لا متلاقيش

[a7med -3del]

عديت خلاص
واهي فترة بنا
نسيتها انا
فاتت عليها كام سنة
وقررت اعيش
افهمي اصل الحكاية
الغرور ده ليه نهاية
لو لسه فاهمة انك حبيبتي
وان انتي فعلا مبتتنسيش
لا متلاقيش
زمان
عدي وعلمني
خوفني ياما
وطمني
دلوقتي وضعك عندي عادي
يمكن كمان متساويش
فمتعمليش انك بريئة
مظلومة لكن
مش دي الحقيقة
فاهمك بقي
ومتمثليش
عايزاني اصدق
ومن تاني ابدأ
وارجع لخوفي وحيرتي تاني
لا مش مكاني
ومتصدقيش
انتي مش اجمل شعور
ولا حتي مني قريبة
من غير مالف كتير ولا ادور
عمرك ماكنتي طيبة
طول السنين
بصرخ حنين
وانتي فعلا متعبة
قصر الكلام
مفيش غرام
بسيطة يعني
ومتفكريش
طيبة زمان
حتي الحنان
حبي اللي كان
خلصان مفيش

ومتلاقيش

Ahmied adel
4-10-2016

[توحد ارواح]

كلمات جميله
تحيتى لروعة ما كتبت

[شاعرة الرومانسيه]

تسلم ايديك يا احمد

رائع كعادتك دائما

[Aya 7ekaya]

مبدع كعادتك ي احمد
تسلم ايدك
ويدوم ابداعك

[a7med -3del]

اقتباس المشاركة الأصلية كتبت بواسطة توحد ارواح كلمات جميله تحيتى لروعة ما كتبت

انتي الاجمل اكيد
تحياتي لروعة حضورك

[*فجر الاسلام*]

تسلم ايدك
اكيد حلوه
ربى يسعدك
تحياتى

[ندوشه 2011]

طب ليه كدا دا احلى حاجة الحب انا يمكن مكنتش لاقياه زمان بس الحمدلله لقيت أحلى حبيب في الدنيا دي احنا ساعات بنقفش علي بعض بس في الآخر بنرجع لبعض يارب يبقى نصيبي ربنا يوفقك ويسعدك

[همس الكناريا]

ليه بتبيعني ليه
ليه وانا شاري
هو انت قلبك إيه
مفعوله مش ساري
دانا قلبي نبضه وقف
ودمه مش جارى
الضغط نازل قوى
وف لحظة صار عالي
من كتر حبك داب
من عشقه بيعاني
ماتقولي عاوز إيه
مين فينا كده جاني
أنا حبي ذاد عن حده
ولا انت حبك فاني
أنا صبري ليك طال
وانت في البعاد ماشي
............................
سلاسة حروفك
تجبرنا دوما ع المرور
دام ابداعك شاعرنا
ودام نبض قلمك
احترامي

همس الكناريا

[دمعه حائره]

كلمات رائعه كما تعودنا منك
تسلم اخى ويدوم التواجد المميز

[ايمان طلعت]

كلمات قاسية لكنها جميله
وسردها سلس
دام نبض قلمك
تحياتي