فكرة الارتباط...

[SaMa.]

دة مجرد رئي لفكرة الارتباط او الزواج
لازم م البداية نعرف ان عشان تفكر انك تربط حياتك بحد تانى
دة موش معناه انو لازم يبقا شبهك وزيك ف كل حاجة
الارتباط اتعمل عشان نكمل بعض تدور ع نصك التانى
الل يفهمهك ويحتويك يقدر يستحملك
ف وقت زعلك وعصبيتك قبل وقت متكون مبسوط
انتا بتحتاج الل يقف جمبك ف ازماتك
موش بس ف وقت تكون مرتاح
لازم تختار الل يقبلك ويحبك بعيوبك
لانو هو كمان عندو عيوب وانتا مستعد تقبلها
تختار الل مستعد تتعب عشانو وتضحى بوقتك ومجهودك
عشان تجيبلو الل نفسو فيه او تعملو حاجة طلبها منك
تختار الل تحس ان مفيش فرق بينك وبينو ..
الارتباط انك بتقرر تنهى مرحلة ف حياتك
كونت لوحدك ودخلت فى حياتك حد تانى
هيشاركك كل تفاصيلها
فتبقا قد الخطوة دى او تأجلها لحد متفهمها
متخليش حد يضغط عليك عشان ترتبط
ف وقت انتا موش مستعد نفسيا او موش مرتاح للنص التاني...

[بنت خديجة]

احسنتِ قولا ومش اي حد قدر الارتباط لانه مسئولية كبيرة جدا
وامانة تتحملها ولازم تكون قدها

شكرا لجمال كلامك

[الفيلسوف العآشق]

جميله فضفضتك سما
رغم انها اخدت شكل وصف النصيحه قبل الارتباط بالاخر
بس انتي اجدتي في وضع مفاهيم جميله قد تغيب عن البعض
دمتي متالقهـ

[شاعر الحب الحزين]

هو فعلا مسؤولية كبيرة مش بس فكرة

الارتباط الجميل هو اللي بيربط بين القلوب والاحاسيس

بعيدا عن أي شكليات وغيرها هو ده معنى الارتباط


طرح رائع منك سما وبيحكي حقيقة عايشينها

تسلمي ويسلم نبض قلبك..لروحك السعادة

[حـيـــــآة ❤]

الارتباط كله مسؤوليه

مش بس مجرد كلمه

او بصمه..

لازم اللي، بيفكر ف الخطوه دي، يكون واعي كويس اوي

يعني ايه ارتباط وايه واجباته وايه حقوقياته

بس مع ذلك لا داعي للخوف ابدا

ماناس كتير اتجوزت اساليهم خادوا ايه

تسلمي سمسمه علي فضفضتك الرقيقه
في حفظ الله

[شاعرة الرومانسيه]

صباح الورد يا سمسمه

مفيش حد بيفكر فى الارتباط

كله بيضحك على كله

الا من رحم ربى

تسلم ايديكى حبيبتى

[.Lamar]

كلام فى محله سمسمة
التسرع فى الاشياء المصيرية
يساوى ندم عمر كامل

تسلمى حبيبتى

[همس الكناريا]

الارتباط قبل أي شيء مسؤلية وحياة بتهبها
للطرف التاني..وأهم شيء فيه الأمان
تسلمي لفضفضتك سما
مودتي

همس الكناريا

[فصيح]

الله عليكي سما
طرح مميز وعين العقل في كلامك
تحياتي أكيد

[دمعه حائره]

الزواج مسئولية وحياة كاملة لازم يكون الطرفين
متفاهمين فى اغلب الامور
تسلمى على النصيحة