..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : ☆ شهـــاب ☆ - مشاركات : 1 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


بلدنا في 8 نقط ..

منتدى النقاش - الحوار الجاد - قضايا المجتمع


إضافة رد
 
LinkBack أدوات الموضوع انواع عرض الموضوع
قديم منذ /10-08-2016, 10:18 PM   #1

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي بلدنا في 8 نقط ..

بسم الله

انا حابب اكلم في شوية حاجات شايفها قدامي سواء ايجاب او سلب
والموضوع هيكون طويل شوية ومحتاج صبر فأنا بعتذر مقدما ..
بس اعتقد هيلم حاجات كتير في عقول ناس كتير عموما ما بين شرح وتساؤلات..

1 - المشكلة الأولي في لغة الخطاب بتاعة السيسي بمعني
انه عمال يضغط علي نقط التبرع والفلوس بصورة مبالغ فيها لدرجة خلت الناس تنفر الي حد كبير ..

2 - الضرايب ... ايا كان مجلس الشعب ولا الرئاسة اللي بيصدرها ..
بس هو اتجاه عام في الدولة ..
انه في حاجات عمالة تتفرض علينا الفترة دي ..
فانت شايف ان السيسي ده عمال يقوم بمجموعة اجراءات اقتصادية
خاصة بالضرايب والدعم ممكن فعلا تقوم عليه ثورة ...

فهل هي تعتبر اجراءات جريئة غيره ماعملهاش زي ما هو بيقول وتنحسب ليه وليها اثر علي المدي البعيد
وجزء من تراكمات الماضي وكان لازم حد يقوم بيها ولا مجرد ثقل علي المواطن بدون داعي ؟؟

مع العلم انه الضرايب وربنا يبعدها عنا يعني وانا هكلم عن المواطن العادي ...
هي اتجاه طبيعي لاي دولة في العالم بمعني مثلا دولة زي المانيا بتعمل 40 في المية ضريبة
علي الدخل
وبلجيكا اكتر من 42 في المية ضريبة علي الدخل وامريكا 24 في المية ضريبة ؟

شايفك يلي هتقول احنا لا المانيا ولا امريكا ...
طيب لما احنا نحب نقتضي بحد هنجيب تنزانيا ولا موريتانيا وناخد تجربتهم يعني ..
مع العلم ان موريتانيا عاملة 15 في المية ضريبة علي الدخل لعمال الشركات ..

ومع العلم انه بلد زي مصر الضريبة ببتفرض علي الدخل
لما المرتب بيتعدي 6000 وبنسب متفاوتة حسب ما المبلغ يعلي ؟؟
ومع العلم ان الضرايب بتتفرض عشان الطرق والكباري واساس الدولة ...
وانا شايف مثلا في المنطقة اللي عايش فيها لوحدها اتبني كام كوبري
واتصلحت طرق كتير وبيدخلوا الغاز لاماكن كتير وفيه اماكن بيتعمل فيها صرف ..
وده بيقابلني في السوق لاني بلف كيتر وفي بلاد مابعرفش ادخلها من الحفر ..


3 - هل انت رؤيتك للبلد في الفترة الحالية بتؤثر عليها عاطفتك لمواقف سابقة
ولنفرض ( رابعة ) او انتماءك السياسي سواء اخوان او معارضة ....
بمعني انه عمرك ما هتشوف شئ حلو في البلد وطول الوقت مبدأك ضد الدولة ؟
ولا لو شوفت شئ كويس هتعترف بيه ؟


4 - الدولار ... طبعة ازمة الدولار وصلت هنا بطريقة غبية ...
هل السياسة الاقتصادية للبلد هي سبب في ازمة الدولار ولا شئ اخر ؟؟

خلينا نكلم بالمنطق ونقول الدولار بيدخل البلد ازاي في مصر :
( السياحة - قناة السويس - تحويلات المصريين بالخارج )

طبعا ضعف الاستثمارات نتيجة الثورات اللي لسا البلد بتتعافي من تبعاتها
علي الرغم طبعا من ايجابايتها الكتيرة .. بس طبيعي لازم يكون في اثار جانبية ..

- السياحة مضروبة وده امر طبيعي بالانفجارات اللي كانت بتحصل في البلد
وحالة الانفلات الامني بعد سقوط الاخوان وتراكمات 25 يناير لحد النهاردة وده واقع مش تلاكيك
احنا بلد عدد سكانها 90 مليون وبلد كبيرة سكانيا ومساحة مش صغيرة...
لاننا ولا عشرة مليون زي تونس ولا 6 مليون زي ليبيا .. ولازم نحط لده اعتبار وميت خط ..
وطبعا نحط في الاعتبار خطأ الشرطة والحكومة عندنا في التعامل مع قضية ريجيني
واكيد حادث الطائرة الروسية .... وحادث اغتيال النائب العام ...
دول كان ليهم اكبر اثر في تدهور السياحة مع العلم انها كانت كدا كدا متدهورة من 5 سنين...
بس هنا المسؤلية تتحط علي الدولة بنسبة 60 %

- قناة السويس وطبعا مشروع التفريعة اللي هكلم عليه النقطة الجاية ...
لازم نعرف انه في حالة كساد في التجارة العالمية والكل معترف بده واللي عاوز يعرف
تفاصيل اكتر عن الحالة الاقتصادية في العالم يشوف الدين الامريكي
ويتابع مناظرات الرئاسة الامريكية ويشوف استفتاء انفصال بريطانيا
عن الاتحاد الاوروبي واسبابه وعواقبه ونتيجته ...
وبالتالي الدخل المتوقع للمشروع ده طبيعي يكون اقل من المتوقع ..

- قلة تحويلات المصريين والناس ودي ليها خمسين سبب
بس اولا واخيرا كل واحد بره مصر بيشوف مصلحته فين
ويجري وراها سواء مع مركز صرافة .. ومش هقول الكلام الكبير
بتاع الوطنية ولازم يضحي ... احنا مانعرفش ظروف الناس ايه بره ولا شافوا ايه ..

بس الدولة هنا مش عارف هي عندها موقف غلط ولا لاء
بس هي ممكن تاخد من واحد بره مليون دولار ... بس ماتسمحلوش يسحب اكتر
من 10000 دولار بس للمرة الواحدة .. الصراحة مش عارف ايه السياسة الاقتصادية
وده ناتج من قلة المعلومات اللي بتطلع لينا .. واللي هي سبب كبير
من اسباب عدم الثقة في الدولة .. وهي عدم توافر المعلومات والتوضيح بصورة دايمة
فبنجري وري الاعلام ايا كان كلامه ...

- وده يخليني انتقل لدورة الدولار ... فمثلا احسن حاجة في الاعلام بتاعنا يطلع يقولك
الدولار في البنوك سعره دلوقتي 8 ...وعاملين بروباجندا وبتاع
وكسر طب تمام انا كمستثمر النهاردة روحت البنك وما لقيتش دولار
بكلام رئيس البنك المركزي عشان اروح اشتري مواد خام
اللي هي مقومة المصنع بتاعي مثلا وموقفاه ..
لان في فجوة كبيرة بين المتوفر في البنك المركزي وبين المطلوب في الاستثمار

هروح ادور اشوف مركز صرافة تدورلي علي دولار اللي هي بتقوم بدور الوساطة
فتيجي تشوف واحد ابن حلال من بره مصر .. وتقوله يا ابن الحلال معاك دولار تقدر تحوله البلد
فيقولها اه .. فيستغل الازمة عشان يستفيد ويقولها انا الدولار معايا ب 11.5 جنيه
لو عاوزين خدوا مش عاوزين خلاص .. فتقوم الصرافة عارضة علي مستثمر
وتطلع نسبة ربح ليها وتقوله 11.6 .. فالمستثمر ماعندوش حل تاني ..
فيقبل العرض .. وبالتالي بيشتري .. يقوم جايب الحاجات غالية ويقوم بايعها علي الغالي ..
بنسبة 50 في المية زيادة .. نيجي احنا كشعب نروح نشتري علي الغالي
شكارة الرز اللي ب 75 فرضا تلاقيها ب 110 ولا 120 ده لو مابقتش 160 دلوقتي..
يقوم الدولار بالنظام اللي احنا ماشيين بيه واصل علي شهرة 12 الجاي 13 جنيه ولا حاجة ده لو ماكنش وصل ...
والاحتياج عند المستثمر يزيد للدولار .. لان الطلب بحكم الازمات اللي احنا فيه بيزيد ..
المستثمر بيشتري بالغالي والمستهلك كمان بيشتري بالغالي ..
في مجتمع الاجور فيه غالبا لا تتعدي 1200 جنيه كمتوسط عام والله ما يجيبوا حاجة ...
والارباح عند اي تاجر ما بتزيدش مع ان قيمة الجنيه بتقل ..
فتلاقي خلل في المرتبات ما بين اللي بتعرضه علي الموظفين بتوعك
وعلي احتياجاتهم في الحياة ... مشكلة كبيرة ومترابطة بتواجه الناس كلها وعاملة خلل
في المنظومة في مصر ..
هنا تسأل حد وتقوله ايه الحل من الحكومة .. يتهته
الجهابزة بتوع الاعلام .. يقعدوا يلفوا ويدوروا .. يلفوا ويدوروا .. يدوروا ويلفوا ..
ولا بتفهم حاجة منهم وحافظين كلمتين وبيقولوهم
وقبل ما يمشوا يقبضوا 10 الاف في الحلقة كخبراء استراتيجين متوهين للشعب ..
ايه الحل .. ولا تعرف ..
والحلول الجذرية زي منع الاستيراد او غيره في حاجات معينة لفترة ..
الحكومة اكيد ماعندهاش الشجاعة تعملها ...
لانها اساسا كدا كدا بتخاف انها تعمل مجازفة وعاوزين يعيشوا اليوم بيومه وخلاص ..
واخرهم يقولك هيحطوا 2 مليار في موازنة التموين .... 2 مليار تحسوا رقم كبير .. بس هو قيمته
3 جنيه علي كل بطاقة تموين ... يعنوا عمال يسد ثغرة ويفتح اتنين عليه من كل واحد هيستهزء
فطبعا ازمة الدولار دي لوحدها ممكن هي تكون السبب في الثورة الجاية ..

5 - مشروع التفريعة بتاع قناة السويس ...اولا فيه مبالغة كبيرة كانت موجودة للمشروع ده ..
وده سلبية اكيد .. والناس خلوها مشروع قومي ... يمكن السيسي كان حابب يكون في مشروع
الناس تلتف حواليه ويجمع الناس بيه .. بس بيتهيألي الموضوع جيه بأثر سلبي اكتر
وماكنش محسوب بطريقة صح ..
وفي حاجة السيسي بيعملها بتعمل حمل كبير علي البلد من وجهة نظري
بمعني انه ييجي يقول انا عاوز المشروع ده يخلص في سنة او اقل ...
فبيسخر جزء كبير من موارد الدولة في مكان واحد بتعمل عجز في الموازنة بعد كدا
بالتالي لو جيه قال المشروع ده يتقسم علي 4 سنين واتصرف عليه بشكل دوري ..
ماكنش حد من الناس حس بأن المشروع مالوش عازة .. او اثره سلبي علي البلد ..
السرعة دايما مش كل حاجة ...

6 - حد يقول ايه منطقك في حكم السيسي .. انا منطقي من اول يوم في موضوع كتبته
اني شايف
انه رئيس حتي 4 سنين فقط لا غير ... بينقل البلد من مرحلة لمرحلة ..
اي كانت ايجابياته وسلبياته لو اكتفي بال 4 سنين وجيه في اخر فترته
قدم كشف حساب لنفسه بما ليه وعليه هحترمه ...
لو اترشح فترة تانية انا ضده .. بكل بساطة وصراحة ..

7 - طبعا شايفك يلي بتقول مرتبات القضاء والجيش ... هنا محتار جدا ...لان المعلومات مختلطة ..
بس في شئ غلط في الموضوع ده من 2011 واكيد في لغط وشئ مش مفهوم .. واللغط الاعلامي اكبر من الوقائع ...
انا شفت تقرير من شبكة رصد اللي هي بتميل للاخوان ..
بيكلم عن زيادة مرتبات الجيش والشرطة والقضاء بعد الثورة .. اول زيادة كانت كانت في عهد المجلس العسكري
تاني زيادة كانت بعد حكم مرسي بشهرين اي في عهد الاخوان ..
وتالت زيادة في عهد عدلي منصور .. ورابع زيادة في عهد السيسي ..
يعني حصل 4 زيادات في 4 اوقات مختلفة .. ده طبقا للتقرير
يعني حتي في عهد الاخوان عملوا زيادة في بداية الحكم بكلام شبكة رصد
وفي عهد عدلي منصور برضه... ييجي مثلا جهة زي القضاء لما تدافع عن نفسها
تقولك كذب وافتراء .. وكله شايف انها تهمة ..
ولما يحصل 4 زيادات في 4 عهود .. 2 مجلس عسكري واحد رئيس مؤقت وواحد اخوان
يبقي الحكاية فيها شئ غريب ... ما هو كله مثلا عاوز ييجي يكسب
ود الجهات التنفيذيية في البلد .. والجهات دي بتقبل الريبة دي بقيادتها ..
لاما يبقي كلهم فاسدين
لاما محتاجة واحد محترم يطلع يكلم .... ويوضح من الدولة هما بيعملوا ايه .... وليه ؟


8 - هل انت شايف اني بحط السم بالعسل عشان المع السيسي
ولا شايف الكلام فيه منطق بايجابيات وسلبيات للقضايا اللي الموجودة حاليا في الساحة
وعندك اعتراض علي نقاط فيه حابب تعرضها ؟









  رد مع اقتباس
قديم منذ /10-09-2016, 12:12 AM   #2

الإدارة العامة سابقا

 

 رقم العضوية : 49014
 تاريخ التسجيل : May 2010
 الجنس : ~ بنوتة
 المكان : مصر ~
 المشاركات : 55,620
 الحكمة المفضلة : لا شىء يبقى على ما هو عليه ...
 النقاط : Aya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond repute
 درجة التقييم : 1634025
 قوة التقييم : 818

Aya 7ekaya غير متواجد حالياً

 

 

 

 

 

MY MmS

أوسمة العضو

مسابقه الكاتب المميز تاني مسابقة الغرام المستحيل 2 Ask me عبقرى المنتدى المركز الثالث وسام التفاعل والنشاط للادارين اكتوبر 2016 مسابقه  التصميم حلم ليلة العمر نجم الفضفضه وسام مسابقة في حب القرآن مركز أول تصميم  رمضانى 

افتراضي

انا هتكلم عن زياده الجيش و الشرطه و القضاء
وانا بردو ولا محلله سياسيه و مابقتش اتابع حتى السياسه
ف بدايه حكم الاخوان لو الجيش زاد ف مش مرتبات الجيش بس اللى زادت
انا امى موظفه حكوميه و مرتبها زاد ف سنه حوالى 600 جنيه
ف نقدر نقول يمكن حاولو يراضو مل الاطراف
لكن لما يجى عهد السيسى نفس الشخص اللى هى امى الموظفه الحكوميه و يتخصم منها ال 600 جنيه اللى زادو بالتدريج فى المقابل الجيش والشرطه والقضاء زياده مستمرة يبقى فعلا فى شىء غريب و على حسب ماسمعت بعد حادثه غرق مركب رشيد لما يزود مرتبات القضاء قبل النطق بالحكم فى القضيه يبقى فى شىء غريب
انا بتكلم على اساس معلوماتى السياسيه البسيطه من غير ماانحاز لطرف
لكن مش مطلوب منى اصدق الاعلامين اللى انت اتكلمت عليهم اللى ايام يناير شتمو الشباب و بعد نجاح الثورة شتمو مبارك والداخليه ، ولا ايام مرسى لما شتمو مرسى واتريقو على كلامه و قالو مش هنستحمل
وايام السيسى اللى كل كلامه عليه علامه استفهام يا احنا بقا اللى ماوصلناش لمرحله النضج العقلى نفهم التخاريف دى و بيقولولك نستحمل وناكل عيش و جبنه و هم عايشين ف قصور

النهايه ان اللى بيدفع التمن ف بلدنا الغلبان
سيبك بقا من قناه السويس والدولار و الجنيه
احنا عندنا شعب مش عايز اكتر من انه يلاقى اكل ياكله لعياله و مكان ينام فيه و مع ذلك عندنا حكام بتدوس ع الناس دى
للاسف الكبار دول بيلعبو و مش واخدين بالهم ان فى ارواح تحتهم هيتسألو عنها







  رد مع اقتباس
قديم منذ /10-09-2016, 05:40 AM   #3

 

 رقم العضوية : 72854
 تاريخ التسجيل : Jul 2011
 العمر : 32
 الجنس : ~ أنثى
 المكان : بيتنا
 المشاركات : 7,345
 الحكمة المفضلة : أفعل ما شئت فإنك ميت
 النقاط : ندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond reputeندوشه 2011 has a reputation beyond repute
 درجة التقييم : 802831
 قوة التقييم : 402

ندوشه 2011 غير متواجد حالياً

 

 

 

 

 

أوسمة العضو

وسام النشاط العام لشهر أكتوبر 2015 

افتراضي

طب اقولكم على الأحلى ما تخلينا في حالنا احسن واللي ماشي علينا ماشي على غيرنا بالله عليكم مالناش دعوه السجن في عتس بس ما بيتغيرش لكن في بيوتنا بنطبخ اللي عاوزينه هههههههاي







  رد مع اقتباس
قديم منذ /10-09-2016, 10:47 AM   #4

عضو ذهبي

 

 رقم العضوية : 95567
 تاريخ التسجيل : Dec 2013
 الجنس : ~ ذكر
 المكان : فى قلب من اُحب
 المشاركات : 866
 النقاط : كريم* has a reputation beyond reputeكريم* has a reputation beyond reputeكريم* has a reputation beyond reputeكريم* has a reputation beyond reputeكريم* has a reputation beyond reputeكريم* has a reputation beyond reputeكريم* has a reputation beyond reputeكريم* has a reputation beyond reputeكريم* has a reputation beyond reputeكريم* has a reputation beyond reputeكريم* has a reputation beyond repute
 درجة التقييم : 167035
 قوة التقييم : 0

كريم* غير متواجد حالياً

أوسمة العضو
افتراضي

الحقيقة انا مستغرب جداً
لأنى متابع لك ولكتاباتك ولعقليتك من فترة
حتى طريقة ردودك على الاعضاء
كنت بشوفك انسان ناضج
ولا تؤاخذنى اخى ما قرأته اليوم لك هو صدمة

ما بُنى على باطل فهو باطل
وان الله لايصلح عمل المفسدين

انت شوفت حد نزل انتخب السيسى اصلاً ؟
اعلام السيسى نفسه صرخ وهلل ومد فترة التصويت لأن اللجان بتنش فاضية


بتقول مدته اربع سنين طب اسمع (انتوا فاكرين اننا هنسيبها لا والله ما هنسيبها)

واللى هينزل فيه خطة الجيش ينتشر فى 6 دقايق
قنبلة غاز ورصاص فى الهوا هتجروا زى ......

انت شوفت حد فى مصر قادر يطلع صوت يعترض الكل بيسبح بحمد البيادة
واللى يفكر بس يا اما يتصفى يا اما مصيره زى آلاف ماليه السجون
شوفتهم نايمين ازاى ماتوا من الخنقة شفت اذلالهم وتعذيبهم
ده زيك مهندس دكتور مدرس طالب بنات مغتصبه

كل اللى همك الضرايب الدولار والسياحة وقناة السويس
ولم شوية بنات حواليه ومصر بتفرح وعمل ترعة صرف فيها 60 مليار

انت شوفت قناة معارضة انت شوفت صحيفة معارضة
اسمعوا كلامى انا بس وكل اللى ميرضيش ربنا هنكون معاه وبندعمه
كأننا حيوانات ملناش وجود حتى نقابة الصحفيين اللى هما اصلاً طبالين
بعتلهم شوية بلطجية وجرابيع ضربوهم وذلوهم

وانت عارف ان القاضى والظابط شرطة او جيش ميقدرش يقول لأ
لو زملائه شموا بس خبر ان له هوى مختلف هيروح هو واسرته ورا الشمس

انت شوفت نهضة اقتصادية سمعت عن افكار
كله شحاته
السيسى رمز الشحاتة بنى مبنى للشحاته
حتى الكبارى اللى حكيت عنها بفلوس الشحاته
انبطاح انبطاح لروسيا للامارات للسعودية لاسرائيل لامريكا
البطاطين وصلت يارجالة تيران وصنافير اتباعت يارجالة

يا مؤمن ده بيبقى واقف قدام الرؤساء زى البنات العذارى فى حيائهم وخجلهم
وشه فى الارض لأنه حاسس انه قليل وصغير ونكره


الشباب بتطفش من وشه بتموت بتغرق عشان لقمة العيش

النهاردة السيسى صوت لصالح ضرب حلب فى الامم المتحدة هو وتلات دول فقط
خزى وعار صوت لصالح بشار وبوتين اللى خلوا سوريا خرابه
صوت لاسرائيل قبلهم واثنى على قائدهم العظيم نتنياهو
شوفت وزير الخارجية المتشحتف بيبكى صاحب المجازر شيمعون بيريز
وطلعوا قالوا ده كان عنده امساك وبيتألم

النهاردة السيسى غرق غزة بالمياة وبيدوس على دماغتهم لانهم بيحاربوا المحتل
النهاردة السيسى ضيع نهر النيل وبيسقى الزرع بمياة المجارى

النهاردة بطالة وكساد وغلاء النهاردة انتحار وستات بتبيع شرفها عشان تلاقى تاكل

النهاردة كل المحافظين والوزراء لواءات و يطلع يقولك لا والله ما حكم عسكر
النهاردة امين الشرطة لو خد مراتك قدامك لشقة مفروشة
وفتحت بؤك ديتك رصاصة وهيتقال عليك اخوان

حقيقى انا مصدوم فيك







  رد مع اقتباس
قديم منذ /10-09-2016, 12:10 PM   #5

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي

اقتباس
مشاهدة المشاركة المشاركة الأصلية كتبت بواسطة Aya 7ekaya
انا هتكلم عن زياده الجيش و الشرطه و القضاء
وانا بردو ولا محلله سياسيه و مابقتش اتابع حتى السياسه
ف بدايه حكم الاخوان لو الجيش زاد ف مش مرتبات الجيش بس اللى زادت
انا امى موظفه حكوميه و مرتبها زاد ف سنه حوالى 600 جنيه
ف نقدر نقول يمكن حاولو يراضو مل الاطراف
لكن لما يجى عهد السيسى نفس الشخص اللى هى امى الموظفه الحكوميه و يتخصم منها ال 600 جنيه اللى زادو بالتدريج فى المقابل الجيش والشرطه والقضاء زياده مستمرة يبقى فعلا فى شىء غريب و على حسب ماسمعت بعد حادثه غرق مركب رشيد لما يزود مرتبات القضاء قبل النطق بالحكم فى القضيه يبقى فى شىء غريب
انا بتكلم على اساس معلوماتى السياسيه البسيطه من غير ماانحاز لطرف
لكن مش مطلوب منى اصدق الاعلامين اللى انت اتكلمت عليهم اللى ايام يناير شتمو الشباب و بعد نجاح الثورة شتمو مبارك والداخليه ، ولا ايام مرسى لما شتمو مرسى واتريقو على كلامه و قالو مش هنستحمل
وايام السيسى اللى كل كلامه عليه علامه استفهام يا احنا بقا اللى ماوصلناش لمرحله النضج العقلى نفهم التخاريف دى و بيقولولك نستحمل وناكل عيش و جبنه و هم عايشين ف قصور

النهايه ان اللى بيدفع التمن ف بلدنا الغلبان
سيبك بقا من قناه السويس والدولار و الجنيه
احنا عندنا شعب مش عايز اكتر من انه يلاقى اكل ياكله لعياله و مكان ينام فيه و مع ذلك عندنا حكام بتدوس ع الناس دى
للاسف الكبار دول بيلعبو و مش واخدين بالهم ان فى ارواح تحتهم هيتسألو عنها



اولا طبعا سعيد بردك اكيد ... وانا مش مختلف معاكي في كلام كتير قلتيه ..ل
أن ده اللي ظاهر قدامنا وفي لغط كبيرموجود في زيادة مرتبات الجيش والشرطة والقضاء ..
بالعكس انا مش مطالب اكون لجنة للدفاع عن حد .. انا بكلم سياسة بس ماحبش أخص حد ..
او ماكلمش عن الموقف بشموليه او موقف واضح .. ومش بكلم بدافع اني اتبني موقف خاص بيا ..
لأني لو اكلمت بموقفي الشخصي هيكون فيه اختلاف كبير في الكلام لأنه هيكون مبني علي تراكمات قديمة
واحداث كتيرة فاتت وهتشمل قضايا الدم اللي هي اساس كل اختلاف بنبني عليه ارائنا...
وانا كلامي واضح جدا في النقطة دي وقلت في الاخر ..

(ولما يحصل 4 زيادات في 4 عهود .. 2 مجلس عسكري واحد رئيس مؤقت وواحد اخوان
يبقي الحكاية فيها شئ غريب ... ما هو كله مثلا عاوز ييجي يكسب
ود الجهات التنفيذيية في البلد .. والجهات دي بتقبل الريبة دي بقيادتها ..
لاما يبقي كلهم فاسدين
لاما محتاجة واحد محترم يطلع يكلم .... ويوضح من الدولة هما بيعملوا ايه .... وليه ؟ )


ثانيا : انا ماجيبتش سيرة اعلاميين ومادخلتهومش معايا في جملة مفيدة في الموضوع
الا لما قلت بيعملوا بروباجندا دايما .. فطبيعي انا نفسي مش بصدق حد ..
هقولك صدقيهم أنتي هههه .. يبقي قمة التناقض مني اكيد ..

ثالثا : بالنسبة لنقطة ان احنا مايهمناش غير ان الناس تلاقي اللي يأكل عيالها... تمام ..
ودي اولوية .. بس في نقطة احنا عندنا دايما بنقول اللي بنشوفه كل همه ياكل وينام يبقي انسان سلبي ..
احنا المفروض يكون عندنا اطلاع البلد ماشية ازاي او ايه المعوقات الاقتصادية اللي بتقابلنا
اللي هي اولا واخيرا بتعمل دورة بتلف >>
بتنتهي بأنه يكون اول واحد متضرر منها هو الشخص الغلبان ... وانا شرحت الدورة دي ..
وقلت ان نهايتها اكيد انه هيتعمل بسببها ثورة ...
علي فكرة سهل اقول ان الناس حالها يغم وهتقوم ثورة ...
بس الصعب أني اشرح واكون فاهم انا هعمل ايه ..و لايه ؟ وايه اسبابي ؟؟
وهل هي مقنعة ولا لاء ؟ وهل انا جزء منها ولا لاء ؟ يا هل فيها عذر للدولة ولا لاء ؟
يا هل في دور اقدر اقوم بيه ولا لاء ؟
ايه اضعف الايمان بالنسبة ليا ؟؟
لازم اكون عندي دراية بوضع البلد الكلي قبل ما اطالب تقوم ثورة ...
يا هل البلد فيها طاقة تستحمل ثورة تالتة ولا لاء ؟
يا هل اصلا الناس هيكون عندها القابلية انها تثور ولا لاء في وقت الجد ؟
يا هل احوالهم الاجتماعية وظروفهم المعيشية بالوضع اللي احنا فيه
هيخليهم عندهم القدرة علي تحمل مصاعب اكبر ؟
يا هل فيه قابلية للتغيير بشكل اخر غير الثورة ولا لا ؟؟

يا هل مافيش طريق غير الثورة في بلد علي حافة الافلاس ؟
يا هل حد هيدخل يقولي دلوقتي بحركة لطافة انت بتزرع مخاوف الاقتصاد وكدا وتعمله فزاعة
زي ما كان النظام السابق بيعمل ولا هيشوف الكلام بعين المنطق وبواقع اللي احنا عايشينه وحاسينه حاليا ؟
ليه ما نعملش حركة سلمية صغيرة نجمع بيها تواقيع كتيرة تطالب بعدم ترشيح السيسي لفترة تانية طالما عندنا رفض شعبي ليه كشريحة كبيرة ؟

يا هل احنا مشكلتنا مع السيسي كشخص ؟؟ ولا السيسي كمنظومة عسكرية كبلد بيحكمها العسكر من 70 سنة ؟
يا هل احنا هيوصل بينا الحال ان احنا نطالب بخلع السيسي بس ؟
ولا هنصادم المنظومة العسكرية بشكل عام ؟؟
يا هل اصلا عشان تنهي حكم عسكر مطلوب منك أنك تنهيه بطريقة الصندوق ولا بطريق الثورة ؟
يا هل دايما هنقول دايما الصندوق مزور وهنشكك فيه ؟ ولا هييجي في يوم نقتنع بالشخص اللي هيجيبه الصندوق ؟
يا هل محتاج الأول تغير فكر الناس البسيطة في فكرة تغيير القيادة صاحبة الخلفية العسكرية
ولا تلغيهم وتعتبرهم مالهمش حق الرأي وانت الوصي عليهم؟

زي ما قلت قبل اسهل حاجة في الدنيا الكلام ...
والجدلية مافيش اسهل منها ... الجواب واللي يلاقيه ده شخص قوي ..
وكلها تساؤلات مشروعة ومش حرام ..

الضعف في قلة استخدام الفكر ودايما اللجوء للقوة والغشم ورؤية المشاكل دايما بعين الثائر ..
انا كنت لفترة كدا .. بس حسيتا اني لازم افكر اشوف الدنيا بعين مختلفة
بعد ما حسيت الثورة دي خطوة واحدة احنا قمنا بيها مرة واتنين ..
المشكلة عندنا فيما بعد الثورة .. وزي ما قلت قبل كدا ..
مشكلتنا ان كل واحد بيهتم باللي من فصيلة دمه ليس الا ..

وبعدين يا جماعة في نقطة لازم الكل ياخد الكل باله منها عشان تكون واضحة للجميع ..
مش شرط دايما لما نكلم سياسة نتبني مواقف هجومية او نبنيها علي احداث سابقة
ومانفصلش كل وضع عن اللي قبله ...
والمفروض نكلم في صلب موضوع الفكرة المطروحة ..
وده انا جاي في الكلام فيه في ردك يا كريم لما اخلص شغل ..
وعاوزك تهدي كدا يا حجيج هههههه .. احنا مش بنتخانق يا صاحبي ...
وماينفعش تحكم عليا ولا انا احكم عليك بشخصك لمجرد
رأي انت شوفت ان احنا بنختلف عليه .. سهل كدا نكون عاطفيين ونكلم بحرقة..
بس صعب نحكم المنطق احيانا في عاطفتنا ومانخلطش الأمور في بعض ولو حتي اخطأنا الحكم ..
هي مش جريمة اولا واخيرا ... ولو حتي عملنا جريمة رأي ..
فهي جريمة تخص صاحبها .. وصاحبها يتحمل عواقبها ..
بس زي ما بيقولوا بره don’t judge me











  رد مع اقتباس
قديم منذ /10-09-2016, 01:34 PM   #6

الإدارة العامة سابقا

 

 رقم العضوية : 49014
 تاريخ التسجيل : May 2010
 الجنس : ~ بنوتة
 المكان : مصر ~
 المشاركات : 55,620
 الحكمة المفضلة : لا شىء يبقى على ما هو عليه ...
 النقاط : Aya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond reputeAya 7ekaya has a reputation beyond repute
 درجة التقييم : 1634025
 قوة التقييم : 818

Aya 7ekaya غير متواجد حالياً

 

 

 

 

 

MY MmS

أوسمة العضو

مسابقه الكاتب المميز تاني مسابقة الغرام المستحيل 2 Ask me عبقرى المنتدى المركز الثالث وسام التفاعل والنشاط للادارين اكتوبر 2016 مسابقه  التصميم حلم ليلة العمر نجم الفضفضه وسام مسابقة في حب القرآن مركز أول تصميم  رمضانى 

افتراضي

اقتباس
مشاهدة المشاركة المشاركة الأصلية كتبت بواسطة ahmed 22

اولا طبعا سعيد بردك اكيد ... وانا مش مختلف معاكي في كلام كتير قلتيه ..ل
أن ده اللي ظاهر قدامنا وفي لغط كبيرموجود في زيادة مرتبات الجيش والشرطة والقضاء ..
بالعكس انا مش مطالب اكون لجنة للدفاع عن حد .. انا بكلم سياسة بس ماحبش أخص حد ..
او ماكلمش عن الموقف بشموليه او موقف واضح .. ومش بكلم بدافع اني اتبني موقف خاص بيا ..
لأني لو اكلمت بموقفي الشخصي هيكون فيه اختلاف كبير في الكلام لأنه هيكون مبني علي تراكمات قديمة
واحداث كتيرة فاتت وهتشمل قضايا الدم اللي هي اساس كل اختلاف بنبني عليه ارائنا...
وانا كلامي واضح جدا في النقطة دي وقلت في الاخر ..

(ولما يحصل 4 زيادات في 4 عهود .. 2 مجلس عسكري واحد رئيس مؤقت وواحد اخوان
يبقي الحكاية فيها شئ غريب ... ما هو كله مثلا عاوز ييجي يكسب
ود الجهات التنفيذيية في البلد .. والجهات دي بتقبل الريبة دي بقيادتها ..
لاما يبقي كلهم فاسدين
لاما محتاجة واحد محترم يطلع يكلم .... ويوضح من الدولة هما بيعملوا ايه .... وليه ؟ )


ثانيا : انا ماجيبتش سيرة اعلاميين ومادخلتهومش معايا في جملة مفيدة في الموضوع
الا لما قلت بيعملوا بروباجندا دايما .. فطبيعي انا نفسي مش بصدق حد ..
هقولك صدقيهم أنتي هههه .. يبقي قمة التناقض مني اكيد ..

ثالثا : بالنسبة لنقطة ان احنا مايهمناش غير ان الناس تلاقي اللي يأكل عيالها... تمام ..
ودي اولوية .. بس في نقطة احنا عندنا دايما بنقول اللي بنشوفه كل همه ياكل وينام يبقي انسان سلبي ..
احنا المفروض يكون عندنا اطلاع البلد ماشية ازاي او ايه المعوقات الاقتصادية اللي بتقابلنا
اللي هي اولا واخيرا بتعمل دورة بتلف >>
بتنتهي بأنه يكون اول واحد متضرر منها هو الشخص الغلبان ... وانا شرحت الدورة دي ..
وقلت ان نهايتها اكيد انه هيتعمل بسببها ثورة ...
علي فكرة سهل اقول ان الناس حالها يغم وهتقوم ثورة ...
بس الصعب أني اشرح واكون فاهم انا هعمل ايه ..و لايه ؟ وايه اسبابي ؟؟
وهل هي مقنعة ولا لاء ؟ وهل انا جزء منها ولا لاء ؟ يا هل فيها عذر للدولة ولا لاء ؟
يا هل في دور اقدر اقوم بيه ولا لاء ؟
ايه اضعف الايمان بالنسبة ليا ؟؟
لازم اكون عندي دراية بوضع البلد الكلي قبل ما اطالب تقوم ثورة ...
يا هل البلد فيها طاقة تستحمل ثورة تالتة ولا لاء ؟
يا هل اصلا الناس هيكون عندها القابلية انها تثور ولا لاء في وقت الجد ؟
يا هل احوالهم الاجتماعية وظروفهم المعيشية بالوضع اللي احنا فيه
هيخليهم عندهم القدرة علي تحمل مصاعب اكبر ؟
يا هل فيه قابلية للتغيير بشكل اخر غير الثورة ولا لا ؟؟

يا هل مافيش طريق غير الثورة في بلد علي حافة الافلاس ؟
يا هل حد هيدخل يقولي دلوقتي بحركة لطافة انت بتزرع مخاوف الاقتصاد وكدا وتعمله فزاعة
زي ما كان النظام السابق بيعمل ولا هيشوف الكلام بعين المنطق وبواقع اللي احنا عايشينه وحاسينه حاليا ؟
ليه ما نعملش حركة سلمية صغيرة نجمع بيها تواقيع كتيرة تطالب بعدم ترشيح السيسي لفترة تانية طالما عندنا رفض شعبي ليه كشريحة كبيرة ؟

يا هل احنا مشكلتنا مع السيسي كشخص ؟؟ ولا السيسي كمنظومة عسكرية كبلد بيحكمها العسكر من 70 سنة ؟
يا هل احنا هيوصل بينا الحال ان احنا نطالب بخلع السيسي بس ؟
ولا هنصادم المنظومة العسكرية بشكل عام ؟؟
يا هل اصلا عشان تنهي حكم عسكر مطلوب منك أنك تنهيه بطريقة الصندوق ولا بطريق الثورة ؟
يا هل دايما هنقول دايما الصندوق مزور وهنشكك فيه ؟ ولا هييجي في يوم نقتنع بالشخص اللي هيجيبه الصندوق ؟
يا هل محتاج الأول تغير فكر الناس البسيطة في فكرة تغيير القيادة صاحبة الخلفية العسكرية
ولا تلغيهم وتعتبرهم مالهمش حق الرأي وانت الوصي عليهم؟

زي ما قلت قبل اسهل حاجة في الدنيا الكلام ...
والجدلية مافيش اسهل منها ... الجواب واللي يلاقيه ده شخص قوي ..
وكلها تساؤلات مشروعة ومش حرام ..

الضعف في قلة استخدام الفكر ودايما اللجوء للقوة والغشم ورؤية المشاكل دايما بعين الثائر ..
انا كنت لفترة كدا .. بس حسيتا اني لازم افكر اشوف الدنيا بعين مختلفة
بعد ما حسيت الثورة دي خطوة واحدة احنا قمنا بيها مرة واتنين ..
المشكلة عندنا فيما بعد الثورة .. وزي ما قلت قبل كدا ..
مشكلتنا ان كل واحد بيهتم باللي من فصيلة دمه ليس الا ..

وبعدين يا جماعة في نقطة لازم الكل ياخد الكل باله منها عشان تكون واضحة للجميع ..
مش شرط دايما لما نكلم سياسة نتبني مواقف هجومية او نبنيها علي احداث سابقة
ومانفصلش كل وضع عن اللي قبله ...
والمفروض نكلم في صلب موضوع الفكرة المطروحة ..
وده انا جاي في الكلام فيه في ردك يا كريم لما اخلص شغل ..
وعاوزك تهدي كدا يا حجيج هههههه .. احنا مش بنتخانق يا صاحبي ...
وماينفعش تحكم عليا ولا انا احكم عليك بشخصك لمجرد
رأي انت شوفت ان احنا بنختلف عليه .. سهل كدا نكون عاطفيين ونكلم بحرقة..
بس صعب نحكم المنطق احيانا في عاطفتنا ومانخلطش الأمور في بعض ولو حتي اخطأنا الحكم ..
هي مش جريمة اولا واخيرا ... ولو حتي عملنا جريمة رأي ..
فهي جريمة تخص صاحبها .. وصاحبها يتحمل عواقبها ..
بس زي ما بيقولوا بره don’t judge me





انت اثرت نقطه مهمه جدا مشكلتنا مع السيسى كشخص ؟
لا طبعا مشكلتنا مع نظام كامل حتى لو قامت ثورة هنحتاج و قت علشان نبنى دوله من جديد
مشكلتنا مع شعب غير واعى و علشان كده قولت عايز ياكل و ينام ع الاقل انا بتكلم ع الاجيال القديمه ، لا ديما اللى كان بيحاول يغير الشباب واللى ضحى وبيضحى بردو الشباب
البلد مش على حافع الافلاس
البلد بتتسرق امسك الحراميه وحقق عداله و حد اقصى للمرتبات
شوف خير البلد رايح فين ووجهه صح لخدمه الشعب
رجع الجزر والاراضى اللى باعها الجيش
وتعالى اتكلم بقا ف الاقتصاد الحقيقى
احنا لما نوصل لثورة حاليا السؤال احنا فهمنا اصلا يعنى ايه ثورة ؟!
او فكرنا ايه اللى بيجى بعد الثورة ، دى المشكله الحقيقيه شعب مش فاهم يبقى لو قامت مليون ثورة النهايه بتبقى ابشع
العيش ف ظل الدوله الحاليه اصبح مستحيل انت بتدوس ع ناس بطريقه هتوصلهم ان احنا كده كده ميتين ف مش فارقه بقا هنتقتل ف ثوره مااحنا كده كده ميتين
شباب بقا بينهم تار وبين الحكومه
الحل ف جمله واحده
لا يغير الله مافى قوم حتى يغيرو ما بانفسهم
هل احنا فعلا نستحق التغير ؟ نستحق التمكين ؟
ولا لسه باقى كتير اوى علشان تيجى اجيال تستحق تعيش بكرامه !







  رد مع اقتباس
قديم منذ /10-09-2016, 06:43 PM   #7

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي

اقتباس
مشاهدة المشاركة المشاركة الأصلية كتبت بواسطة كريم*
الحقيقة انا مستغرب جداً
لأنى متابع لك ولكتاباتك ولعقليتك من فترة
حتى طريقة ردودك على الاعضاء
كنت بشوفك انسان ناضج
ولا تؤاخذنى اخى ما قرأته اليوم لك هو صدمة

ما بُنى على باطل فهو باطل
وان الله لايصلح عمل المفسدين

انت شوفت حد نزل انتخب السيسى اصلاً ؟
اعلام السيسى نفسه صرخ وهلل ومد فترة التصويت لأن اللجان بتنش فاضية


بتقول مدته اربع سنين طب اسمع (انتوا فاكرين اننا هنسيبها لا والله ما هنسيبها)

واللى هينزل فيه خطة الجيش ينتشر فى 6 دقايق
قنبلة غاز ورصاص فى الهوا هتجروا زى ......

انت شوفت حد فى مصر قادر يطلع صوت يعترض الكل بيسبح بحمد البيادة
واللى يفكر بس يا اما يتصفى يا اما مصيره زى آلاف ماليه السجون
شوفتهم نايمين ازاى ماتوا من الخنقة شفت اذلالهم وتعذيبهم
ده زيك مهندس دكتور مدرس طالب بنات مغتصبه

كل اللى همك الضرايب الدولار والسياحة وقناة السويس
ولم شوية بنات حواليه ومصر بتفرح وعمل ترعة صرف فيها 60 مليار

انت شوفت قناة معارضة انت شوفت صحيفة معارضة
اسمعوا كلامى انا بس وكل اللى ميرضيش ربنا هنكون معاه وبندعمه
كأننا حيوانات ملناش وجود حتى نقابة الصحفيين اللى هما اصلاً طبالين
بعتلهم شوية بلطجية وجرابيع ضربوهم وذلوهم

وانت عارف ان القاضى والظابط شرطة او جيش ميقدرش يقول لأ
لو زملائه شموا بس خبر ان له هوى مختلف هيروح هو واسرته ورا الشمس

انت شوفت نهضة اقتصادية سمعت عن افكار
كله شحاته
السيسى رمز الشحاتة بنى مبنى للشحاته
حتى الكبارى اللى حكيت عنها بفلوس الشحاته
انبطاح انبطاح لروسيا للامارات للسعودية لاسرائيل لامريكا
البطاطين وصلت يارجالة تيران وصنافير اتباعت يارجالة

يا مؤمن ده بيبقى واقف قدام الرؤساء زى البنات العذارى فى حيائهم وخجلهم
وشه فى الارض لأنه حاسس انه قليل وصغير ونكره


الشباب بتطفش من وشه بتموت بتغرق عشان لقمة العيش

النهاردة السيسى صوت لصالح ضرب حلب فى الامم المتحدة هو وتلات دول فقط
خزى وعار صوت لصالح بشار وبوتين اللى خلوا سوريا خرابه
صوت لاسرائيل قبلهم واثنى على قائدهم العظيم نتنياهو
شوفت وزير الخارجية المتشحتف بيبكى صاحب المجازر شيمعون بيريز
وطلعوا قالوا ده كان عنده امساك وبيتألم

النهاردة السيسى غرق غزة بالمياة وبيدوس على دماغتهم لانهم بيحاربوا المحتل
النهاردة السيسى ضيع نهر النيل وبيسقى الزرع بمياة المجارى

النهاردة بطالة وكساد وغلاء النهاردة انتحار وستات بتبيع شرفها عشان تلاقى تاكل

النهاردة كل المحافظين والوزراء لواءات و يطلع يقولك لا والله ما حكم عسكر
النهاردة امين الشرطة لو خد مراتك قدامك لشقة مفروشة
وفتحت بؤك ديتك رصاصة وهيتقال عليك اخوان

حقيقى انا مصدوم فيك



اولا فرصة سعيدة بشوفتك اكيد .. يمكن اول مرة اشوف حضرتك النهاردة ..

ثانيا : في كلام كتير في الرد اللي فات او الرد اللي بعد ده ان شاء الله ليه اعتقد
رد علي حاجات انت طرحتها في خلال كلامك او توضح اكتر توجهي من خلال الطرح ...

ثالثا : انت جيبت تصريحات كتيرة للسيسي .. انا متابعها وعارف انه قالها ..
وانا بقولك انا مش هنا عشان اكون جبهة دفاع عن حد او اتحمق لحد .. او ادخل في نوايا او اسباب
هو قالها ليه ... ولا بأي نية في دماغه .. ومش هدخل في ردود او استنتاجات شخصية عن اسباب كلامه ... كل واحد مسؤل عن نفسه .. ولو هو مش مهتم يوضح نفسه للناس انا ههتم ليه ؟؟
بس انت لو تلاحظ هتلاقيني في اول كلمة في الموضوع كاتب انه عنده خلل في اسلوب الخطابة بتاعه ..
زيه زي احمد شفيق زي مرسي زي حمدين ... كل دول الوجوه اللي علي الساحة اخر 4 سنين
والهرتلة بتاعتهم كتير ومش بيعرفوا يجمعوا كلام عموما وكلامهم كله تعويم يعني ..
اكتر واحد احترمته في لغة خطابته كان عدلي منصور لما كان رئيس المؤقت ..

رابعا : الكلام اللي انت بتقوله شفت شبهه كتير علي مدار سنين كتير فاتت ..
تقريبا نفس الدباجة بنفس الفكرة .. بنفس ترتيبة الكلام .. بيختلف من وقت للتاني
ومن رئيس للتاني ..وبنجمع مجموعة اخطاء وبتترص في حالة هياج ..
او استفزاز للعاطفة بشكل كبير .. ومهما كان التبرير .. عمرك ما هتقدر تقنع حد
بشئ عكس قناعاته ... مش معني الكلام اني بسفه من كلامك لا قدر الله ..
لا ابدا .. كلامك مجموعة حقايق مدموجة بشوية عواطف
مشكلتها شئ واحد .. انها غير قابلة للنقاش في اجزاء كتير منها ..
لانها بتتجاهل الوقائع زي ( حقوق الانسان ) لان كل واقعة مستقلة بذاتها بأحداثها
وبتتجاهل التفاصيل ( زي تيران وصنافير )
وبتتجاهل مبدأ التراكمات ( زي مشكلة النيل )
بتتجاهل ( التخصيص ) لأنك بتعم بكلامك كل شئ
بتتجاهل ( الواقع ) زي مشكلة الهجرة غير الشرعية
بتتجاهلني انا شخصيا .. لاني تالت مرة بقول اني مش جاي اعمل جبهة دفاع للسيسي ..

انا بقول الأمور حسب ما انا شايفها ليس الا .. واكلمت في نقاط محددة
هي بؤرة الأحداث في الوقت الحالي واكلمت فيها لانها تهمني وتمسني ...
ماكلمتش في باطل بيبني باطل ..
انا مش شيخ .. ولا المفروض يكون قناعتي ان السيسي المفروض عشان ربنا يعاقبه ..
نتعاقب احنا بفشله .. ولا نشيل وزر مش وزرنا ..
ونعيش طول عمرنا منتظرين ان اي حد ييجي يحكم يكون فاشل
عشان نقول شوفت ربنا بيخلص فيه ازاي ...
ده ربنا بيخلص فينا احنا .. مش فيه هو ..
ده اي رئيس كان بييجي بيتنعم يا عم .. واحنا اللي بنشوف الذل ..
علي كدا ان المشكلة فينا احنا مش فيه هو بقا .. واحنا اللي بنتعاقب مش هو
اهو بييجي هو ولا غيره يعمله كام زيارة لكام دولة ويتفسح
ويعيش عيشة ملوك ... واحنا عاطول محروق دمنا ...
هنا سؤال هو يا هل المفروض كشخص طبيعي اصحي كل يوم الصبح
ادعي علي البلد باللي فيها باللي بيرأسها ...
ولا بصحي بتمني يكون النهاردة احسن من امبارح ؟؟؟
نحلم ببكرة ان ربنا يهدي الناس ولا عاطول اقضيها كوابيس ؟؟

بس علي فكرة انت نسيت خبر بتاع تمليك السيسي اراضي لملك البحرين في خليج نعمة
ده لسا نازل النهاردة ...









التعديل الأخير تم بواسطة ahmed 22 ; 10-09-2016 الساعة 07:00 PM
  رد مع اقتباس
قديم منذ /10-09-2016, 06:45 PM   #8

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي


جميل جدا آية ..

خلينا نبدأ من النهاية والسؤال الأخير ... بداية ان احنا نتسائل عن احقيتنا بالتغيير من عدمه .. معناها اقتراب ادراكنا بوجوبه وحصوله وإدراكنا بمدي حاجتنا لتغيير حقيقي مش فوتوشوب .. مشكلتنا كمجتمع عموما هو التعجل في الوصول لنقط ابعد من ايدينا .. وغير مقترنة بواقعنا .. او احنا مش عارفين نبدأ منين .. وحاسين بالتوهان .. يمكن عشان ماعندناش هدف حقيقي نجتمع عليه .. ماعندناش شخص نقدر نثق فيه ... او يكون ملهم لينا .. بنفتقد للقدوة ..

بس في نفس الوقت بننخدع في الناس بسرعة .. او احنا بنخدع نفسنا في الناس .. بنحط امال كبيرة في اشخاص وبالتالي الصدمة بتكون كبيرة لاننا بنتناسي حقايق هامة سواء خاصة بتركيبة المجتمع او الواقع بتاعه وما يواجهه من مشاكل فعلية .. بس عمرنا ما حطينا امال كبيرة في نفسنا لاننا منتظرين الخذلان دايما .. منتظرين دايما المنقذ اللي هييجي يطلعنا من الحفرة .. يمكن فعلا لما يكون في مجتمع بيواجه الضياع .. اسهل شئ بالنسبة ليه انه يفكر مين هينقذه .. لانه مش قادر يمسك بحبل النجاة اللي هيطلعه من الحفرة اللي هو فيها ...

عارفة الحقيقة المرة ايه .. الحقيقة في الرد اللي انتي قلتيه قبل ده .. وان الناس عاوزة تاكل عيالها .. ودي الحفرة اللي احنا فيها ..

وعلي فكرة انا بقول ان السيسي مش عاوزه رئيس غير 4 سنين ليه .. من ضمن الاسباب مشكلة الطار دي ... بس ماينفعش نقول انه انفرض علينا كأمر واقع باجماع شعبي .. معني الكلام ان الرجل فاز بالديموقراطية في الانتخابات وخلينا ماننساش ان الأمر وصل ان الاعلام صور لينا المجتمع انه بيتحايل عليه عشان يترشح وده جزء منه حقيقة .. ايوة احنا عندنا النوعية دي من الناس ومش قليلين .. واحنا كلنا مقتنعين انه ماحدش كان يقدر يقف قصاده بسبب شعبيته .. سوا ء بقا اتصنعت عشان الاخوان كانوا وحشين في نظر ناس كتير وانا بأمانة برضه ماكنتش شايف الدنيا امان في ايد الاخوان .. بالعكس انا كنت ضدهم قلبا وقالبا ..

بس كنت منتظر واحد مثل عنده كفاءة علمية بعيد عن السياسة يترشح ضده وانا كنت هأيده .. بس ما حصلش .. بس احنا اتفقنا ان المشكلة في العقلية ... والعقلية بتقول ان اللي بيأيد السيسي حاليا هو معارض للرئيس اللي جاي ايا كان توجهه .... زي اللي كان بيأيد الأخوان هو معارض للسيسي .. احنا كل اللي بنعمله ان احنا بنعمل حلقات ضغينة وعمالين نلفها حوالين رقبتنا ليس الا ... مش عاوزين نحط مكان لكلمة المصالحة الشعبية قدام عينينا ابدا ... او البدايات الجديدة .. مش عارفين نقفل حلقة الضغينة دي ..

بس اتفقنا ان المشكلة في النظام بشكل عام .. مش في شخصه .. بس هو الحلقة الأقوي فيه واحنا اللي خليناه اقوي ... احنا مش هنتبري من الاغلبية اللي اختارته ولا هما هيتبروا منا عشان ضده .. بسبب اختيارات كلنا مسؤلين عنها ... واحنا برضه اللي جيبنا مجلس نواب فيه بعض متخلفين عقليا ... والمتخلفين دول هما اعلي اصوات في الانتخابات وبأغلبية ساحقة .. وهقول كمان بانتخابات نزيهة بنسبة 90 في المية وبقوا نواب الشعب ايا كان بقا الناس اضربت ولا حتي الاقبال بنسبة عشرين في المية ولا الاسماء المطروحة أي كلام وانا مش هروح اتحايل علي الناس الكفاءات واقولهم والنبي اترشحوا وهما عارفين انهم خاسرانين ده لو فيه كفاءات يعني عموما في بلدنا.. بس اللي راح رشح اللي جيه ..

بالنسبة لنقطة الاقتصاد ...فالحقيقة اللي مش هتتغير عندي هو ان البلد فعلا علي حافة الافلاس .. وده واقع اقتصادي ..و احنا بلد نامية بتتأثر بطريقة مضاعفة بأي شئ يطرأ علينا وبالتالي لما تضيفي عبئ فوق التاني الافلاس بيكون اسرع و تصنيفك في التنمية بيقل وبالتالي بيزيد مصاعب كتيرة لما تحب تتواصل مع العالم في الخارج واعترافهم بيك بيكون معقد في التعاملات واسمك بالنسبة ليهم يظهر كدولة صغيرة مالهاش وزن اقتصاديا ...

وفي برضه مفهوم غلط او فيه لغط دايما بنقع فيه .... وهي منطقة العدالة الاجتماعية نقدر نكلم عليها في موضوع البلد اللي بتسرق زي ما ذكرتي او منطقة توزيع الثروة ده جزء في اعتقادي داخلي ..
مالوش علاقة بشكل اقتصاد دولة .. لان الاقتصاد مبني علي فلوس راحة وفلوس جاية واستثمار بيدخل البلد من شركات اجنبية بضمانات امنية ومرتبطة بحالة اقتصادية للبلد .... وايضا فلوس بتنضخ من رجال الاعمال في مشاريع مستمرة وتشجيع دايم ان راس المال يدخل البلد ... يعني انتي عندك روسيا اكبر بلاد العالم اللي فيها دكتاتورية وفساد وقمع من رئيسها وبلد رأسمالية صرف .. ومع ذلك بلد غنية ومصنفة ..

اما ان البلد بتتسرق وبتروح لايد الاغنياء وده مش بيحقق العدالة الاجتماعية ... فدي ليها شرحين :

الأول \ شرح ليها كنظام اقتصادي اجتماعي .. بمعني ان الدولة يكون مبدأها في الحكم تحقيق العدالة الاجتماعية أي انها تقرب المسافات بين الناس .. يعني زي نظام روبن هود كدا .. تاخد من الغني وتدي الفقير ... وده طبعا محال في الواقع العالمي دلوقتي ...

والشرح التاني \ وده المتبع عالميا وعندنا من اصحاب رأس المال..انهم بيعاملوا العدالة الاجتماعية كنظام اصلاحي وشعار سياسي.. بمعني ان الدولة كل مهمتها انها تفرض ضريبة علي الثروة او الدخل والضريبة دي بتكون شكل من اشكال الدخل للدولة وتساعد ان حال البلد يتصلح من خلال بناء مرافق وتوفير احتياجات وكدا بطريقة غير مباشرة ...










التعديل الأخير تم بواسطة ahmed 22 ; 10-09-2016 الساعة 06:47 PM
  رد مع اقتباس
قديم منذ /10-09-2016, 06:52 PM   #9

قلم مبدع

 

 رقم العضوية : 101793
 تاريخ التسجيل : Sep 2016
 العمر : 33
 الجنس : ~ رجل
 المشاركات : 2,754
 الحكمة المفضلة : لو كان هناك طريق للمعرفة لاصبحت كل الطرق كباري
 النقاط : ahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond reputeahmed 22 has a reputation beyond repute
 درجة التقييم : 160081
 قوة التقييم : 81

ahmed 22 غير متواجد حالياً

 

 

 

 

 

أوسمة العضو

نجم الفضفضه 

افتراضي

اقتباس
مشاهدة المشاركة المشاركة الأصلية كتبت بواسطة ندوشه 2011
طب اقولكم على الأحلى ما تخلينا في حالنا احسن واللي ماشي علينا ماشي على غيرنا بالله عليكم مالناش دعوه السجن في عتس بس ما بيتغيرش لكن في بيوتنا بنطبخ اللي عاوزينه هههههههاي



هههههههههههه
والله يمكن عندك حق








  رد مع اقتباس
قديم منذ /10-10-2016, 09:31 PM   #10

مشرفة سابقه

 

 رقم العضوية : 100508
 تاريخ التسجيل : Jan 2016
 العمر : 26
 الجنس : ~ بنوتة
 المكان : المدينة المنورة
 المشاركات : 4,302
 الحكمة المفضلة : "الكتاب نافذة نتطلع من خلالها إلى العالم
 النقاط : بنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond reputeبنت خديجة has a reputation beyond repute
 درجة التقييم : 2455959
 قوة التقييم : 1228

بنت خديجة غير متواجد حالياً

 

 

 

 

 

MY MmS

أوسمة العضو

وسام التفاعل والنشاط للمشرف اكتوبر2016 الفضفضه وسام  التميز مسابقه  النقاش 

افتراضي

والحديث عن مصر اصبح عقيم والله يااحمد مبقيتش قادرة استمتع في معرفة اي شيء عنها وعن احوالها
الله المستعان







  رد مع اقتباس
إضافة رد

« مفهوم الخصوصيه،،نقاش | اهانة شباب مصر في الخارج »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حوار بين ابلييس بلدنا و الريس....قصدى ريس بلدنا و العفرييت Mysterious نكت - طرائف - وناسة - فرفشة 18 03-25-2011 10:33 AM
بلدنا. emy khaled قسم مناقشة المواضيع المتداوله والمنقوله 2 02-04-2011 04:42 PM
مصر بلدنا allah akber مواضيع عامة - ثقافة عامة 1 02-04-2011 05:39 AM
علم بلدنا سنيورة دوللى قسم الخواطر - وهمس القوافى حصرى بقلم الأعضاء 4 07-09-2010 09:08 PM
مش دى بلدنا *mrmr* مواضيع عامة - ثقافة عامة 1 04-01-2010 04:18 PM

مجلة الحلوة / مذهلة

الساعة الآن 01:32 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩