سلاسل ضغينة

ahmed 22 · منذ /10-19-2016, 11:28 PM

أقطع كتابك وبدله لحظة بسكاتك ..
اسمع لذاتك , شوش ذكرياتك
قصاقيص ورق فاضلة في حياتك
ماتقضهاش في خضوع
فلسف حياتك بكل شئ
في عرفهم ممنوع
عارض في نومك
ولو كان الصراخ هيجوع
وفي وقت تصحي أكتب طفولتك
من حروف سموهالك
عيش لوقتك , أرمي وعدك
سكن آلامك بمسكنات هما ادوهالك
.
.
.
هما
سلمونا كتاب قالولنا
ده تاريخكم
وقت يأس بصوا فيه
راح يفيدكم
فيه إجابة لكل حاجة
تخص جيلكم
ده تراثكم ده أمالكم
فيه وصالكم

وقتها كنت الضحية
وسط مية
احساس كبير بالمسؤلية
ضج فيا
ورقة تعارف ده شرف
مش تمثيلية
وصوت بيعلي جوا فيا
.
.
* اعرف تاريخك سلم عليه
ميله كتفك وامسك ايديه
صبح عليه واسمع حكايته
وفي وقت يسكت اسأل سيادته
ممكن يحن ويعطف عليك..! *
.
.
.
وقتها كان ميت سؤال
وطوفان مليان وجع
كان ليه خضوعنا يا جدع ؟
كان فين صمودنا في وقت صوت حر اتنزع ؟
وليه في وقت الجد تهنا ورمينا في ودع ؟
.
.
فين إجابتك ؟ طال سكوتك ؟
هل تراثك (وطي صوتك ) ؟
ولا آثرك ( ده كوتش في وش حر انحاز لصوته )؟
ولا أملك ( ده فقير أنهيت طموحه ) ؟
ولا قصرك (في ميزان المدفوعات لأولاد ذوات) ؟
وابن طينتك ده فاتورته زرعته اطنان جفاف !
.
.
.
ولا أقولك خدها مني بعد عمر
الزمن خد مني اسمي
بس أنا أديته أمر
يختصر كل الحكاية
بسلسلة مالهاش نهاية
في كل لحظة تشد حمل
تنقله من أيد لرجل
كل صدر يشيل في غل
ورث دايما بحمله
يبتدي لحظة نهاية
.
.
.
ركز معايا
علمونا ازاي نحلل كل خيبة في وقتها
ازاي نداوي جروح من غير بكا
نقول لغيرنا أنت منا وننافق قلبنا
علمونا الفخر منة نذل بيها نفسنا
علمونا تاريخنا فجأة ونسونا عقلنا
.
.

حنان الروح · منذ /10-20-2016, 05:12 AM

دائماً جمال الكلمات
يكمل في مضمونها
ابدعت وتميزت اخي
في كل كلمه وحرف
دمت ودام عطائك

Eng Esraa · منذ /10-20-2016, 08:46 AM

ركز معايا
علمونا ازاي نحلل كل خيبة في وقتها
ازاي نداوي جروح من غير بكا
نقول لغيرنا أنت منا وننافق قلبنا
علمونا الفخر منة نذل بيها نفسنا
علمونا تاريخنا فجأة ونسونا عقلنا

عجبتني جدا ..
جميلة كلماتك يا احمد
تسلم

Aya 7ekaya · منذ /10-20-2016, 10:31 AM

حلوة اوى
قلمك من الاقلام المبدعه حقيقى
تسلم ايدك

فصيح · منذ /10-20-2016, 04:04 PM

كل الكلام اللي قولته حقيقي
زوروا حتى حكايتي فيكي
كسروا قلبي وحبي ليكي
حتى اللي كان منقوش
على جدرانك تاريخ
طلع في عيونهم مايسويش

روعة يا أحمد وهكذا أنت دائما ممتع بقلمك الهادف
لك خالص ودي وتقديري

دمعه حائره · منذ /10-20-2016, 07:43 PM

كلما رائعه بكل مافيها من واقعيه
تسلم ويدوم التميز

ahmed 22 · منذ /10-20-2016, 10:14 PM

شكرا لكم جميعا ..
كل التقدير

بنت خديجة · منذ /10-20-2016, 11:33 PM

سكن آلامك بمسكنات هما ادوهالك
.

ومازلنا نسير على خطاهم

لنا الله يااحمد

راقت لي كلماتك
دام نبضك

ahmed 22 · منذ /10-30-2016, 07:40 PM

اشكر لكٍ حضورك الراقي خديجة
كل التقدير

*فجر الاسلام* · منذ /10-30-2016, 07:44 PM

جميله اوى تسلم ايدك
تحياتى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سلاسل بالوان جنان 2015 , سلاسل مطعمة بالالماظ (المسابقة)	العاشق الذى لم يتب	الازياء الاناقة - ملابس شتوية - ملابس صيفية - اناقة - ازياء	2	08-26-2015 10:20 AM
سلاسل واكسسوارات	نـــــ غ ـــــــم	الازياء الاناقة - ملابس شتوية - ملابس صيفية - اناقة - ازياء	10	08-01-2013 07:59 PM
سلاسل 2012	ابتسامة الزهر	الازياء الاناقة - ملابس شتوية - ملابس صيفية - اناقة - ازياء	7	06-12-2012 09:03 PM
سلاسل للعنق غير شكل	Silver Flower	الازياء الاناقة - ملابس شتوية - ملابس صيفية - اناقة - ازياء	2	12-20-2009 11:20 AM
----سلاسل للبنات -----	غير الكل	الازياء الاناقة - ملابس شتوية - ملابس صيفية - اناقة - ازياء	22	10-12-2009 01:50 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

سلاسل ضغينة

ابداعات الاعضاء العامية