كتاكيت على النت/بقلمى

[طارق طروق]

اكيد بتقولوا دلوقتى ايه العنوان الغريب ده متستعجلوش انا هوضح اقصد ايه وهكتب اهو
الكتاكيت اللى هما الاطفال سواء ولاد او بنات
طبعا زى ما انتم عارفين وسائل التواصل كتيره على النت خلينا مثلا فى الفيس بوك
تلاقى الطفله او الطفل من دول يتعرفوا على بعض عن طريق الفيس
الطفل: هاى ممكن نتعرف انا اسمى برعى عمرى 12 سنه ومن مدينه ايطاليا بكفر الدوار
الطفله: هاى برعى اتشرفت بيك وانا زنوبه عمرى 10 سنين من مدينه اسبانيا بالزاويه الحمرا
الطفل: ممكن تكلمينى عن نفسك يا زوزو؟
الطفله: تصدق اول مره حد يدلعنى كدا يا بروعه هييييييييييح هقولك ايه ولا ايه ولا ايه
انا حياتى كلها حزن وهم وغم انا بابى مطلق مامى وشيلت الهم من صغرى
وبقيت مسؤله عن اخواتى اللى اصغر منى اختى سنيه واختى فهيمه واختى فتكات واختى سعديه
واخويا عجوره واخويا عوكل
الطفلفى سره يا نهار ابوكى اسود) وباباكى طلق ماماتك ليه؟
الطفله: مع ان السبب فى طلاقهم سر محدش يعرفه بس انا ارتاحتلك وهقولك السر
الطفل: وانا كمان ارتاحتلك يا زوزو وحاسس زى كدا ما اكون عارفك من زمان
الطفله: ميرسى اوى يا بروعه بس اوعدنى انك متقولش السر دا لحد
الطفل: وحياتك عندى وغلوتك والعيش والملح اللى هناكله مع بعض مش هقول لحد
الطفله: بابى طلق مامى عشان عشان عشان
الطفل: قولى يا حبيبتى عشان ايه انتى مكسوفه منى؟
الطفله: وااااااااااااااااو حبيبتك؟ يعنى انت بتحبنى يا بروعه؟ من امتى؟
الطفل: من حوالى نص ساعه كدا حبيتك ودخلتى قلبى وانتى اول حب ليه
الطفله: انا بجد بجد مش مصدقه نفسى تعرف انا كمان حبيتك
من اول ما قولتلى هاى ممكن نتعرف؟ حسيت ان قلبى عمال يدق يدق يدق
الطفل: مقولتليش ليه باباكى طلق ماماتك؟
الطفله: عشان مامتى حرقت حله المحشى
الطفل: وحيات امك؟ هو ده السر اللى طلعتى روح اهل امى عشان تقوليه؟
الطفله: ايوه يا بروعتى شوفت بقى انه سر خطير اوعا يا بروعتى لما نتجوز
واحرقلك حله المحشى تطلقنى
حبيبى انت معايا؟ بروعتى انت روحت فين؟
برووووووووووووووووووووووووووووووووووووووووووووووعه
بروووووووووووووووووووووووووووووووووووووووووووووووع ه
الظاهر ابن الهرمه عملى بلوك

[حـيـــــآة ❤]

ههههههههههههههههههههههههههههه

انت مصييه من مصايب الزمن والله

جسدت الواقع بطريقه ظريفه جداا بجد

بحييك اوي علي دا

ضحكتني الله يسعدك

[Eng Esraa]

هّـهّـهّـهّـهّـهّـهّـهّـ
أّنِأّ قُفُـلَتٌـنِيِّ أّوٌيِّ أّلَأّسِـأّمًيِّ ! هّـهّـهّـهّـهّـهّـ
جّـمًيِّلَةّ مًنِکْ ، تٌـسِـلَمً بًقُأّ ^^

[يحيى الفضلي السودان]

انا امي داعيالي الاقي بروعي ده وعلى فين بتاخدني ياحبيبي ههههههههههههههههههه

نكهة المنتدي بعد الصمت الكئيب

[SaMa.]

ههههه موتني ضحك احسن عملها بلوك
الفيس بقا كلو عيال
نايس خزعبلاية طارق

[۩۩ elMagic ۩۩]

ههههههه
هتلاقي كبار بردوا بيعملوا القصص دي وعايشين حياتهم
خزعبله طيبه
يدوم النشاط

[Lamees]

كان لازم هي تعمله بلوك الاول
مش كفاية اسمه بروعة

حلوة اوي

[طارق طروق]

اقتباس المشاركة الأصلية كتبت بواسطة حيــــــاة ❤ ههههههههههههههههههههههههههههه انت مصييه من مصايب الزمن والله جسدت الواقع بطريقه ظريفه جداا بجد بحييك اوي علي دا ضحكتني الله يسعدك

شكرا يا هاجر
على تعليقك ومرورك الغالى
نورتى وشرفتى ودوم ضحكتك

[طارق طروق]

اقتباس المشاركة الأصلية كتبت بواسطة eng esraa هّـهّـهّـهّـهّـهّـهّـهّـ أّنِأّ قُفُـلَتٌـنِيِّ أّوٌيِّ أّلَأّسِـأّمًيِّ ! هّـهّـهّـهّـهّـهّـ جّـمًيِّلَةّ مًنِکْ ، تٌـسِـلَمً بًقُأّ ^^

شكرا اسراء
الاجمل تعليقك ومرورك الغالى
نورتى وشرفتى ودوم ضحكتك

[طارق طروق]

اقتباس المشاركة الأصلية كتبت بواسطة يحيى الفضلي السودان انا امي داعيالي الاقي بروعي ده وعلى فين بتاخدني ياحبيبي ههههههههههههههههههه نكهة المنتدي بعد الصمت الكئيب

اكيد هتلاقيه يا يحيى هههههه
شكرا لتعليقك ومرورك الغالى
نورت وشرفت ودوم ضحكتك