تعمل ايه.

[a7med -3del]

لما تكون مش لاقي طريق
تايه بين احزان وغريق
تفضل تسال نفسك تعرف
ظالم فعلا ولا بريء

وفجاءة تشوف بعينيك احلامك
بتنقص يوم عن يوم قدامك
ويبقي سكوتك هو كلامك
لما الدنيا الواسعة تضيق

تعمل ايه ؟

لما تكون مش عارف نفسك
تبكي مفيش ولا واحد حاسك
وسط الناس وتملي لوحدك
تايه ضايع جوه طريق

لما دموعك تجري تخونك
والغربة تفسرها عيونك
حتي ملامحك شكلك لونك
ويا سنينك دول ولا شيء


رافض تاخد اي قرار
واحد واقف جمب اصفار
حتي ان لف العمر ودار
مفيش حاجة تبل الريق


تقابل ناس وتودع ناس
دايرة وقافلة علينا خلاص
وتبقي الضحكة
هي الدمعة
وتعيشها بنفس الاحساس

هتعمل ايه

انا مش عارف لا هاعمل ايه
ولا هارجع اكتب امتي
ولا الزمالك هيهبب ايه
حد يفهمني طيب

Ahmed adel
17-10-2016

[.Lamar]

وقتها مش هنلاقى غير باب واحد

عمره ما بينقفل فى وش حد

هنلجأ لرب العالمين قادر يخفف عنا برحمته

و يلهمنا القوة و الصبر

و هنقول هى دنيا

و مفيش مخلوق عارف بكرة مخبي له ايه

كلمات مست كتير بالنفس
و حالة بنعيشها و تمر علينا
سلمت يمينك اخى
تحياتى

[ندوشه 2011]

استغفر ربنا أخي في رب كريم مابينساش حد الحمد لله على كل حال

[دمعه حائره]

سلمها لربنا هو وحده قادر يصلح الحال
كلمات رائعه اخى تسلم يارب

[Eng Esraa]

سيبها ع ربنا ..
تسلم لرقي كتابتك احمد

[همس الكناريا]

بين الحزن والفرحة يدوب خطوات
فى لحظة هى ومش فى ساعات
وصاحب الحزن حلف لازم يخطيها
فرد رجله وجى يعدى قالوا مات

/

واهى أيام بنعشها وهتعدى
على الرغم ان حزنها وعدى
بحاول ألملم الباقى فى الضحكة
عشان بعد الموت
تكون هى سبب سعدى
...............

كعادتك متالق فيما تدون
صح بوحك والقلم أحمد
احترامي

همس الكناريا

[شاعر الحب الحزين]

من اجمل كتاباتك بجد يا احمد

اخترت فيها مفردات وتعابير كلها خدمت الفكرة

استاذ يا ابو عادل ..خليها على الله وانسى يا احمد

بتمنالك كل خير

[*فجر الاسلام*]

ربنا موجود وبيعمل الخير لينا فى كل خطوله
جميله اوى عجبتنى جدا لحنها جميل
تسلم ايدك ربنا يسعدك

[حـيـــــآة ❤]

ربنا كبير استاذ احمد

تسلم ايدك بجد روعه