تحميل لعبة المغامره والغموض المميزه Life is Strange || "الحياه غريبه" نسخه Repack

[MhmdVincent]

بسم الله والسلام عليكم ورحمة الله وبركاته ايه الأخبار عاملين ايه؟ إن شاء الله تكونوا بخير دايماً

النهارده أنا حبيت أنشر لعبه مميزه هتعجب الناس كلها بنات وولاد وبالأخص البنات فهحاول أكتب الموضوع بالعاميه على قد ما أقدر عشان أوصلكم مفاهيم اللعبه واللعبه دي بالذات حبيت أهتم بتفاصيل التصاميم عشان أجذبكم ليها الصراحه لانها بجد لعبه تستحق مبدئياً اللعبه اسمها Life is Strange "الحياه غريبه" ... أحداثها مشوقه وحلوه وقصتها مميزه وهديكوا نبذه عنها بعدين اللعبه من نوع الـ Episodic Game ... اللي هي بتكون حلقات أو شباتر "Chapters" ... واللعبه مكونه من 5 حلقات كل حلقه نزلت في معاد غير التانيه أحداثها مبنيه على نتائج من اختيارك أنت/ي ... فـ أنت/ي اللي بتختار/ي تمشي في أنهي مسار من اللعبه وأنت/ي برضو اللي بتختار/ي نهايتها تكون عامله ازاي بناءً على اختياراتك اللي مش هيعرف يلعب اللعبه ممكن يتفرج عليها على اليوتيوب كأنها مسلسل ... كل حلقه من 2:3 ساعات ده لينك الـ Playlist للـ 5 حلقات ودلوقتي هكلمكوا عن القصه الشخصيه الرئيسيه "Max" عايشه لوحدها بعد ما أعز صاحباتها اتطردت من المدرسه اللي هما فيها مبقوش يعرفوا يشوفوا بعض لمده طويله جداً فـ كل واحد لقى له حياتها لخاصه المهم Max كانت بتحلم حلم غريب ... صحيت لقت نفسها في المحاضره بعد ما المحاضره خلصت راحت الحمام عشان تغسل وشها وتحاول تكلم نفسها عن مستقبلها بعد ما دخلت شافت فراشه زرقاء فقالت تمشي وراها وتصورها شويه ودخل ولد وهي مستخبيه ... شويه ودخلت بنت تانيه واتكلمت مع الولد بخصوص مخدرات شدّوا مع بعض ووصل الموضوع إن الولد طلع مسدس وقتل البنت كل ده و Max كانت موجوده بس في لحظة موت البنت Max لقت نفسها في المحاضره لسه صاحيه من الحلم وولا كأن حاجه حصلت يا ترى ايه اللي حصل ؟ ويا ترى الفراشه عرفت اللي هيحصل فـ خلّت Max تمشي وراها عشان تستخبى ولا ده مجرد قدر ؟ ومين الولد والبنت دول وايه علاقتهم بـ Max ؟ كل الأحداث دي هتكتشفوها جوه اللعبه المطور : Dontnod Entertainment الناشر : Square Enix الأجهزه : PC, Linux, PS3, PS4 Xbox 360, Xbox One تاريخ الإصدار : الحلقه الأولى 30 يناير 2015 الحلقه الثانيه 24 مارس 2015 الحلقه الثالثه 19 مايو 2015 الحلقه الرابعه 28 يوليو 2015 الحلقه الخامسه 20 أكتوبر2015 التصنيف : مغامره أسلوب اللعب : لاعب فردي Minimum Requirements CPU: Dual Core 2.0GHz or equivalent RAM: 2 GB OS: Vista or Better Video Card: ATI or NVidia card w/ 512 MB RAM (not recommended for Intel HD Graphics cards) Free Disk Space: 13 GB Recommended Requirements CPU: Dual Core 3.0GHz or equivalent RAM: 2 GB OS: Windows 7 or Better Video Card: ATI or NVidia card w/ 1024 MB RAM (NVIDIA GeForce GTX 260 or ATI HD 4890) Free Disk Space: 13 GB بالنسبه للي ميقدرش يعرف امكانيات جهازه المطلوب إن يكون عندكوا مساحه فاضيه 13 جيجا في مكان التسطيب + 8 جيجا في مكان التحميل ورامات 2 جيجا وكارت شاشه 1 جيجا أي نوع لو عايزين تعرفوا الرامات كام عندكوا .. كليك يمين على Computer واختارو Properties هتلاقوها هنا كده زي في الصوره اللعبه نسخه Repack ... يعني محذوف منها كل اللغات ماعدا الإنجليزي والروسي عشان الحجم يكون قليل ومناسب مرفوعه على رابط تورنت Download: Life is Strange لو معندكش رابط تورنت حمل/ي برنامج تحميل التورنت Download: BitTorrent بعد ما تحملوا البرنامج وتسطبوه افتحوا ملف اللعبه اللي حملتوه اختاروا المسار أو المكان اللي عايزين تحملوا اللعبه عليه اختاروا Ok وسيبوها تحمل أما بقى بالنسبه للتسطيب فـ اللعبه هتبدأ باللغه الروسيه .. غيروها للإنجليزي من هنا وبعد كده عادي زي تسطيب أي برنامج بس متنسوش تختاروا اللغه الإنجليزي من هنا دي عشان لغة اللعبه من جوه لكن اللي فاتت دي لغة التسطيب وحجم اللعبه 7.60 جيجا ... بعد التسطيب هتبقى 11 جيجا تحميل كل صوره لوحدها بالجوده العاليه MEGA

والســــــلااام عليــــــكم

[.Lamar]

مجهود مميز و اكتر من رائع

كل الشكر اخى

تحياتى

[حـيـــــآة ❤]

وهي ماكس كانت بتحلم يعني ولا كان حقيقي
شدتني قصتها

تسلم لمجهودك اخي محمد

[MhmdVincent]

اقتباس المشاركة الأصلية كتبت بواسطة .Lamar مجهود مميز و اكتر من رائع كل الشكر اخى تحياتى

تسلمي لمرورك

اقتباس المشاركة الأصلية كتبت بواسطة حيــــــاة ❤ وهي ماكس كانت بتحلم يعني ولا كان حقيقي شدتني قصتها تسلم لمجهودك اخي محمد

في الأول حلم رؤيه
لكن بعد كده بقى ....

تنبيه:
طلع عندها قدرة الرجوع بالزمن

الله يسلمك نورتي :d

+ شوفوا الصور اللي ضفتها فوق
هتعجبكم ^^

[Eng Esraa]

مجهود جميل منك
تسلم

[العاشق الذى لم يتب]

انتقاء رائع

ومفيد الموضوع

ومعلومات قيمة

دام التميز والنشاط

تحياتى ودعواتى