رساله الى كل عضو ف المنتدى

[Aya 7ekaya]

طيب انا هتكلم على اساس انى عضوة ف منتدى بنات مصر
المنتدى محتاج تجديد والمشرفين من النقاط المهمه جدا ف المنتدى وجود مشرفين بيفرق فعلا

محتاجين تشجيع ، اقترحت قبل كده اننا نحط ف الرئيسيه بشكل يومى خانه لافضل عضو ف اليوم وخانه لافضل عضو ف الشهر و افضل مشرف او المشرف المثالى

وكنت ناويه اطبق الفكرة مع تقييم المشرفيين
التشجيع مهم جداا

تانى حاجة للتعاون ، مفيش تعاون بين الاداريين والمراقبين و المشرفين يعنى كل واحد شغال مع نفسه

ازاى نجذب الاعضاء ؟
مفيش اكتر من النشاط اللى ببشجع العضو يسجل معانا لما يشوف الكل متعاون والادارة كذلك وكمان محتوى الطرح راقى

وانا من ناحيتى هحاول ابذل مجهود اكتر لان كلنا مقصريين وخصوصا ف حاله السكون دى بنكسل اكتر لحد م المنتدى يكون فاضى

اقتراح اخير هقوله هنا بردو و تعليقا على رد هاجر فعلا كل المشرفين اللى مش موجودين من فترة نقولهم مع السلامه و لما يرجعو باذن الله نبقى نشوف اسباب و هل هيستمرو ولا لا

وفتح باب الاشراف للاعضاء الموجودين حاليا

وشكرا ندى على موضوعك لان المنتدى فعلا محتاج اننا نتعاون و الادارة تاخد راى الاعضاء و تشاركهم

وان شاء الله للاحسن ديما

[السفيره عزيزه]

فعلا المنتدي غالى علينا وكتير محتجين له
وان شاء الله نشارك مع بعض ويرجع كما كان

نتواجد بقدر المستطاع ونشارك .كل واحد
على حسب ميوله والقسم ال بيهواه
وكمان الردود على المواضيع لتشجيع الكاتب
وتحفيزه انه يداوم ويستمر .

وكلنا يكون هدفنا الاول النهوض بالمنتدي
والقضاء على حالة الخمول ال اصابت
اكثرنا ...
معاكم انا فى كل ما تقترحوه ..

واقترح التواجد اليومى من كل الاعضاء ومش بس التواجد
لا .ضروري يكون فيه دور فعلى حين التواجد
.مشاركة وردود وكده يعنى .

ان شاء الله خير
ان شاء الله معكم وعلى استعداد
لاي شيء للحفاظ على المكان الغالي ده .

[فداااااااااااء]

شوفى عزيزتى انا روحت منتديات كتيرة
وكان كل منتدى بكون فيه نشيطة جدا حتى المنتدى دا
كنت كدا بس للاسف مافيش منتدى خلانى أكره التفاعل والتواجد
كد المنتدى هنا خاصة فى الفترة الأخيرة معلش انا بحب أكون صريحة
فى كلامى مش بحب ازوق...
انا هقولك على اكتر عيبين شوفتهم ولامستهم بالفعل
شوفت التمييز بين الأعضاء من قبل أعلى الطاقم إلى أقل منه ومحدش
يسألني فين التمييز لانه اكيد هو عارف بنفسه خلال تعامله
تانى شيء الصحوبية.. كل ادارى مراقب مشرف عضو ليه أصحاب
بس هما دول اللى يتفاعل معاهم بالردود الباقى اتفرج وأجرى بسرعة
قبل ما حد يلاحظ تواجدك او أقرأ وانت زائر علشان ما تتفاعل

التكريمات والتعينات اللى بتكون بحسابات المحبة او الخوف
اكتر منها بحساب التواجد والتفاعل
علشان كدا فى ناس لسة فى المنصب وهى لا تستحق
لانها مش متفاعلة او حتى متواجدة
والباقى اللى قبلى من الاعضاء قالوه مش هكرره تانى
وأنا اتكلمت معاكى على أمر التشجيع اللازم من قبل الإدارة يعنى مش
محتاجة أشير إلى الأمر تانى لانى عارفة انك فاهمة الأمور كويس توحد
سلمتى

[ڪــــبرياء الروح]

اسباب ركود المنتدى بسبب الانشغال بحياتنا
كل واحد وظروفه
يجي من العمل تعبان ويدوبك يلحق ع يومه
يعني انا بس اروح لغرفتي بفتح المنتدى
بصراحه له ذكرايات عندي واحب اتواجد باستمرار
بس الظروف
وان شاء الله افضي من وقتي للمنتدى


اما افكار لتجديد
ماعندي والله 😥

[ahmed 22]

اولا في عيب موجود فينا كأعضاء لازم ناخد بالنا منه .. وهو الروتينية في الردود
انا بدخل مواضيع كتيرة .. بلاقي غالبا الردود والتعليقات شبه بعضها ..
وبنفس الرتم ومش بتتغير غير بكلمات بسيطة ...
وده بيخلق الملل في النفوس اللي بيكتب واللي بيقري من غير ما نحس ..
وبيخلق حالة الخمول .. احنا بقينا بنعلق كنوع من الروتين
مش لحالة ابتكار او خلق ابداع فينا ....
لان اصلا التعليق هو روح اي منتدي .. مش الموضوع بالدرجة الأولي
وده لازم اللي نفهمه كويس جدا ..
كله ممكن يكتب كويس .. بس مش كله عنده القدرة علي ابتكار ردود
قد تفوق الموضوع قيمة وده مايقلش من صاحب الموضوع .. بس بيخلق حالة جديدة
من الترقب والاهتمام ... وبيخلق نوع من الشغف .. وده شئ ناقصنا جدا .. ومطلوب جدا ..
والمفروض الناس تجرب تدي قيمة لردودها وتعليقاتها اكتر من موضوعها
هيحسوا بفرق كبير جدا ... لاني كنت بستشعر ان كتابة الردود فيها متعبة اكبر من المواضيع ..
ولان الناس هنا بترد لمجرد الرد .... مش ان تعليقهم يخلق حالة نقاش
او حالة تعمل لموضوع الطرح ابعاد جديد ويفتح مجالات اكتر ..
ويكون في رد ورد فعل ... سواء ادبيا او فكريا ..

ثانيا : فيه فرق بين ان احنا عاوزين نشجع بعض .. وبين ان احنا بنجامل بعض
بمعني انا مثلا ممكن ارد علي موضوع شخص لمجرد انه رد عليا ليس الا
فبيكون رد مجاملات اكتر منه تشجيع او تصحيح ... فبيخلق حالة روتين برضه


ثالثا : عشان تحبب ناس في مكان لازم تحسسهم انهم جزء منه ...
بمعني دور مشرفين الاقسام مش بالدرجة الأولي مسابقات وتحفيز
بقدر ما هما يعطوا الاعضاء القدرة علي عمل قوانينهم الخاصة
وبينفذوها وبيحسسوهم بقيمة المكان اكتر ..
بمعني وعن تجربة انا كنت مشرف لساحة الفكر الحر قبل كدا
اول ما بقيت مشرف اول حاجة عملتها .. عملت وثيقة الفكر
فتحت موضوع للاعضاء يقدموا فيه اقتراحاتهم لقوانين القسم
وكل عضو شارك بقانون يخصه او النقطة اللي تهمه
وبعدين النقط اللي عليها اختلاف فتحتها في موضوع تاني للنقاش حواليها بنعم ولا
وبعدين جمعتهم في موضوع واحد ...
وعملت عليه تصويت بين الاعضاء وحرصت ان الكل يشارك
وبعدين قدمناها لادارة المكان وتم اعتمادها كقوانين للقسم
وعملنا تجربة ديموقراطية جميلة جدا ...وكان حوار لذيذ عمل حالة

وبعدين حتي لما كنت بعمل اختيار لافضل عضو في القسم
كنت بعمل تصويت عن طريق موقع يخص الاستبيانات وكدا ..
والاعضاء هما اللي يختاروا الافضل مش المشرفين..
طبعا انا مش بقول ان الفكرة تتنفذ او كدا
انا بقول ان فيه طرق كتيرة قادرة تخلي المشرف قادر يخلق حالة تستفز الاعضاء
ويخلوهم يحبوا المكان اكتر وكأنهم فعلا جزء منه عن طريق المشاركة ... مش المسابقات بس ..

رابعا : في واقع جديد اسمه مواقع التواصل .. ليها طرق اسرع لعقليات الناس
لأن فكر معظم الناس المنتديات مابقتش تواكب بطئه ...
ومش اي حد حاليا يفكر يسجل في منتدي ...
لازم المنتدي يلغي فترات التسجيل وقوانين المشاركات بالموافقة دي
والمشاركات تنزل في وقتها ويجازفوا بده ..لانه بقا امر واقع
في ناس ممكن تكتب تعليق وماتلقهوش ظهر فتمل بسرعة وتمشي
من قبل ما تفكر تشارك بسبب الاجراءات الرسمية دي ..
لازم الامور الروتينية دي تتلغي وعواقبها نتحملها ...
بس يكون فيه اتفاق بين المشرفين او ادارة المكان انه يكون في تنظيم
لتواجد المشرفين بشكل مستمر اللي قادرين يمسحوا اي حاجات خارجة
ودي هتكون بنسبة 5 المية مش كتير
وهتفتح للناس فرصة اكبر لمشاركة اعضاء جدد ..

دماغي مش معايا دلوقتي
بس لو في نقط تانية هضيفها مع الوقت ان شاء الله..

[ڪــــبرياء الروح]

ياساتر يا احمد
هاد وانت دماغك مش معاك
كل هاد الكلام
تحب تتتكلم كثير وهادا الي قولته بموضوع اجدد عضو
لك 😝


تقبل نقدي 🤗

[Eng Esraa]

طيب ..
اولا الفكرة جميلة منك ..
ثانيا .. انا فعلا ماثرة الفترة دي علشان دراستي
و الكلية و لظروف تانية كنت تعبانة ..
بس فعلا لو جه فرصة و بقي عندي وقت فاضي
تاني زي الاول .. هشارك اكيد و هرجع كل حاجة كنت بعملها
بس فعلا الفترة دي مضغوطة جدا .. و بعتذر عن ده اكيد
ان شاء الله المنتظي يرجع بنشاطه و روحه الحلوة تاني
ف وقت قريب و بينا كلنا ..

[YOo YA]

بصراحه ي احمد مش قادرة اسكت
قولت ووفيت
كل دا
ربنا يزيدك كمان وكمان

[جبل عالي]

خلوا بالكم من نقطة مهمة اوي ...وهي سقوط المنتدى المتكرر
واللي كان بيستمر لعدة ايام ...ده مليون ف الميه عامل مؤثر كبير
في هبوطه ...ده غير ضياع بعض المواضيع
اكيد بيضعف عدد الاعضاء وبيقلل المشاركات


الى جانب شيئ كلنا عارفينه ولمسناه وعانينا منه
هو موضوع الشللية والتجمعات اللي بتبقا ع حساب اعصاب المشرف
خصوصا لو عامل مسابقه ...والضغط النفسي الفظيع
من تشكيك واتهامات ...ده بيخليه يتوقف عن عمل مسابقات جديده
وده كله بيتحاسب عليه المشرف لوحده دون ان تتدخل الادارة
ويوم ما الادارة تتدخل بيكون لمحاسبة المشرف فقط
ع اعتبار انه مسؤل ....




كلامي طبعا بعد كل اللى اتقال قبله من عدة نقاط مهمه
ومتنسوش ان الظروف اتغيرت مع الكل

والغياب والنقصير مننا كلما بدون استثناء

عن نفسي ...حياتي بقت ملعبكة زيادة عن اللزوم

[ahmed 22]

اقتباس المشاركة الأصلية كتبت بواسطة ڪــــبرياء الروح ياساتر يا احمد هاد وانت دماغك مش معاك كل هاد الكلام تحب تتتكلم كثير وهادا الي قولته بموضوع اجدد عضو لك 😝 تقبل نقدي 🤗

اه والله كنت عاوز انام ههههه
وجهة نظرك تحترم اكيد ..

بس هقولك شئ انا مشاركاتي الفعلية في شهر ماتعديتش حوالي 103
منهم 40 او 50 تعليق يعني هنقول معدل تعليقين يوميا او اقل
منهم حوالي 5 ردود بس كان فيهم اطالة .. منهم واحد في موضوع ليكي

يعني اكيد مش بكلم لمجرد الرغي .. وبهتم بالكيف اكتر من الكم
وبكتب لهدف ان الموضوع ياخد حقه لو في مجال ..
او اقول تجربة انسب فيها فضل .. وابسط بيها كلامي واوصل رسالة ..

وبعدين انا لو بقول كلام بيسرب ليكي الملل وانتي بتقريه ولو حتي طويل
او اللي فيه كلام مكرر وبره مضمون الموضوع
تبقي دي مشكلة ممكن توضحيها ليا ..واخد بالي منها ..
لو الكلام بيشدك تقريه للاخر علي الرغم من طوله ..
يبقي ده شئ ممكن تحسبيه للتعليق

وحطي في الحسبان ان كل فرد فينا ليه اسلوبه وطريقته
والمفروض مانجورش علي بعض فيها ..

وانا طولت في الرد ده برضه عشان اغيظك بس ههههههه
بس طبعا نقدك مقبول جدا وهحاول اخد بالي منه ..