بعتذرلك ياوطن

[a7med -3del]

حبي ليكي
متداري ورا الف انكسار
مخنوق بيصرخ ليل نهار
مستني يوم الفرح لكن
طال يابلدي الانتظار

ولسه انتي اللي باقيالي
وصابر برضه علي حالي
ومهما بشوف كتير منك
مبنساش ان انا ابنك
وصاحب حلمك الغالي

وابان جاحد وده الظاهر
وانا من زعلي بتظاهر
انك عادية ولا فارقة ليا
الاقي دمعي يغلبني
ويقولي مصر تستاهل

انا الجاهل

وانا اصغر عيالك
وانا الحلم اللي جالك
انا الحاجة الحلوة اللي فيكي
ولسه برضه باقيالك
انا زعلك وخوفك
وجزء من ظروفك
يايلدي انا نفسي اشوفك
قمر في السما عالي

بدموعي راجع اكتيلك
وغيري بدمه يرسملك
ملامح فيها كان اسمك
عنوان كل الليالي

ولسه بصبري مستني
وهافضل ليكي انا اغني
ولو كام حلم تاه مني
كفاية ان انتي عنواني

وفي النهاية

سامحني

سامحني لو مرة انا جيت عليك
وشوف كام دمعة تشفعلي
من قلبي يوم بكيتها ليك
مليانة 100 حزن وشجن
كان اعتراضي علي الاشخاص
حاكم فاجر وحاشية رخاص
وانت اللي في القلب وع الرإس
وبعتذرلك ياوطن

يارب
Ahmed adel
9-10-2016

[شاعر الحب الحزين]

الوطن ملهوش أي ذنب

شيء جميل اننا نعتذرله حب الوطن واجب

كلمات قدرت تتخطى فيها غضب وصمت كبير

بالحب الكبير للوطن الحبيب أم الدنيا مصر

تسلم يا ابو عادل ..كلام جميل واحساس اجمل

الله يوفقك ويسعدك

[شاعرة الرومانسيه]

الله عليك يا احمد

دائما حروفك هادفه

تسلم ايديك

[αЛαstoOorα]

مفيش شك آنك يامحمد ليك موهبة وآسلوب خاص جداً بيك
واللي بيميزك دايماً ..آنك هادي ف كتاباتك ومعظمها بتميل
للكلاسيكيه آكتر ..سواء ع المستوي العاطفي آو السياسي
وآنك دايماً بتحاول تقول آن قلمك ..قلم بيبعت رسالة واضحه
ومش حشو كلام وخلاص ..؟ وآنا شخصياً من الناس اللي
بحترم آي حد بيتكلم عن آحساسه وبيطبقه عملياً ف الكتابه
مش مجرد آنسان بيكتب عشان يقول انا بعرف آكتب بدون
آي مشاعر وآحساس بيحرك آبداعه وفكره وقلمه...
وآنا مش هعتبرها قصيدة آد ما هعتبرها بوح ناضج ومتزن
ومحكاه بينك وبين وطنك ودا ظاهر جداً .ف تعبيراتك بحبك
لبلدك ..ودي الحاجة اللي بتخلي القارء لا يبص علي اوزان
ولا علي قافيه والقاء.لآنها بتبقة آكبر من آي آسس وقواعد
الواحد بيكتب عليهم ..
ف آنا بقولك آنك عندك آحساس عالي حتي لو بيخونك التعبير
وبينزل منك الوزن ف بعض الآبيات.بس فيه بدايل بتخلينا نحس معاك
عجبتني آوي
وآنت مبدع مفيش كلام ..^^

[دمعه حائره]

حب الوطن امتلك القلب
وحتى ان مرينا بظروف قاسيه
تظل مصر خارج الحسابات
رائعه الكلمات والحس الوطنى فيها
تسلم اخى

[الفيلسوف العآشق]

راائعه هي كلماتك
واحساسك الجميل بحب وطنك
دمت متالقا

[.Lamar]

مسكين يا وطن
و الكل مشفق على حالك
متحكم فيك حبة حرامية
ناهبين خيرك
شاربين من دم ولادك
عايشين فيك ظلم و مهانة
و لسة بنحبك
و لسة القلب بيتغنى باسمك
و مهما شوفنا فيك
بنحلم ببكرة احلى
و اننا نعيش بس بكرامة

كلمات و لا اروع اخى
دام ابداعك وعطاءك

[Doaa Hammam]

حب الوطن بيكون احساس من الصعب التخلي عنه

مهما ضاقت الظروف ومهما كانت الصعاب يظل حي الوطن بداخلنا

حتى لو سافرت بعيدا عن الوطن يظل الحنين جواك وتظل ذكرياتك محفورة بداخلك

سلمت مصر من كل سوء وحفظها الله ورعاها

تحياتي

[فصيح]

الله الله الله
هو دا يا أحمد روعة احساس
عالي كلامك نجم والله
واسمح ليه برد تلقائي ومش مترتب
بمجرد أني قرأتها كتبته وما رديت أعدل فيه والله
بجد يا أحمد أنت فنان وحساس
تسلم يا فتي خالص احترامي والسلام

[همس الكناريا]

قلبى عمره ما كان أنانى
دا حتى طيبته مجننانى
وحبه عمره شكل تانى
ودايما ترجمانه لسانى
ولونه دايما أخضرانى
بعيد عن طباع الديابه
عمره عايش مع الغلابة
وفى بلده مغرم صبابة
عنها بيحكى على الربابة
شاعر وبارع ف الخطابة
لونى من قمحى ونيلى
قديم وجدى ياما حكيلى
عن أصلى ومين خليلى
المجد لحد عندى يجيلى
والخير عمره كان دليلى
/



روعات كتاباتك
ياسلطان الكلمة والحرف
كلامك كسلاسل الذهب الحُر
منقوش بالدُرر و الدُر
مُرجان وياقوت وجواهر من اللؤلؤ الحُر
مين يقدر يكتب كتاباتك
ويهمس ماانت همسك مالوا ضر
أحسنت وأبدعت
وزاد قيمة كتابة بأسمك
احترامي

همس الكناريا