الأُدبــاتــى.. همـس & فـارس

[همس الكناريا]

الأُدبـاتــى ........................ أنا الأديب الأُدباتى بأسن سنانى..ونباتى ع اللى يسهر أوطانى واللى سقانى برانى اللى رمانى ف أحزانى أتقلب..وحدى ف أناتى / أنا الأديب...الأُدباتى أنا الأديب المتفنط ماسك لجامى ومزبط نشان كلامى ومخطط جوه خيالى..بأتنطط بالمازورة...تخطيطى أنا الأديب..الأُدباتى / أنا الأديب اللى ما فلس ما دام ..رغيفى متغمس بفول حراتى ومدمس تغطى الدنيا ضحكاتى أنا الأديب.. الأُدباتى / أنا الأديب المتأدب بفن فنى..وبرتب أى منعكش ومكركب لا موجه تركب على مركب ولا جهلى يكسر إشراتى ه أنا الأديب ..الأدباتى / أنا الأديب اللى ما اتأمرك يا سنيوريتا حوش خمرك يجينى وشك يجي ضهرك مهما شيطانك وسوس لك يحمينى..صومى وصلاتى أنا الأديب ..الأُدباتى / أنا الأديب..المتنور أغزل سطورى بالمرمر واعى..جدا وبصور تكنولوجيا..وتطور فكر رحعى..وتحضر يعرى ..ولدى وبناتى أنا الأديب..الأُدباتى / أنا الأديب..العرباوى بكشف عيوب ويا بلاوى عقول غياب زى حصاوى! نط واركب..لو غاوى على ضهر بترولى وزيتى أنا الأديب.. الأُدباتى / أنا الأديب السواح... ف إيديه مشرط جراح صدرى واسع..وبراح عقلى فاهم..لماح يداوى جرح..قنواتى أنا الأديب.. الأُدباتى / أنا الأديب..المتخصخص ! أمص صباعى وبمصمص بعيون مفخوته..بتبصبص وباروكه وتوكه..ومهيص على رصد وسيكا بترقص أتارينى يا ويكا متفطس فى زفة..منشدها حانوتى ! أنا الأديب..الأُدباتى / أتا الأديب الأدباتى سرقوا مزاجى وصفاتي جعلوا أحزانى أدواتى وحسبوا كل خطواطى أنا الأديب الأدباتى / ساعى البريد بيعرفنى من الأخبار بيغرفلى أحزان بلابل ووصفلى أسم الشهيد وغلفلى أنا الأديب الأُدباتى / صهلل وخبط ف الحِلل عرفنى ب كل المِلل وعارف أحافظ على دينى دين الإسلام بيحينى ::::::::::::::::::::::::::::::: همس الكناريا

[Eng Esraa]

جميلة اوي الكلمات
و طريقة الكتابة
تسلموا ..

[فصيح]

شكرا لهذا الإمتاع
همس الكناري & فارس
روعة هذا الدويتو ونص باذخ بالجمال
لكما تحية خالصة
ودي والتقدير

[طبيب الهوى]

أنا الأديبُ الأُدَباتي

بحارِبُ الفسادِ بهذياني

لا عُمري مَليتْ

ولا عُمري كُنتُ شراني

أنا الأديبُ الأُدَباتي

إنسان بَسيط مِتَعاوِن

أتحمل لا يوم شَكيتْ

في الحَق ما اتهاوِن

أنا الأديبُ الأُدَباتي

أركب فوق حُصاني

بِفُراق الأحباب بَكيتْ

بضياع الأخلاق أُعاني

أنا الأديبُ الأُدَباتي

أُفيدُ الناسِ بأفكاري

بالحُب والمَودَة عَظيتْ

وأسْمَع دايماً لِـ جاري

هذيان قلمي المجنون

أبنتي همس &أخي فارس

مِنْذُ زَمنٍ بَعيد لم أقرأ دويتو مُتناغم كأنه لقلم واحد

مِثلَ دويتو الأُدَباتي

فكرة قيمة ذات أهمية للقاريء تُفيدَهُ وَتَعِظَهُ

أقلام أقل ما أقول عنها أنها مُتَمَكِنَة جِداً مِنْ أدواتِها

تمازجت أقلامِكًم لِدَرَجَة أني رأيتها قلم واحد

مِنْ دِقَة الوَصف والسَرد

دويتو يستحق التثبيت + وسام التَمَيُز عن جدارة

ومعاهم تقييمي البسيط + ***** 5

تحياتي لِفِكْرَكُم القيم والراقي ولأقلامِكُما المُبدِعة العذبة

أبو عصام

[.Lamar]

جميل الدويتو

وفكرة حلوة

و ان شاء الله نشوف ابداعات مماثلة

تحياتى و تقديرى

[دمعه حائره]

رائع واكثر ابدعتما
همس وفارس تسلمو ويدوم التميز والتواجد الراقى

[ايمان طلعت]

الله الله
همس & فارس
ديو متناغم لاقصى حد
و رائع جدا
ادام الله لكما نبض قلمكما
تحياتي

[a7med -3del]

الجميل اني محستش بفرق في الكتابة
ميه واحدة بالبلدي
وده الجميل في الموضوع
همس تقيلة عليك يافارس 😅
تحياتي

[همس الكناريا]

يا جماعة الخير نورتونا والله وشرفتونا

بس ده مش دويتو ...ده مشاركتي أنا بس
وفارس لسه هييجي يرد...كل واحد مشاركة
لإن الموضوع تحدي أقلامنا ومين فينا الأُدباتي
وهيكون متجدد أن شاء الله
تابعونا بقا وجودكم يهمنا

همس الكناريا

[طبيب الهوى]

عُذراً يا بتي

أنا افتكرته دويتو بينك وبين فارس

وكتبت في ردي اني شعرت ان القلم واحد وليس دويتو بين قلمين

لن أقم بتغيير ردي لأني بالفعل الفكرة استفزتني

وقدمها قلمك بأسلوب سلس شيق

تحياتي لشخصك وأسرتك الكريمة

بالتوفيق لكم إن شاء الله

أبو عصام