رحلة رعب (3)...(حيــــــاة ❤)

[ايمان طلعت]

السلام عليكم ورحمه الله وبركاته كل منا في داخله شيء يهابه ممكن ان يكون خيالي او واقعي لكن هذا الخوف مخفي داخلنا لا يظهر إلا اذا تعرضنا لقوة هذا الخوف برنامجنا رحلة رعب عبارة عن عدة مواقف مرعبه بل مميته تعالوا نشوف رد فعل الاعضاء ايه لما تخيلوا انهم اتعرضوا للمواقف دي معانا النهادرة حيــــــاة ❤ ماذا تفعل لو كنتي نايمة وبتتقلبي فتحتي عينك لقيتي حد شكله غريب واقف يبصلك؟ دا حقيقي حصل معايا في. بدايه السنه دي كنت نايمه فبتقلب تمام؟ وانا بتقلب فتحت عيني علي حد كله اسود واقف جنبي اتفزعت..وفوقت ومفيش. حاجه.يعني ..قعدت اسبوع خايفه اقعد بوحدي وبخاف وانا نايمه وبتخيله دايما.. كنتي ماشية فطريق لوحدك ولقيتي على الارض خيالين ؟ ايوه ههههه ربنا مايجيبه الموقف دا هموت م الرعب اصلا.. انا من النوع الخواف جداا كنتي في الحمام وبتغني ومندمجة وفجأه تسمعي صوت بيقولك كفايه بقي ارحمي وداني ؟ هقوله سدها ههههه كنتي بتعومي في وسط البحر ولقيتي جمبك سمكه قرش ؟ يالهوي هههه هموت قبل ما اخاف اصلا كنتي نايمة وحسيتي ان فيه حاجه على رجلك وتبصي تلاقي ايد بتطقطقلك صوابعك ؟ مره حصل الموقف دا او. مشابه ليه. اخويا كان.بيهزر هزاره التقيل كنت نايمه لقيته جايب عصايه مكنسه وملبسها جوانتي ههه فهو.واقف بعيد والايد عند دماغي انا فضحت الدنيا يومها ههه كنتي قاعدة بتاكلي في مطعم ولقيتي واحد بيقرب عليكي عنيه حمرا ونازل دم من بوقه وماسكلك سكينه ؟ هقوله اتفضل معايا؟ هههه مش ممكن.طبعا هسيبه واجري مع موسيقي صرخه هاجر ههه كنتي راكبة طياره ولقيتي كل اللي معاكي اختفوا فجأه و دخلتي للطيار ملقتوش ؟ هقع.من.طولي ميته كنتي نايمة وصحيتي تمدي رجلك عشان تلبسي الشبشب مش لاقية الارض تبصي تلاقي نفسك متشعلقة في السقف ؟ دي ممكن.تحصل لما انام.واسيب ماما شغاله لوحدها ههههه كنتي قاعدة بتتكلمي مع صاحبتك والتليفون يرن تلاقيها هي ؟ ممكن.تكون طالعه بدورين كنتي نازلة بــ براشوت وجيتي تفتحيه مفتحش معاكي ؟ يالهوي مش عايزه اتخيل لايمكن اعملها اصلا ..انا بخاف من المرتفعات كنتي بتزوري حد في المقابر ولقيتي ايد بتطبطب عليكي ويقولك معلش يابنتي كلنا لها لفيتي لقيتيه هيكل عظمي ؟ عمري مادخلتها لانه.حرام بس نتخيل كدا الموقف ..اكيد هخاف يعني كنتي باصة في المرايه ولقيتي شكلك زي الزومبي ؟ حلوه هههههه ممكن.اكسرها هاتلنا اكتر صورة مرعبه في نظرك ؟ هي صوره.شخص بصراحه.بترعبني وبتخليني اتقزز من.حياتي مينفعش اجيبها هنا ^^ يا ترى فيه موقف مرعب ليكي متذكرش في البرنامج ؟ اها 1/كنت نايمه سمعت صوت حد بيقول :يا يوسف ويينك المشكله ان الصوت. واللهجه كانت سعودي وانا كنت ف مصر هههههههه المهم كانت كانها واحده متوهه ابنها وبتدور عليه وبتصوت وتعييط اطل البلكونه.. مش الاقي حد واقف.. الدنيا ساكته خالص مش لاقيه تفسير للموقف دا بصراحه .... وكتير برده بتحصلي اكون ف التواليت اكرمكم الله اسمع صوت حد بيزقزق او بيقزقز لب صوت غريب ههههه ..... مره. كمان كنت نايمه صحيت علي واحد قاعد علي صدري وبيخنق فيا وبصوت صوتي مش طالع مش قادره اصوت وكنت مشلوله مش قادره احرك طرف حتي في ناس فسرتلي الموقف دا علي ان. نفسيتي تعبانه وكدا لاني بصلي وعارفه ربنا الحمدلله فمش معقوله هيطلعلي عشان مش بصلي وكدا بس ايه رايك في البرنامج بقى و مواقفه ؟ اكيد جميل ياقلبي فكرته. رهيبه بجد موفقه.. انتهت حلقتنا اليوم لكن لسه اللى اجي احلى تحياتي

[فداااااااااااء]

واظبي على الاذكار هاجر لانها مهمة
ولو مواظبة عليها يبقى دا تعب نفسي

بس الحلقة جميلةوفيها امور تضحك
اجابات هاجر عسولة
سلمتى ايما

[شاعر الحب الحزين]

ههههههههههاي حلوة اجاباتك يا هاجر

ده كابوس اللي كان بيخنق فيكي..بعد كده نامي على جنبك اليمين

عشان تتجنبي الكوابيس دي ..وضروري تشغلي قرآن وانتي نايمة عشان ترتاحي

ومش بالضرورة السبب يكون ان النفسية تعبانة ممكن اسباب تانية

تسلمي ايمان ع الاستضافة الجميلة

استمتعت بالحلقة واجابات هاجر كانت صريحة وجميلة

ف انتظار الضيف القادم بإذن المولى سبحانه وتعالى

ربي يوفقكم ويسعدكم

[حـيـــــآة ❤]

اسمتعت معك ايمي حبيبتي
مروه وخالد منورين والله
انا فعلا مواظبه ع الاذكار وبنام وانا متوضيه كمان مروه
بس موضوع القرآن دا هبقي احاول اعمله
تسلمولي علي نصايحكم الجميله
مجهود رائع ايمي
في حفظ الله

[بنت خديجة]

الظاهر ياحياة معظمنا فعلا بيمر بحاجات مرعبة والله وتخلي قلبك هيقف من الخوف
بس مع مروة في موضوع الاذكار والوضوء الله يكفيكي شر الوسواس ياطيبةويطمن قلبك

حلقة جميلة ايمان وضيفة من اجمل الشخصيات

[السفيره عزيزه]

كلنا خوافين على فكره .انا بعمل مش
خايفه كتير .بس بتكشف بسرعة

القران بيطمن القلب ويهدي النفس كده
دايما اجري علية وانتى خايفة .

جميلة اوى وانتى مرعوبة يا كتكوتة
دمت بكل خير

وايمي كمان ماتتوصاش اسئلة بنخاف اصلا
واحنا لسه بقراها ..ياااااربي لو حصل
قولوا يا رحمان يار حيم على البنات .

[شاعرة الرومانسيه]

هههههههههه وربنا عسل ياهاجر

تسلم ايديكى يا ايمى

حرام عليكى الى بتعمليه فينا ده

معندكيش اخوات بنات

[Eng Esraa]

ههههههه عسل يا هاجر
اجابتك كلها جميلة و خوفتني هههههه
منورة انتي و ايمان بقا
موفقين

[ملك جبال الاحزان]

/كنت نايمه سمعت صوت حد بيقول :يا يوسف ويينك
المشكله ان الصوت. واللهجه كانت سعودي
وانا كنت ف مصر هههههههه
المهم كانت كانها واحده متوهه ابنها وبتدور عليه وبتصوت وتعييط
اطل البلكونه.. مش الاقي حد واقف.. الدنيا ساكته خالص
مش لاقيه تفسير للموقف دا بصراحه

............
ديه النداهه يا بت هتموتى يا مفعوصة ههههههههه

وكل ده خوف انا مشوفتكيش مش خايفه من حاجه
يخربيت رهوفيتك

[YOo YA]

هههه لقيت حد بيخاف شبهي
ع فكرة لفت انتباهي جدا اخر موقف
بصي الموضوع تبع تحسي انك مشلوله والكلام دا
كان بيحصلي كتير
ومتعب ويخوف اوي
ع اختلاف اللي بيحصل
بس وانتي نايمه غطي المرايه وشغلي قران او سورة البقرة ونفضي السرير ونامي ع ايدك اليمين وقولي الاذكار
دا بيخفف الموضوع
بيببي لما تكوني مجهده او عندك اكتئاب واحيانا لازك مش بتعملي الحاجات اللي قولت عليهم فوق
انا لما سالت قالولي محتاجه رقيه شرعيه
ربنا يهدي الحال بقانا قلبت الحلقه معلش هههه
.
جامده الفكرة ي ايمان