حواء ام لسانين

[طبيب الهوى]

حواء بتطير العقل برموش العين

وتسحر القلب بورود الغمازتين

لكن من لسانها نروح فين

لتاته وعجانه اغيثنا يا مُعين

راجع من شغلي شايل علىَ الايدين

قبل ما اسلم او اقول كلمتين

تقول اتاخرت ليه يا نور العين

الوليه جارتنا قعدت معايا حبتين

وقالت عن كل جارة حكايتين

والاسعار زادت يا خويا مرتين

اسكت مش جنبينا وقعوا عمارتين

يا وليه ارحميني وخدي البطختين

خليني اخد نفسي واكل لقمتين

معلش يا حبيبي زودتها حبتين

اسكت نسيت اقولك علينا فاتورتين

التليفون والكهربا 100 و 200

ومتنساش تدفع معهاهم تمن البلوزتين

واشتريلي شنطة وحزام وجزمتين

ولو جعان كُل مَحشي فاضل صوباعين

امانه عليكم مين يتحمل حوا ام لسانين

هذيان قلمي المجنون

أبو عصام

[فداااااااااااء]

حواء دى لسانها لسان عصفورة ههههه تشبيه فقط هههه
طول عمركم كدا يا رجال تفتروا بالقول علي حواء
البسكوتة.. العسولة.. الطيويبة
ها هههههه
اضحك الله سنك اخى ابو عصام

[الفيلسـوف]

ههههه حلوه ياوليه خد البطختين عايز اكل لقمتين والنبى عسل والله ضحكت الواحد وملوش نفس والله

[Lamees]

لأ حوا دي جامدة جامدة مفيش كلام
الاقي منها فين دي ^_^

[αЛαstoOorα]

ايوة ياعمنا

[۩۩ elMagic ۩۩]

حواء دي مافيه زيها اصلا
لسانها بينقط شهد
ربنا يسامحنا ع الكدب داا

[Fatma eissa]

حضرتك عارف
ان حواء المصريه
احسن ليه
عشان واحد رايح يشتكي من
زوجته مش مصريه
لأن ملهاش فيها الروح المصريه
فراح اتجوز عشان يحس بحركة وتغير
وعلي الكلام الكتير دي ميزه
من هتلاقيها فيه اي مكان
وهي بتقول عشان متنساش
فتنتهز الفرصه علي ماتشوفه
ولو مش عجبه يخليها تشتغل
بس
جامد
تسلم ايدك

[ندوشه 2011]

هههههههههههه ضحكتني حواء دي اللي شايله الهم يا عزيزي

[انجي_1]

والله انا مؤخرا لساني الطويل دوت وداني في داهية
فقررت الصمت لاسلم
انا معترفة اهو اني لما بتعصب ببقى وحشة وبقول كلام جراح
بس بندم عليه
اشهدكم اني قد عقلت
الصمت نعمة والله

[ڪــــبرياء الروح]

ههههههههههههههههههه

ياساتر هاد كله من حواء؟
وانتم ايش اجل