هعيد السنة ..!

[Eng Esraa]

احــم احــم ..
وحشني القسم ده والله !
المهم تعالوا اقولكوا هعيد السنة ازاااي

د/سيف .. اسراء

_ احم .. دكتور لو سمحت حضرتك قولتيلي تعالي لما تخلصوا المحاضرة
علشان حضرتك عندنا ف سكشن بعدها .. و احنا خلصنا

" ايوه صح .. طيب ارجعي المدرج و انا جاي اهو

_ دي ايه الشوره الطين دي ! يعني يطلعني 6 ادوار علشان يقولي ارجعي !
يلا يا بنتي تعالي

" خدي يا اسراء انتي بتبرطمي بتقولي ايه و انتي ماشية !

_ انا ! ان شاء الله تعدمني ما برطمت .. ده انا بتكلم ف سري

" ايوه قولتي ايه يعني !؟

_ دكتور معلش ف السؤال يعني .. هو انا شكلي وحش ولا حاجة !
ولا لابسة الشميز متدير مثلا لا سمح الله !

" ههههههههه انتي بتقولي كده ليه يا لمضة هانم

_ اصل انت من ساعة ما انا خبطت ع الباب و دخلت و انت بتكلمني و انت باصص
ف الفون .. مش عاملي اي اعتبار خالص

" ما ده العادي يعني ما انتي عارفة يا اسراء

_ شكرا لحضرتك .. مش عارفة والله لولا انك دكتوري كنت عملت ايه
طب هو انت بتعمل ايه .. ها

" حشريه ! .. بكلم ابني وائل يا ستي ارتحتي

_ هو ابن حضرتك اسمه وائل سيف !! .. طب ازاااي

" متخلنيش ارميكي بالرول اللي معاكي و امشي يلا

_ ماشي انا ماشية

" خدي يا اسراء تعالي

_ يادي النيلة عليا و ع سنيني السوده انهاردة
نعم حضرتك

" اعمليلي ماج كابتشينو و خديه معاكي المدرج ..

_ حضرتك انا لو كنت اعرف كده كنت اشتغلت ف كافتيريا الكلية من سنة فاتت و خلصت

" انتي هتقعدي تبرطمي كتير و هتلاقي نفسك شايلة المادة

_ هااا .. لا و ع ايه هعتبرني انا اللي هشربها و هعمل .. طيب
احنا هناخد ام السيكشن ولا لا بس علشان اعرف

" و انتي مالك انتي .. بمزاجي هتاخديه او لا

_ لا بقا انا كده هغلط ما انا مطلعش 6 ادوار و انزل من غيرك !

" تغلطي !! يا بت اسكتي انتي واقفة ف مكتب العميد انتي مش فاهمة ولا ايه !

_ لا فاهمة و فاهمة انك قولتلي هخليكي تشيلي السنة و رسمك زي الزفت
و مبتذاكريش و هلم العيال و نجي نكسر المكتب ده .. ما هي بايظة كده كده بقا

" يا دي النيلة عليكي و ع اليوم اللي عرفتك فيه .. امشي اطلعي برااا

_ طب اخد الرول بتاعي فيه تعب اسبوعين والله

" مش وخداه و امشي

_ طب انت جاي ولا مش جاي ولا اروح ولا ايه !

" روحي و انا هحضرك والله متخافيش بس انا ضغطي عالي لوحده .. امشي

_ لا انا هحضر علشان انا مذاكرة و شاطرة

" الله يكون ف عونه ..

_ هو مين ده

" لا مفيش .. خدي الكوباية و امشي و انا جاي اهو .. انا مش عارف انتي هتبقي
مهندسة و هبلة ازاي والله

_ ده انا هبقي عسل و النعمة .. طب اقولك ..

" طب وربنا لو اتكلمتي تاني لرميكي باي حاجة ف وشك

_ طب استني بس اخر سؤال والله .. هو انا كده شلت كام مادة ؟

" ال 8 و لو زودتي هتبقي السنة كاملة
_
يلا يا بنتي نمشي من هنا قبل ما نتلبس

و بسس كده .. د/ سيف العسل بتاع الكلية
و بكده بقا انا هعيد السنة ..

اخر اللماضة

[.Lamar]

ههههه يا طول باله عليكى

دة اقل حاجة يعملها يعيدك السنة

على اللماضة دى

حلوة الخزعبلاية سيرو

تسلمى

[Eng Esraa]

اقتباس المشاركة الأصلية كتبت بواسطة .lamar ههههه يا طول باله عليكى دة اقل حاجة يعملها يعيدك السنة على اللماضة دى حلوة الخزعبلاية سيرو تسلمى

حتي انتي
طب والله ما عملت حاجة
هههههههه
تسلمياي يا بطتي

[حـيـــــآة ❤]

هههههههه انا شغاله بالواسطة

عشان مبحضرش خاالص اصلا

بس انا لو منه اطلعك من الدوله اساسا

[Eng Esraa]

هههههههه
ده انا طلعاله 6 ادوار مخصوص و النعمة
و ف الاخر يشغلني !!
ليييه مش دافعين فلوس احنا ههههه

[BaAnoOta]

هههههههههههههههههههههههههههه
جدعه ي به أنا عيزآكي تستمرى ع الوضـع ده
ومآآلة ي حبيبتي نعيد ألسنه بس بمزآجنا

ربنآ ياخدهم ويريحنا

[Eng Esraa]

اقتباس المشاركة الأصلية كتبت بواسطة baanoota هههههههههههههههههههههههههههه جدعه ي به أنا عيزآكي تستمرى ع الوضـع ده ومآآلة ي حبيبتي نعيد ألسنه بس بمزآجنا ربنآ ياخدهم ويريحنا

نعيد سنة مين
ده انا ممكن اروح فيها
هههههههههه

[ParoOo]

هههههههههههه مبروك اقلبى ^_^
شكلنا هنعديها زى بعض ^-^

[Eng Esraa]

اقتباس المشاركة الأصلية كتبت بواسطة بنوته مصريه ميه ميه هههههههههههه مبروك اقلبى ^_^ شكلنا هنعديها زى بعض ^-^

متقاطعيش بس
هههههههه

[طبيب الهوى]

د / سيف إن لم يكن بيحبك كأبنته

أعتقد أنه كان رماكِ من شباك مكتب العميد

حلوة الخزعبلاية يا بتي

بس اجتهدي بئا عشان تنجحي ومتخسريش مجهودك وتعبك

أحلىَ حاجة في البنات اللماضة

عندي ومجربها

الله يوفقك يا بتي ويحفظك من كل سوء وشر آمين

تحياتي وودي وورودي

أبو عصام