القضية . .))

[همس الكناريا]

القضية القضية .. القضية .. القضية الكل بيقول القضية ولا عدنا عارفين هى إيه ... ؟ هى أرض وبندوقيه ولا قتل الآدمية ولا جزء من التكيه العرب مسجونه فيه ...؟ القضيه أصبحت فى كل شئ طلة ب دماغها عليأ جرح نازف ب نعانيه حتى فى حياتنا اليوميه هى لقمة وجلابيه ولا بيت أو مأوى ليا ولا نقص ف الشفافية والحقيقه متداريه ولا خوف بنبوس إيديه كل أركان القضيه اختفت ما عدتش هيه أصبحت فى بيوتنا عايشه فى كل شئ نحتاج إليه ::::::::::::::::::::::::: القضية بتت فيكم وفيا والجميع أصبح ضحية فى الدراما الانسانيه فى طريق تاهت معالمه وبصراحة توهنا فيه يكفى تعرف و ب بساطه أن وطنى مش لاقيه :::::::::::::::::::::::::: القضية فينا احنا قرن واحنا زى ما احنا الحياه عماله تجرى واحنا لسه فى مطاريحنا لسه بنغازل قمرنا وغيرنا ناس داست عليه :::::::::::::::::::::::::::::: القضية انى لسه فى مكانى لسه بتباهى بجدودى وناسى وضعى اللى فيه لسه نفس النعره فيا أننا خير أمه رغم كل الجاهليه والتخلف اللى احنا فيه ::::::::::::::::::::::::::: القضية فى القناع ناس فى قمه وناس فى قاع وهم عايشينه وخداع كل يوم نقول ها تفرج حتى إن العمر ضاع واحنا وسط الموج بنغرق فى سفن من غير شراع :::::::::::::::::::::::::: القضية فى كل أركان الحياه فى اللى عايش واللى تاه فى اللى جاله اكتئاب واللى م الجوع باع ضناه واللى جوه غيظه طاقق مش ملاحق م الجناه م اللى غاصب واللى سارق واللى سابها للإله واللى فينا للوعى فاقد واللى مش فارقة معاه لا قيم ولا إنسانيه وانشغلنا ب القضيه وبتوافه جانبيه خرجونا عن طباعنا زيفوا أسباب وجعنا شتتوا كل انتباهنا جعلوا من حل القضيه شئ نقضى العمر فيه غرثوا معنى الثأر فينا كله تاه م اللى فيه واللى بيه يرضوا النهارده بكره يعترضوا عليه غرقونا فى شبر ميه ومش عارفين اخرتها ايه مشكله خلقت مشاكل ع المناضل قالوا قاتل فيتوا واتفقوا عليه وياريت كان حد عاقل شار علينا ب البدائل كنا وبكل الوسائل شوفنا موطن نشتريه :::::::::::::::::::::: القضية فى الأنا والأنانية فى اللى بيقول انا مالى يخفى صاحبى ويخفى جارى يقتلوا أهلى وعيالى إلا تاج السلطانية :::::::::::::::::::::::: القضية فى الفوارق ناس ملوك وناس بيارق القرار كله فى أيدهم مره اسكت مره حارب إنما من غير بنادق مش مهم يجرى إيه ::::::::::::::::::::::::: القضية شئ خطير سرها كله فى بير غاز وبترول فيه مصير ننضرب منه وناكل ب رأى كل الخنازير احنا أاااااه ملوك عليه إنما برتبة غفير مهما نصرخ أو نعافر فى العالم مات الضمير :::::::::::::::::::::::: القضية مش أراضى أغتصبها الأعادى القضيه يا صاحبى أكبر م الأراضى مهما تكبر أصبحت ازاى نسيطر على بيتنا واللى فيه أصبحت ازاى نعيش والفقير يلاقى عيش و مأوى أو هدمه تداريه دى نمازج من حياتنا غير حاجات وشئ ناسيه القضية فى كل شئ ومفيش واحد برئ فى اللى ركب الموج وعدى واللى فيها مات غريق ::::::::::::::::::::::::: القضية فى كل حاجه عملها الجانى بسماجه لما شال زرع وحصد وعمل م الديك دجاجة وأصبح العرف اللى بنا الكل فى عنق الزجاجة ومش عارفين آخرتها إيه :::::::::::::::::::::::::::::::::: همس الكناريا

[توحد ارواح]

تمام القضيه فينا احنا
متى سيثور بركان العقول
سلمتِ وسلم حرفكِ
الذى ياتى دائما من عمق المعاناه
فيفيض بروعته رغم الالم والشجن

[حـيـــــآة ❤]

نحن هي القضيه
ولا يصنعها سوانا
تسلم ايدك
في حفظ الله

[دمعه حائره]

كلمات رائعه من قلم ابدع فى وصف حال مؤلم
تسلمى همس ومتحرمناش من جديدك الراقى

[فصيح]

أولا حمد لله على السلامة
ومشتقين للقلم الجميل
يا رب تكوني دايما بخير همس
ثانيا مهما كتبت فأنتي الروعة بذاتها
والقضية هي القضية مسرحية وتمثلية
الله المستعان ، كل التقدير لكي همس
وخالص مودتي والتحية

[فداااااااااااء]

قضية صعبة حلها رغم وضوحها
بس الخمول والطمع والضعف
بيسيطر عليها
كلمات رائعة فى وصف الحال
عسي ان يتغير للأفضل ان لم يكن لنا
فاليكن للأجيال القادمة باذن الله

[السفيره عزيزه]

القضيه هي هي
فى السنين الاوليه

كان الحق شويه
وكان الظلم الاكتريه

كان المال والسلاح
فى ايادي العنجهيه

كان الكبر عبايه
يرتديها الاغلبيه.

وكان الناس الجميله
ال قلوبهم متقيه

كل فجر وكل دعوة
يلجاو برب البريه

اصل هما واثقين
ان النصر فيها هي

فى الرجوع لرب الخلايق
والا تفضل هيه هيه

كل ده يزول بكن من
اراده وكمان نيه

نرجع للكتاب ال اُونزل
والسنه المحمديه.

والا هنفضل فى دايرة
السلطان والسلطنية

والقضيه تموت ببدله حمرا
والايادي المفتريه

تعالوا يلا بسرعة
نعود واكيد النصره جايه

ممكن دلوقتى ولا بكره
ولا مع وش الصبحيه ...


قلمك جميل كناريا
ومش بس قلمك لا واسمك .

تحياتى ودمت بخير

[همس الكناريا]

اقتباس المشاركة الأصلية كتبت بواسطة توحد ارواح تمام القضيه فينا احنا متى سيثور بركان العقول سلمتِ وسلم حرفكِ الذى ياتى دائما من عمق المعاناه فيفيض بروعته رغم الالم والشجن

ويسلم نبض قلبك حبيبتي
أسعدني حضورك الطيب
لروحك باقات الياسمين
مودتي

همس الكناريا

[همس الكناريا]

اقتباس المشاركة الأصلية كتبت بواسطة حيــــــاة ❤ نحن هي القضيه ولا يصنعها سوانا تسلم ايدك في حفظ الله

يسلم مرورك الجميل
مودتي
همس الكناريا

[همس الكناريا]

اقتباس المشاركة الأصلية كتبت بواسطة دمعه حائره كلمات رائعه من قلم ابدع فى وصف حال مؤلم تسلمى همس ومتحرمناش من جديدك الراقى

يسلم قلبك الطيب حبيبتي
الروعة في تواجدك الجميل
مودتي

همس الكناريا