الطيب يا طيبة

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة توحد ارواح اصبح هو الحال من سىء لاسوء ربنا يزيل الغمه عنا ويصلح احوالنا وبانتظار يوم قريب تتبدل فيه الاحوال سلم نبض قلمك الراقى تحيتى

اللهم امين ..في انتظار ذلك اليوم

الذي تتغير فيه الأحوال للأفضل بإذن المولى سبحانه وتعالى

أشكرك أستاذة ندى للتواجد والتفاعل القيمان منكي

سلمتي وسلم نبض قلبك الطيب

اسعدتيني بالتواجد الخلوق هنا

الله يوفقك ويسعدك

[وباء الحب]

مش عارفة ارد
حلووو جداً
تسلمم

[*فجر الاسلام*]

ربنا يصلح الاحوال
تسلم ايدك
تحياتى

[ŅĢM]

جميله كلماتك
فهى تمثل واقع نعيشه
تسلم على تلك الكلمات المفيده