نصب تذكاري

[ahmed 22]

مسكت الورقة وبقلمي حابيت نفسي
وعشت الدور وأتقنته فاضلي سطور
أملاها وبرضه علي قدي أنا المغرور
ومن يأسي كتبت قصيدة تنصفني
وبالحالة لاقيت 100 ايد تسقفلي

أنا العاشق
أنا المجنون

فيه من جوايا خيط مقطوع
ومن مآساتي بتصنع
وبترحم علي الموجوع
أنا السيريالي بتخيل
مكان في الجنة ضلمة بنور


في شئ في الكون ده أغضبته
لكمني راح كسرلي ضروس
ومن يومها وأنا الصامد
بعاند قد ما بزاحم
بقاتل في الطابور واقف
وراح غيري ألف ضحية
ومكاني أنا الثابت
بكل برود بغني بقلب
وبالغشومية بتفاخر


أنا الأوحد
أنا القاضي

أنا الحاقد علي البشرية
أنا اللي عدالتي حصانة متخفية
أنا مش ترس جوا المكنة
أنا اللي حدودي متعرية
بالآنا بصنع من الكلام تمثال
وبعمل هالة من حواليا


أنا الداء
انا الدواء
انا العاصي

واجهت عيون بتتصادم
وناس عايشة براس حية
بتاخد كل شكل ولون
وحاجز في الزمن عنوان
مكانه جفون بتتغافل
ودان تسمع وبتناقل
لسان جارح بصوت فاجر

أنا التاريخ

مكاني حفرته جوا الصخر
وبتناسي عقابي الجاي
وعايش في القلوب بنفاق
بمنطق أني صاحب حي
وللذكري بنولي تمثال
وبصورتي ضربوا مني مثال
بهيبة نصب تذكاري
وتاريخ من زيفه خلاني
خالد بحروف من نور

[راجعة لحبيبى]

عاشق ومجنون وعاصى
وروعه كلماتك
تسلم
لروحك السعاده

[.Lamar]

أنا السيريالي بتخيل
مكان في الجنة ضلمة بنور

اكتر تشبيه عجبنى بخاطرتك
سلمت يمينك اخى
تحياتى

[ahmed 22]

ملاحظة :هناك بعض تعديلات تم اجرائها علي النص لمن قرآه أمس او صباحا ..

[فصيح]

جميل الحرف والاسلوب
بمفردات حادة لاذعة
كنت شيق متمكن في طرحك وادواتك
سلم الله نبض وحرف أنت صاحبة

خالص تحياتي والتقدير

[دمعه حائره]

بلاحظ عندك مفردات وتشبيهات مختلفه
دى اكتر حاجة تميزك خواطرك وتخلينى اتابعك باستمرار
كلمات رائعه ووصف لنوعية من البشر
تسلم

[حـيـــــآة ❤]

فعلا مفرداتك جميله

عندك قدره لغويه حلوه اخي

احسنت والله تسلم
في حفظه ورعايته تعالى

[ahmed 22]

اقتباس المشاركة الأصلية كتبت بواسطة راجعة لحبيبى عاشق ومجنون وعاصى وروعه كلماتك تسلم لروحك السعاده

الروعة في حضورك اكيد ...
كل التقدير لشخصك الكريم ..