" تعيش ميت "!

[αЛαstoOorα]

( تعيش ميت )
/


تعيش ميت
من الجبروت
تعيش ميت
ف قلب سكوت
تعيش ميت
بقطر يفوت
تعيش ميت
ويبقة الموت
لازم برضه يكون فيها
تعيش ميت
من الزحمة
تعيش ميت
مفيش رحمة
تعيش مش
دايق اللحمة
عشان تنعل كمان فيها
تعيش ميت
ف قلب تابور
تعيش مش لاقي
تدفع نور
تعيش شاكي
يقولك غور
تعيش طالع عينك فيها
تعيش ميت
من الآمراض
تعيش والعيشة
تبقة آقساط
تعيش سقعان
نايم ف بلاط
تعيش شحات عشان فيها
تعيش مش
لاقي شغلانه
تعيش بمعاملة
قرفانه
تعيش بحكومة
ظلمانة
وتبقة العيشة نار فيها
تعيش واخدين كدا
حقوقك
تعيش والفقر
بيسوقك
تعيش مداس
كدا فوقك
تعيش حقك ضايع فيها
تعيش حواليك
كدا مجاعه
تعيش سلعه
كما بضاعه
تعيش وكآنها
الساعه
قامت بس الحساب فيها
تعيش هربان
وتنساها
تعيش رايح
علي متاهة
تعيش علي
سكة تلقاها
غرق برضه وموت فيها
تعيش ميت
/



آدعمو ثورة الغلابة
علشان كل حاجة بقت للآسوء

[فداااااااااااء]

ههههههه ماهو لو قومنا بثورة هنموت بردوا فيها


كلمات جميلة اوى ومعبرة جدا

مبدع دوما اخى المنشاوى
دام ابداعك

[αЛαstoOorα]

كدا ميت وكدا ميت
بس آموت وآنا بجيب حقي
آكرملي من آني آموت وانا شايفه بيضيع

[فداااااااااااء]

كان اللى قبلك جابوه الحق دا
دول ادفنوا وواتحاسبوا وعدت سنين وغيرهم ادفنوا واتحاسبو وغيرهم وغيرهم والحق لسة مجاش

[αЛαstoOorα]

لو كان ع الدفنة ف آحنا مدفونين زيهم
بس هما آدفنو وآرتاحو وآحياء عندهم بربهم يرزقون
وآخدوه حقوقهم فوق ؟؟
آحنا ياناخدها تحت ؟ يا ناخدها فوق ..عشان لما نطلع فوق
نلاقي ولادنا وآخواتنا برضه بيحاولو يجبولنا اللي مآخدنهوش تحت؟
آما لو فضلنا مدفونين تحت عشان منطلعش فوق؟
يبقة البلد دي هتفضل طول عمرها مموتاكم

[السفيره عزيزه]

يموت هو وتعيش انت
يا شعب لففها بالحته

دايس شوارعها وضواحيها
وعارف فين الوجع فيها

ويموت ال واجعها
وفى كل سككه مضيعها
وتصرخ بتموت ما يسمعها
وقاعد على قلبها من فوق




احسنت اخى
دمت بصوت الحق تنطق
وايد واحدة مع ثورة الغلابه

[السفيره عزيزه]

اقتباس المشاركة الأصلية كتبت بواسطة αЛαstooorα لو كان ع الدفنة ف آحنا مدفونين زيهم بس هما آدفنو وآرتاحو وآحياء عندهم بربهم يرزقون وآخدوه حقوقهم فوق ؟؟ آحنا ياناخدها تحت ؟ يا ناخدها فوق ..عشان لما نطلع فوق نلاقي ولادنا وآخواتنا برضه بيحاولو يجبولنا اللي مآخدنهوش تحت؟ آما لو فضلنا مدفونين تحت عشان منطلعش فوق؟ يبقة البلد دي هتفضل طول عمرها مموتاكم

يبقة البلد دي هتفضل طول عمرها مموتاكم
البلد دي ما هى البتموت
البلد زي انا وانت بتصوت
لما بيموت ابنها فيها

ايد المجرم بطول كل نواحيها
وفعلا عشان نرضا ونرضيها
لابد تقوم ثورة ولو تندفن فيها

[فداااااااااااء]

شوف اخى المنشاوى مش بحب احسب الامور بعاطفية
احب العقلانية تكون حاكمة ...ان نغضب امر جيد ولكن نثور فى تلك الحالة المأساوية
امر يفتقد الى التفكير الصحيح
لان هناك من سيستغل تلك الثورة كاسبقتها ويعتليها لتسوء الامر
تعلم على من يجب ان نثور حقا

على انفسنا لو اننا اتفقنا على شيء واحد فقط صدقنى الامور هتتغير
مثلا لو قاطعنا لشهر بعض السلع الغالية
وتجنبنا التعامل مع الجشعين وتحملنا لكانت تلك افضل ثورة
ماهى الثورة ليست هتافات وشعارات وخروج للميادين
الثورة موقف يتخذ ونتمسك به

[جبل عالي]

وهنموت وغيرنا يموت
ولا صوت ينفع ولا سكوت
وسكة فرج واكلها الحوت

بلدنا ياعيني غلبانه
شايله هموم وغرقانه
واحنا معاها فوق البيعه
لخلق ماتشبع ..فظيعه

نموت للمرة المليون
بلاها عيشه بلا طعم ولون

ياعالم حسوا بالغلبان
فوقوا ....
مش برضو زيكوا انسان،؟؟؟
مش طالب غير لقمة نضيفه
ونومه هنيه لو ع حصيرة
هي دى ياناس حاجة كتيرة؟؟؟






حسبنا الله ......
لا وجايين ع الغلابه وبيحاسبوهم ع الموت
وبكره يطلعوا فتوى ...انهم مجرمين
بيلقوا بانفسهم الى التهلكة .......

والله الواحد ماعارف التهلكة دي ف اللي بيحصل
ولا ف اللي حاصل ......... واهو كله موت ياصاحبي






بس .....سكوت

[αЛαstoOorα]

آحنا هنثور عشان تحقق مطالبنا
مش هنثور عشان قلب نظام الحكم
آنا هنزل عشان آقول لاءه للغلاء
لاء للحكومة الحاليه
لاءه لبرلمان آم السيد
لاءه للظلم
لاءه للمهانة
لاءه لكل شيئ آصبح آسوء
خلي اللي خايف علي نفسه قاعد
ومتنسيش؟
آن الثورة قامت وكان فيه ناس ضدها؟
وهي اللي شالت نظام؟
ومتنسيش آن الثورة التانيه قامت
وكان فيه ناس ضدها
وهي اللي جابت السيسي؟
ومتنسيش ؟
آن كان لينا مطالب جيه هو علي اساسها؟
خراب بخراب ..يا اما الحق يرجع لصحابه
يا اما مفيش سكوت ؟
تقدري تقوليلي هتغيري آزاي وآنتي ساكتة؟
آن منزلناش نقول لاءه
هنتساق زي الحمير زمان
المسآلة مش مسآلة عاطفة؟
المسآلة مسآلة ثورة قامت راح فيها آخواتنا
ويليها ثورة تانيه راح فيها برضه آخوتنا
عشان الحال كان آحسن من كدا؟؟؟
لاكن الحال بقة آسوء وكل يوم بيزداد سوء؟
نبقة احنا حرام علينا دم الناس اللي راح
لو حطينا جزمة ف بؤنا ومتكلمناش
انا خايف علي بلدي؟
ومش هخرب فيها
ومش بحرض علي قلب نظام الحكم
انا الغلبان اللي مش لاقي
ونازل اقول تعبت واشتكي