عنيها حلوة

[شاعر الحب الحزين]

أجيلها كده تجيلي كده

وأنا مش قد التقل ده

عنيها حلوة مكحلة

جابتني لاخر مرحلة

بالراحة عليا مش كده

خدتيني مني بنظرتين

ما عرفت انا بقيت فين

حيرتي وجناني بقت حقيقة مؤكدة

عيون نستني النوم

سهرتني ليالي بالكوم

بقيت باكل مرة ف اليوم

بنام ساعتين اسهر يومين والروح عاشقة متنهدة

شاغلاني وفايتاني افكر فيها

عملت فيا إيه المفترية عنيها

اسئل وتتقل اقرب وتهرب يا بنت كفاية بلاش كده



حزن الدنيا بيهون قدام ضحكة عيونها

ولا عمري بكووون انا يوووم من دونها

أيوة بحبها بجنون واديني بقولها وبعلنها



حلوة عنيها لما تتدارى مني بخجل

حلوة عنيها بترسملي الحياة والأمل

ما احلاها مفيش بحلاها

مين بس يشوفها وينساها

مش بس عنيها كلها على بعضها عسل



شــــــــــــــــــــــــــــــــــــ . حـــــــــــــــــــــــــــــــــــــــ

[ندوشه 2011]

سيدي يا سيدي يا بختها بيك اللي يلاقي حد بيحبه الأيام دي بجد يمسك في وما يضيعوش عقبالنا يارب شوفت انا بحسدكم ازاي ههههههههاي

[شاعرة الرومانسيه]

يا سيدى على الجمال والدلع

انا بقر اهووووووووووووووو

هههه تسلم ايديك ياخالد

[ŅĢM]

كلمات جميله من انسان اجمل

تسلم ى باشا

دوام الابداع بكلماتك الراقيه

[همس الكناريا]

ولمالا. يكون. هنا. الإبداع
وخلف. الكلمات. أجد. شاعرنا المبدع
دام حرفك. تحيتي لك

همس الكناريا

[فصيح]

الله عليك بس دا بهدله يا عمنا
تنام ساعتين تسهر يومين
لا يا عم مش عشان عينها مكحله
اتقل انت شوية أسمع كلامي

ربنا يسعدك شاعرنا الجميل
صباحك جميل وكل التقدير أخوى الغالي

[دمعه حائره]

زى غنوة حب جميله
تسلم ياخالد ابدعت

[فداااااااااااء]

ياسلام على دى معزوفة
جميلة اوى منك اخى شاعر
اسعدك ربي ودام رونق قلمك الجميل

[حـيـــــآة ❤]

ايوا اتقل استاذنا هههه
واحنا عشان كلماتك دي هنسهر سنين
هههه روعه طبعاا
دمت بكل خير ياخالد

[αЛαstoOorα]

وصابتني برمش عنيها وتوهت
حسيت بالقلب رايح ليها
علي مهلي آخدت مشاعري وسوقت
ومشيت ف طريقي مغرم بيها
ولحد ما روحت انا ليها تعبت
وطلبت آحب ف معاليها
آنا كنت مفكر نفسي الفت
واتاريني غرقت غرام فيها
^_*