عن الغـــلاء أقـول :))

[همس الكناريا]

عن الغـــلاء أقـول شئ أسمه العيب يمنعنى أحكى عن حالتى المعيشية لكن سوء الحال ده خانقنى قلت ازيح الهم شوية واحلف لك بالله صدقنى بنتبادل لبس الجلابية / أصل الوضع صراحه دفعنى أكشف أسرارى العائلية وانزع آخر ورقه توت من فوق العورة الغذائية وأعلن أنى حقيقى ها أموت م الجوع ويا وعود وزارية حاربت كل فقير محدود وفى النشرات جعلوه أغنية / من أجله راح نبنى ونعمل أهو كلام ولا فيش إيجابية أزاى نقدر واحنا غلابة نوفر أشيائنا الضرورية دى أحاسيس راجل مطحون محدود الدخل التسمية بيقول أمتى العمر يهون أو أدفن نفسى بأيديا / من فقر وغلاء ملعون راح احكى وقائع حقيقية على فكرة أنا مش مجنون لكن عقلى ضاع مش فيا أزاى بس قولي نعيش ويا الأسعار الجنونية / وسؤالى اللى عايز له أجابة إيه هى الأكلة الشعبية بعد ما غلوا علينا الفول وضاعفوا أسعار الطعمية دى جناية مش جنحة يا ناس راح ارفع أنا بيها قضية ضاع منهم فين الإحساس والرحمة والانسانية ليه ينسوا الطبقه التحتية / ويا أهم شئ وأساس الفول زى الهوا والميه حتمى ونفس الأهمية ممنوع سوق يتحكم فيه أو أى سُلطة بشرية بعد خلاص ما أدمناه أصبح شئ محتاج جمعية شبينا لقيناة فى البيت يومياً فوق الطبلية إما فى شكله اللى عرفناه أو برضه فى أشكاله التانية / ليه زودوا فينا المأساة ع العامة والأغلبية ليه خلونا نتعاطاه أو ندمن قُرص الطعمية تكليفهم رفع المُعناه ومن القائد واخدين توصيه والعكس حقيقى بنلقاه وللصبر طاقة حدودية وأى وزير أنا أتحداه لو جاوب وبدون عصبية وسؤالى اللى عايز له إجابة إيه هى الأكلة الشعبية .. ...؟ / فين راحت الأكلة الشعبية ....؟ يوميات واحد مطحون محدود الدخل التسمية عاقل جداً مش مجنون وها اكتب لو فى العمر بقية عن باقى الألم المخزون وعن أحوالنا الأقتصادية ::::::::::::::::::::::::::: همس الكناريا

[شاعر الحب الحزين]

للأسف الغلاء طال كل شيء في مصر

وكأنهم مكلفين بتدمير وتجويع الشعب

قتلوا أسباب الحياة وازدات على يديهم المعاناة

الله يصلح الاحوال يارب


سلمتي همس وهذه الصرخة التي كان لا بد منها

ولكن يبقى التغيير المفقود وتبقى الكلمات أمنيات ودعوات لحين تحقيقها

أبدعتي همس بكلمات قوية صادقة واقعية بأسلوب ساخر من واقع يسخر منا جميعا

كل الشكر والتقدير

لروحك السعادة

[αЛαstoOorα]

السندريلا سندريلا برضه ^^
مفيش كلام

[a7med -3del]

تاني انتي
نفسي اوي اكتب واجاريك بتفتحي نفسي اوي
واول ماقرر اكتب وفعلا ابدا والله برمي القلم
والموبايل ومبكتبش وبشرد وبسرح في الف حالة وحالة
وفي النهاية مبكتبش عشان فعلا مصدوم وطنيا
في حاجات كتير اوي قبل ماكتب نفسي افهمها
ومبفهمش فمبكتبش ولحد امتي ده مش عارف
محتاج اعيد تفكير في كل حاجة
بالنسبة لكلامك
فانتي رقم واحدة في حتتك دي
العامية نظام السرد ده
اقرب حد ليكي علي بعد ميل
مالكيش حل انتي
الف تحية

[Doaa Hammam]

حلوة اوي يا همس

الله يعين الناس ويصلح الحال

تسلم ايدك

[الفيلسوف العآشق]

وااااااااااااو
رووعهـ همس الكناريا
كلاام ولااروع يحكي عن ماساتنا اليوميه
دمتي متالقهـ

[.Lamar]

خطيرة فعلا يا همس
عبرتى باحترافية
عن وجع ساكن فى النفوس

تسلمى حبيبتى

[دمعه حائره]

كلمات رائعه بتحكى واقع مؤسف
تسلمى همس وربنا يصلح حال البلد

[همس الكناريا]

اقتباس المشاركة الأصلية كتبت بواسطة شاعر الحب الحزين للأسف الغلاء طال كل شيء في مصر وكأنهم مكلفين بتدمير وتجويع الشعب قتلوا أسباب الحياة وازدات على يديهم المعاناة الله يصلح الاحوال يارب سلمتي همس وهذه الصرخة التي كان لا بد منها ولكن يبقى التغيير المفقود وتبقى الكلمات أمنيات ودعوات لحين تحقيقها أبدعتي همس بكلمات قوية صادقة واقعية بأسلوب ساخر من واقع يسخر منا جميعا كل الشكر والتقدير لروحك السعادة

شاعرناــ
وما اروع من حضورك المثمر بالزهر والورد
وعطرك المتناثر هنا وهناك
سلمت ولا حرمني الله
بهاء حضورك العاطر
احترامي

همس الكناريا

[همس الكناريا]

اقتباس المشاركة الأصلية كتبت بواسطة αЛαstooorα السندريلا سندريلا برضه ^^ مفيش كلام

من فيض نبضكم أستاذى الكبير
منكم نتعلم وبكم نهتدى
وعلى نور إشراقتكم نسير
دمت ودام حضورك
احترامي

همس الكناريا