هاشتاج الشعب يأمر

[دمعه حائره]

السلام عليكم ورحمة الله وبركاته
عودة من جديد لتوبيك هاشتاج
والنهاردة الهاشتاج اللى هاتكلم عنه هو
#الشعب_يأمر



كلنا عارفين حالة الغلاء اللى بيعانى منها الشعب
وارتفاع جنونى فى اسعار السلع ومنها المهم جدا فى كل بيت
اطلق المبادرة عمرو أديب
حقيقى بشكره جدا على المبادرة مش بس عشان هاتخفف عن الناس
لكن عشان قدر يجمعنا على هدف ولو كان مردودة بسيط
ولفتره معينه يمكن 3شهور
هاتخفض الاسعارحوالى 25%

اشترك فى الحملة سلسة محلات كبيرة على نطاق المحافظات
مثال كارفور وفتح الله وهايبر وخير زمان
بالاضافة الى ان الدولة نزلت عربيات توزع السلع دى باسعار مخفضة
مثال السكر والزيت وغيرها
ادخلو على هاشتاج #الشعب_يأمر
هاتعرفوا معلومات أكتر عن الحملة
انا عارفة ان الحملة مش حل لكن مجرد هدنة
ولازم الدولة تلاقى حل للازمة دى
المصريين مش عاجزين انهم ينهضوا ببلدهم لكن احنا ينقصنا
الاخلاص ونصلح انفسنا اولا
والروح الوطنية والهدف اللى نمشى وراه
واكبر مثال لكده ثورة يناير
رأيكو إيه فى الحملة دى ولو هاتكتب فى الهاشتاج هاتكتب ايه؟

[شاعرة الرومانسيه]

الله عليكى منه

هاقول ارحمو من فى الارض يرحمكم من بالسماء

[دمعه حائره]

اقتباس المشاركة الأصلية كتبت بواسطة شاعرة الرومانسيه الله عليكى منه هاقول ارحمو من فى الارض يرحمكم من بالسماء

جميل ياحنين ولازم احنا كمان نرحم بعض
لان فيه ناس بتستغل الحاله دى
وتعلى الاسعار اكتر من الازم
ربنا يصلح الحال

[شاعر الحب الحزين]

حملة جميلة وان شاء الله تؤتي ثمارها

الله يصلح الحال يارب ويارب المبادرة تكون قادرة

تخفف من الضغط على الناس وتحد من الغلاء الجنوني ده

تسلمي منة للفتة الطيبة منك

الله يوفقك ويسعدك

[طبيب الهوى]

إم الله سُبحانَهُ وَتَعالىَ سَيُحاسِبَكُمْ علىَ أعمالِكُم وَليسَتْ أقوالِكُم

جميلة فكرة الحملة يا مِنَة وقيمة جداً

وعلينا ألا نُقَلِلَ مِنها لأن القليل حينَ يُجْمَع يَصير كثير الكثير

فلنبدأ وعلىَ بَركة الله نسير

تحياتي وودي وورودي

أبو عصام

[αЛαstoOorα]

[ahmed 22]

انا متابع الحملة دي من اول يوم ..
واول مرة الاعلام بتاعنا يعمل شئ محترم الصراحة ..

صحيح اني شوفت الحلقة بتاع اصحاب السلاسل
و التجار وكدا مع عمرو اديب .. وعارف انهم واخدينها حسبة اعلانات
قبل ما يكون دور وطني وكدا ..
وحسيتهم انهم بيحاولوا يسوقوا لنفسهم اكتر
وانه مافيش تاجر
الا وبيحسبها حسبة مكسب قبل الخسارة
ولو حتي لو هيبيعها بسعر التكلفة
من خلال الحملة .. بس هما كسبوا الناس معاهم
وده اكبر مكسب لأي حد ..
ومش هادخل في نوايا حد اكيد ..

وكفايا انهم بادروا وعملوا شئ صح
يخففوا بيه عن الناس شوية ولو لشهور
وخصوصا ان الموضوع طالع من القطاع الخاص
يعني مش ملزمين اولا واخيرا ..
وبشكرهم اولا واخيرا

شكرا دمعة للفتك النظر لتلك الحملة والهاشتاج الخاص بيها
بالتوفيق دايما يا رب
كل التقدير

[السفيره عزيزه]

طبعا ومن غير مزايدة على وطنية احد
كلنا نتمنى الخير للشعب ال احنا جذء منه.

بس انا شيفها مسكن لا اكثر بعد ما سمعوا
ردود فعل الناس ضد الفساد ال من نتائجه
الغلاء الغير معقول ده ..

اكتب فى الهشتاج ..

(نزلين نزلين عشان مش مصدقين)

تحياتى واحترامي غاليتى

[.Lamar]

انا مع السفيرة فى رايها

هو مجرد اعلان و مسكن مؤقت

مشكورة منة
تحياتى

[Aya 7ekaya]

بضم صوتى لسفيرة ولمار
ده مسكن مش اكتر
والايام هتثبت