" كنتي حلم وجتلي يقظة "!

[αЛαstoOorα]

؛ كنتي حلم وجتلي يقظة :
/
تقنعيني بآيه خلاص
وآنتي كنتي بتخدعيني
جايه بتقولي الآحساس
مهو من آمتي حستيني
/
آقنعي قلبك بغشهُ
عرفيه آنه مُخادع
خليه يظهر ليا وشه
قلب للتمثيل دا خاضع
/
عيدي كل الذكريات
وآلمحي ظلمك معايه
لو بترتيب الآهات
هتكوني آنتي ف البدايه
/
نص فيكي يقول بحبك
نص دمر ف الحكايه
وتقوليلي حياتي قلبك
وآنتي كدبه عاشت معايه
/
ياللي ظلمك م الكبائر
آصله جاني علي المشاعر
زيك آنتي مشوفتكيش
آدتيني جرح واعر
/
بشكرك علي آي حاجة
كات مابنا وكنا فيها
والسبب كان السذاجة
اللي دايماً كنت فيها
/
والوداع بعد المحبه
هو آصعب من عذابك
يلا ماشي خلاص ياشابه
وآدي ضهري كمان لبابك
/
بس قبل ما همشي لحظة
تعرفي فيها النهايه
كنتي حلم وجاتلي يقظة
ارمي حلمي كمان ورايه
آرمي حلمي كمان ورايه
آرمي حلمي
كمان ورايه
/
مجرد شعــر

[فداااااااااااء]

كلمات جميلة اجدت التعبير عن الحالة اخى المنشاوي
سلم هذا النبض المتألق منك اخى
أسعدك الله

[دمعه حائره]

كلام كبير وواعر قوى يا فارس
ابداع فى كل مرة بتكتب وتمتعنا
تسلم اخى

[طبيب الهوى]

وه مالك يا فارس

ليه قلبك حزين وياأس

متنفعش زوجة لقلب حاسس

ان ربه كريم وحارس

هذيان قلمي المجنون

أخي فارس جميلة خاطرتك الشعرية وراقت لي كثيراً

أتمنىَ أن تكون حالة كتابة لا أكثر

وإن كانت أعلم أنك ستتغلب عليها أخي الكريم

تقييمي البسيط + ***** 5

تحياتي لفكرك القيم وقلمك المُبدِع العذب رغم الألم

أبو عصام

[شاعر الحب الحزين]

يا سلام .. فوق الروعة بجد

لما يبقى مجرد شعر ومكتوب من القلب كده

ف ده مؤشر على درجة إحساسك العالية

اختيارك للعنوان كان معبر بدرجة كبيرة جدا عن المضمون والمعنى

انتا ماشاء الله عليك مش محتاج شهادتي..رائع ومبدع يا ابو الفرس

كل الشكر والتقدير يا فارس العامية

[Magda Mohamed]

شعر جميل الشعر اصلا له مشاعر خاصه

[العاشق الذى لم يتب]

جميل فارس
ومشاعرفيها حكايات
راقى القلم
تحياتى

[توحد ارواح]

رغم انف الحزن والالم جدا جميل

سلمت والنبض

[السفيره عزيزه]

ومفيش نصيب عادي.
وايه يصيب قلب قريب
من ربنا.

نقول يارب تعب القلب
وتعبنا كتير فى عمرنا

قولنا حبيب وعمر الظلم
ما كان يوم فى طبعنا

بس خلص خلاص ومر
الكاس زيد يارب فى صبرنا

وانا بكره ناوي على الغناوي
وما حد هيموت من بعدنا

هدوس وعدي وأد التحدي
ونسلم لله امرنا

عمره ما يخزل ال يستغفر
وعوضنا بئا على ربنا


دمت بخير

[شاعرة الرومانسيه]

عجبنى قوى العنوان

وعجبنى اكتر المضمون

مش كل حلم بنحلمه بنحققه

احلام كتيره لازم نستغنى عنها بمزاجنا

ونرميها خلف ضهرنا بارادتنا

الحلم الى يقلل من شأن صاحبه محوه افضل

كلمات ولا اروع فارس

تسلم ايديك