فيلم هندي

[شاعر الحب الحزين]

تقتلني الدنيا ألف مرة ولسه عايش

واللي بحبها قلبها بالحب مش حاسس

وانا ولا شاروخان.. ولا سلمان خان

مجرد انسان في درب الأحزان ماشي ودايس

مليش حد تعبت بجد واديني بجاملها وبسايس

القلب مليان جروح.. ولمين اشكي وابوح

اللي بتمناه بيروح واللي برفضه لازق فيا ولابس

ما شفت هنا وف حزني انا اقدر أي حزن انافس

تبقى حياتي فيلم هندي.. دور البطولة ليا وضدي

واديني بمثل فيه لوحدي ومش شايف جنبي حد خالص

الحزن خصمي نساني اسمي خد مني عمري وبالناقص



من بعد الماضي..عايش عالفاضي

ف جرحي بدادي..ولا راضي يطيب

بيزيد ويكبر ... يوجعني اكتر

مبقتش اقدر.. افضل أو اغيب

عرفت امثل ..ولسه متحمل

ماشي وبكمل ..ويا النصيب

دور مش ليا..لقيته اتفرض عليا

بقيت بكذا شخصية..ولسه غريب



الفرح فيه ضيف شرف

الحب فيه ملوش مكان

فيلم هندي ملوش هدف

زي صاحبه ملوش عنوان



شــــــــــــــــــــــــــــــــــ . حـــــــــــــــــــــــــــــــــــــــ

[حـيـــــآة ❤]

عنوانك التميز والابداع دوما خالد
تسلم علي كلماتك الرائعه

[دمعه حائره]

كلمات موجعه لكنها رائعه برغم قسوة الاشعور
تسلم خالد ابدعت

[شاعرة الرومانسيه]

شعور قاسى وموجع خالد

تسلم ايديك رااااائع دئما

[Eng Esraa]

كلماتك جميلة جدا و معبرة
تسلم بقا

[بنت خديجة]

فيلم هندي والناس عايشة فيه
رائعة كلماتك شاعرنا
دام هذا النبض

[راجعة لحبيبى]

بحول الله حياتك سعيده
وربى يعطيك العافيه
لروحك السعاده

[فداااااااااااء]

مش كل اللى بيتمناه الانسان بينوله
وهى حياتنا مجموعة من الافلام المختلفة
سلمت اخى شاعر
كلمات بها شجن ولكنك تنسجها دوما بابداع
اسعدك ربي اخى

[*فجر الاسلام*]

الحياه فيلم هندى فعلا
ربى يسعدك تسلم ايدك

[Doaa Hammam]

يعجبني صدق قلمك ودفء مشاعرك

بانتظار جديدك

دمت رائعا ومبدعا