ماذا لو اكتشفت/ى ؟

[طارق طروق]

اهلا وسهلا ومرحبا بالجميع

دخلتى مول انتى واعز صديقه ليكى ومكنتيش تعرفى انها لصه
بعد ما اختارتوا اللى انتم عايزينه وروحتم تحاسبوا الكاشير
فجأه امن المول جم قالوا لصديقتك لو سمحتى افتحى شنطه الخروج بتاعتك
وشها احمر واخضر واصفر وقالتلهم لا مش هفتحها طبعا انتى مش فاهمه حاجه
وقولتلهم هو فيه ايه ممكن اعرف؟ قالولك هتعرفى دلوقتى كل شىء بس خليها تفتح شنطتها
المهم فتحوا شنطتها لقوا داخلها شىء ثمين هى سارقاه من وراكى وانتى متعرفيش
ياترى هتتصرفى ازاى؟
وياترى موقفك هيكون ايه من صديقتك؟
طبعا الاسئله دى والموقف ده ينطبق ايضا على الشباب
ياترى هتتصرف ازاى؟
وياترى هيكون موقفك ايه من صديقك؟
منتظر اجاباتكم

[Lamees]

يا خبر ابيض ده موقف زي الزفت
انا طبعاً هقف معاها واحاول اخليها ترجع اللي خدته
وبلاش نكبر الموضوع
يعني هحاول اقف معاها من باب الجدعنة
بس بعد ما اخلصها بجد مش ممكن اروح معاها في اي مكان
ده لو مش قطعت صحوبيتي معاها من الاساس
تسلم للطرح اخي

[.Lamar]

موقف صعب جدا

و مفتكرش صداقتى بيها هتكمل بعد الموقف دة

بيكفى الحرج اللى هكون فيه بسببها

و مفيش عذر يخليها تعمل كدة

هتكون الصداقة دى غلطة واجب تصحيحها

مشكور على موضوعك اخى

تحياتى

[همس الكناريا]

أفتكر إن ده أصعب موقف ممكن يقابلني مع صديقة
بس هكون معاها لما الموضوع يخلص
وبعد كدا افهم هي عملت ده ليه
وبدافع ايه..ممكن يكون في سبب
وهي مش حرامية اصلا
بس عشان صديقتي هعرف منها الموضوع الاول
تسلم لطرحك القيم
احترامي
همس الكناريا

[دمعه حائره]

موقف محرج جدا الحل انى اقف معاها نلم الموضوع
وممكن ادفعلها الفلوس
واكيد هى تمر بحاله نفسيه عملت فيها كده
هاعرف منها التفاصيل بعدين وانصحها تتعالج
والطبيعى ان بعد كده مانروحش سوا نشترى تانى ههههه

[بنت خديجة]

هههههههههههه نهار ابيض الموضوع صعب جدا لكن هدعم صحبتي طبعا واخرجها من الموقف
وبعدين افهم هي بتعمل كدا ليه يمكن عندها مرض نفسي مش بايديها تعمل كدا
لكن لو لصة بقا وبتحب الموضوع والسرقة هحاول معاها قد مقدر اخليها تبطل
عشان دينيا السرقة حرام
وعشان الصحوبية لازم اكون صديقة قد المسئولية

موضوع عجبني طارق

[حـيـــــآة ❤]

ايووخ لا معرفهاش
بس هقف ضدها لانها غلطانه وهخليها تعدل عن تصرفها دا

[طارق طروق]

بشكركم جميعا على مروركم
وعلى تعليقاتكم
اللى عاجبتنى كلها بصراحه
وكانت ردودكم رغم اختلافها
اختلاف بسيط لكنها بتؤدى لنفس المعنى
ووجه النظر
عايز اقولكم نورتونى وشرفتونى
واشكركم مره تانيه

ومع تحياتى لكم جميعا

[SaMa.]

يخربيتها دي هتبقا فضيحة موش هنعرف نتصرف
ممكن اتصل ع بابا. يلحقنا
بعدها نشوفها عملت كدة ليه ولو مبطلتش
هسيبها لاسف

[ايمان طلعت]

الموقف صعب فعلا
وهحاول احله ودي
بعد كدة لو الصداقه قويه بيني وبينها هحاول على قد ما اقدر انصحها واخليها تبعد عن الفعل دة
لو صداقه سطحية هنصحها وابعد عنها