حواء غاوية نكد ودجل وشعوذة

[طبيب الهوى]

في لحظة هادية

قولتلها كفاية عافية

خلينا نختار يوم

نخليه نكد وهموم

قالت الخميس للنكد

موافق طول المدد

ست ايام زُبَد

الاربعاء رجعت البيت

لقيتها متحزمة وبترقص

قلتلها في ايه يا حَوا

غنت وقالت ساده

بكره النكد بُكرَه

بُكرَه بُكرَه

بكره النكد

عرفتوا بئا ان الرجالة طيبين

وقلوبهم اصفى من العين

والنسوان في حالة جنان

حتى لو درسوا كمان

قالت هروح لـ روكه

دي شيخة مبروكه

تعملي حجاب وتوكه

قلت هتقصرك وتخليكِ مَدكوكه

روكه مين والناس نايمين

ده انتِ شبه إسماعيل ياسين

لما كان في مستشفى المجانين

قالت زيت حبة البركه وشوية تعابين

هخليك تمشي زي ام اربعة واربعين

بذمتكم احبابي ده يرضي مين

هذيان قلمي المجنون

أبو عصام

[بنت خديجة]

هههههههههههه جمدة يااستاذنا

[توحد ارواح]

هههه ياااه الستات مجانين والرجاله طيبين
كدا الستات هتعلن الحرب ع استاذنا
تسلم نايس خزعبلايه

[السفيره عزيزه]

بلاش انت يا طبيب.
برضه تيجي منك .

ربنا يسعد قلبك انا عارفه
انها حاجة تفك الجو الخنيق هنا

ربنا يطول عمرك فى رضا الكريم
ويلبسك ثوب العافيه
يلا قول امين

[Lamees]

اه وربنا بتحب النكد عارفاها لما تنكد
حلوة اوي استاذنا

[*فجر الاسلام*]

هههههه ايه ده دى ام اربعه واربعين هى
بس برضوا الرجاله مش ملايكه
تسلم ربنا يسعدك

[فداااااااااااء]

جميلة منك استاذى
اسعدك الله
وادام خفة الظل هذه

اضحك الله سنك اخى ابو عصام

[ايمان طلعت]

هههههههه
مش هتحرم بردو

[طبيب الهوى]

اقتباس المشاركة الأصلية كتبت بواسطة بنت خديجة هههههههههههه جمدة يااستاذنا

ميرسي يا أمال يا رافعة معنوياتي

ميرسي أبنتي مرورك الرقيق مثلك

دُمتِ بود وَحُب وَسَعادة

أبو عصام

[طبيب الهوى]

اقتباس المشاركة الأصلية كتبت بواسطة توحد ارواح هههه ياااه الستات مجانين والرجاله طيبين كدا الستات هتعلن الحرب ع استاذنا تسلم نايس خزعبلايه

حلوة الاشاعة دي يا ندىَ

ايه رأيك وعدتك اولع المُنتدىَ

واديني بحاول اهو

ربي يسلمك من كل سوء وشر آمين

ميرسي نَدَىَ مرورك الراقي وردك الرقيق مثلك

دُمتِ بود وَحُب وَسَعادة

أبو عصام