ملاحظات ادارية من اداري متقاعد :)

[morshooo]

بص يا ابو طارق
انا معاك فى كل كلامك خاصه الوان الربيع الى بقينا فيها
وقولت قبل كدا المنتدى ماينفعش يبقا كله مشرفين ومراقبين وأداريين
وهيجى وقت نفضل نلف حوالين بعض ومش هنلاقى الوان تانى ممكن بعد شهرين تلاته
تلاقى كله بقا أدارى ^_^
كنت عايزك تكلم فى نقطه بس انت ماحضرتهاش اصلا
وهى الترقيات الى بقت بتحصل دلوقتى لو عضو دخل المنتدى ونزل توبيك واحد فى قسم
بيتعين مشرف عليه بعد اسبوعين تلاته بتلاقيه v.i.p بعديها ممكن مراقب ^_^ عادى جدا
الاول انا فاكر كان العضو يفضل سنه يشتغل عشان يكون مشرف بس هههههههههه
دلوقتى لو عضو بقاله 10 سنين مدخلش وكان مشرف سابق مثلا بيجرو عليه ها عايز تمسك ايه
ماترجع ياعم للمنتدى ماتشوف ياعم لو عايز تكون مراقب هنحط بس والنبى ادخل كل يوم وارجع
وفجاه يتعين ويختفى ويسبوة برضو وعندك 100 مشرف محدش فيهم كان بيدخل ^_^
المنتدى مفتقد أدارة مش مفتقد اعضاء .
يله عايز كام واحد يدخل يقول دا بيهاجمهم ودائما معترض والحمد لله الى قولته قبل كدا ظهر دلوقتى
وماشاء الله الناس عادى بتتقبل النقاش هههههههههههههه .

[بنت خديجة]

حلو جدا ملاحظاتك دكتور وضيف عليها انه ممتوع نحط روابط لمواقع . سواء تواصل اومدونات مثلا لاستفادة او القراءة
في حين انك ممكن تكتب حاجه وعايز فانز للمتابعة او عندك جروب للقراءة وتحميل كتب فعايز تعمل دعايه ليك دا كمان ممنوع
والمواضيع الحصريه ليه لازم انزلها هنا الاول وبعدين اقوم انشرها في مكان تاني
مع انك ذات الشخص في المكان التاني فنزولها هناك قبل هنا بكم دقيقه مش هيلغي حصريتها
والمكان التاني دا فيسك مثلا او مدونتك او انستا او تويت او سناب
يضطر الواحد الاول يمر وياخد الفسح وبعدين يقوم ينشر هناك
المصداقية في المنتديات بقيت غير موجوده المنتدى نوع ترفيهي فيه حميميه نوعا ما عن الفيس او المدونات لكن تطوره هيدي شكل افضل
في حين اني ممكن اضيف قنوات تانيه تدخلها عن طريق المنتدى

الدخول من الفون ممتع وانا حاليا بكتب منه بس عشان تدخل من الستايل الجديد لازم تعدي على
requset desktop site


متعب فعلا الموضوع
اتمنى فعلا التطوير لأفضل وشكرا لتوضيحاتك واتاحه الفرصه لنا كأعضاء للمناقشة

[۩۩ elMagic ۩۩]

لو كان نزل ف صوت الاعضاء كنت هأنقله للنقاش لانه بيستاهل
بالنسبه لإستايل الفون
انا معترض علي وجوده من أول ما اتعمل و شوفته
ووصلتني شكاوي كتيره منه وأقدر ألغيه عادى
حل بقى الاشكاليه دي مع محمود كامل
عشان انتا شوفت بنفسك مبيحبش حد يتدخل ف قراراته !

بالنسبه لرسالة الترحيب
مجاتليش اى شكاوي منها لان وقتها كنت هأدور اكيد ع حلول أخري
عمتا هي بتختفي بعد اربعين ثانيه
وكنت دورت على كود يسمح بغلق الرسالة وقتها بس ملاقيتش
هابقى اشوف بديل ان لزم الامور
مع ان الثواني دي ثواني معدوده جدا وبيختفي بعدها بسرعه
ظبطتها حاليا اختفاءها بعد عشر ثواني من ظهورها .

القسم بتاع المسن داا
هو كان من ضمن اقسام كتيره موجوده وفرعيات
انا خفيت معظمها وسيبت دا كدا بعد ما غيرت في إسمه يكون للصور والرمزيات
عشان اقسام البرامج تتسم بالشمولية تخش تلاقي كل حاجه
وكل جانب منهم وله زائرينه بس اكييد دا بقى فرع ميت
هابص كداا جوا واشوف الدنيا وغالباً هأخفيه

وبالنسبه للألوان
انتا عارف ان دول اسماءهم من المجموعات
مبدعيين دي طلعت من ناس بتوع لغة مش مني
وعارف اني فاشل عربي وليا الفخر احنا ارقام بس هههه
هأبقى اعملها تعديل مش مشكلة
زائد دول كلهم تحفيز زي مميز مثلا وبعدها ياخد وسام ابداع حصري ويبقى ممبدع
وبعدين مفيش الوان كتيره
انتا عندك عضو اخضر ومميز ومبدع وبعدها اصحاب الصلاحيات
المشرف الازرق والفيب وبعدين المراقب والاداري
واخيرا مشرف سابق كانت بتشمل الاداري السابق
بس لاقيتهم عملوا مجموعة للإداري السابق
وانا مش معارض عليها هى لها صلاحياتها
ومادام جمعوا له لون مناسب فا مفيش مشكلة .
لكن انا معاك في إزالة مجموعة زي الجوكر
للأسف كان لها فعاليه مميزه بتمكن صاحبها من انه ينفرد بالتفاعل والنشاط
في الاقسام الخاليه ويتحكم فيها
ولكن اللى ماسكها مقدرش يستغلها وشوفت ناس تانيه منفعتش في الدور
وبالتالى دا فعلا مخطط له الازاله .

وعن ستايل الجيل الرابع والخامس
فعلا لما اتطبق الجيل الرابع وقتها مكنش مقبول
الجيل الثالث الحالى هو الانسب مع نظام المنتديات ،،
مواقع التواصل واخده كل الشو اكييد
وبالتالى المنتدى أفضل تشبيه له هو إنه كيان
بيجمع الاسر والعائلات مش شرط يكونوا أقرباء بس معارف
والجديد مع الكتابه والتعامل بينضم للاسره
ناس عايشه مع بعض ينزلوا مواضيع وابداعات وبيكرموا في بعض
واوسمة وبنرات وهيدرات وعايشين كداا تسلية .

وعن الرمزيات عشان ظهرت ناس بتعمل منها دعايا ودول كانوا بيتحظروا
هتلاقي احنا شباب مش هيفرق عندنا بخلاف البنت
وأسماء كان لها وجهة نظر والحرية في تطبيق الفكرة
وانتا إداري لك مسئولية الحماية والمتابعة وإزالة المخالفات دايما
ولكن انا مش مطبقها على الاشخاص القدام بإعتبار انه خلاص
حد موثوق ومعروف .

منور طارق وخليك متابع دايما

[YOo YA]

انا معاك ف كلانك
واللي لفت انتباهي وبعاني منه فعلا
الخاص بالموبايل
لانه متعب اووي ولازم كل اما ادخل اغيره
وكمان بيظهرلي زيك كدا بالضبط
لا مشاركات تحت بتحمل ولا بعرف افتح اس حاجه
حتي اللايكات مبعرفش اعملها منه
فبضطر كل شويه اعمل طلب موقع الكمبيوتر
..
في اراء كتير اتقالت متفقه معاك فيها ومع باقي الاعضاء
..
متابعه

[شاعرة الرومانسيه]

اولا احب ارحب بيك يادكتور حقيقى المنتدى خسر كتير

والاداره خسرت اكتر بتركك الاداره

كنت من الناس الخلوقه المحترمه وكتير اتعلمنا منك

وكتير حافظت علينا وخاصه بنات الموقع لم نرى منك الا

كل تقدبر واحترام وحزم وشخصيه فى المواقف الجاده

اما بالنسبه لكل الملاحظات بالفعل ملاحظات مهمه

حاولت اختار احداها اعلق عليها للاسف لاقيت كل ملحوظه

اهم من الاخرى فياريت تتنفذ افتكر هايكون الموقع افضل

تسلم يا دكتور على افكارك البناءه

[αЛαstoOorα]

منور يادوكـ ومبروك ع الجواز
/
بنسبة لنقطة الدخول من التليفون دي ..آنا بعاني منها دايماً لآني بدخل منتدي من جهازي ف الشغل ولما بروح مبيكنش قدامي غير التليفون بخش منه مبعرفش آشارك ولا آشوف آي حاجة بصراحه وبكون محتاج اتابع مسابقات وحاجات ودي بتكون عائق بنسبالي كبير ممكن آعمل مشاركة بالعفيه بخلاف آن الستايل كمان ف التليفون ملهوش اي تلاتين لازمة بصراحة تحس آنك داخل ارشيفات مش منتدي ..ودي نقطة مهمة آنت آتكلمت فيها ..لآن الجميع دلوقتي آسهل حاجة بنسبالة التليفون محدش مبيدخلش نت غير من التليفون دلوقتي ..وآنا مبدخلش ع الجهاز غير للمنتدي آصلاً كل شغلي ع النت بالتليفون ولما النت بيفصل ولا حاجة بتبهدل عشان اعرف اتابع وادخل وكدا..ف قصة التليفون دي لازم تتحل لآن انا واحد من الناس لو النت فصل ف جهازي مش هروح اتبهدل ف السيابر عشان اعرف اخش زي ماحصل قبل كدا .وقعدت فترة معينه مبدخلش خالص بسبب النت .ف ظل نفس الوقت اللي بخش فيه من عن طريق الموبايل والحياة جميلة ..
ف نقطة الستايل بتاع التليفون دا لازم تتحل وتكون بنفس المستوي الطبيعي اللي من علي اي جهاز عشان الكل يعرف يشارك ف اي وقت واي مكان وميكنش مُقيد بشيء
/
رسالة الترحيب مش شايف فيها آي مشكلة غير بس غلاستها ..لو بتظهر وف آيد الزائر يقفلها مش هيكون فيها آي مشاكل
والآعتماد عليها ف التسجيل وآجبار العضو آنه يسجل مش منطقي ..لآنها كدا كدا مش بتفرض عليه آي شيئ؟ بمعني آن اللي ممكن يجبر العضو ع التسجيل ..هو آنك تخفي المحتوي منه ..آو بعض الآشياء المهمة من التوبيك اللي تجبر الزائر آنه يسجل عشان يظهرله التوبيك بشكله الطبيعي
/
الصورة الرمزية لو هنبصلها بشكلها الطبيعي اللي متداول ع الفيس والتويتر وآغلب مواقع التواصل الآجتماعي .هنلاقي ناس كتير جداً برضه بتدخل بآسماء مستعاره وبصور مستعار؟ لو فتحت السكة دي للآعضاء جوه المنتدي ..لو فيه 30 عضو عندك مسجل ..هتلاقي 10 بيشاركو بشخصياتهم الطبيعيه وال 20 الباقيين جايبيين صور ناس تانيه وحاطين اسامي وهميه ..بنسبالي الموضوع هو هو سواء فتحت السكة دي آو قفلتها ..يعني ساعتها مش هنلاقيها كلها صور حقيقية واسامي حقيقية آد ما هيكون الموضوع برضه شبيه للي آحنا فيه ..ناس مسجلة بآسمها وبشخصيتها وناس مسجلة بآسماء مستعارة .كل اللي هيفرق ..آنك سمحت للرمزيات الشخصية الدخول ..ودي ممكن تزيد من الخدع مش تقلل منها ؟ اللي بيدخل ع الفيس الموضوع محدود بنسبالة ؟ بمعني آن ممكن بنت تحط صورتها الشخضية آة بس مش هتضيف عندها غير مجموعة مُعينه من آصحابها ومش هتقبل اي حد غريب عندها ..ومش هتدخل اي مكان هي مش حابه تدخله عشان محدش يشوف صورتها ..؟ آما هنا آنت مش عامل حدود وخصائص للعضوية ..تخليها تكون عندها الخصوصية الكاملة ف آنها متسمحش لاي حد يشوفها غير ناس معينه من المنتدي؟ آو متضفش عندها غير ناس معينه هما اللي يشوفوها مثلاً؟
ف من وجهة نظري ..الصور الشخصية عشان تسمح بتداولها ووضعها داخل المنتدي ..ليها خصائص وحاجات تانيه بتكملها لو موجودة الحاجات دي ..هنقدر نقارن بين المنتدي وبين الفيس او اى موقع تاني ف قصة الصور الشخصية دي.اما حالياً لو حصل ..برضه الموضوع مش هيفرق كتير ومش كل الناس هتحط صورها وممكن تلاقي حد حاطط صورته ع الفيس انما هنا مش حاطط عشان هنا مش مديله الخصوصيه الكاملة زي الفيس بوك..
/
بنسبة للآلوان
آنت آتكلمت ف نقطة كنت آتكلمت فيها مرة بس من فترة ..آننا نعمل رتب بألقاب والآلوان تبقة محدودة ..لآن من وجهة نظري واللي فكرت فيه بعد كلامك برضه ..آننا لو 20 عضو بندخل كل يوم من الناس القديمة ..كلنا واخدين الوان ؟ والآخضر بيكون قليل جداً ف لو في زائر متابع وبيدخل دايماً عندنا ..هياخد انطباع آن مفيش حد بيدخل المنتدي غير الناس دي ؟
آو بمعني آصح عشان الآخضر مش منتشر آوي ..هياخد آنطباع آن المنتدي معلهوش قبول ..ومفهوش تسجيلات كتير وهي هي الناس اللي بتدخل بتدخل ..والآخضر ضئيل جداً ف مش هيكون متشجع آنه يسجل ....فكرة الرتب بالآلقاب فكرة كويسة ..والآلوان ممكن ناخد منها المهم ونلغي اللي ممكن نعوضه بالرتبة الكتابية ...

/
بنسبة للتعينات السريعه ..ف آحنا عندنا آزمة مشرفيين من فترة كبيرة ودا ناتج من قلة التواجد ومن قلة التسجيلات ..وكان عندنا آقسام مهجورة بدون اي نشاطات ..زاد نشاطها بمتابعين جدد وآشتغلو عليها كويس ..ف بالتالي لما تلاقي عضو رفع من شآن قسم وحققله نجاح ف فترة قصيرة ..هيكون هو الآحق بالرقابة عليه ..ف حين آن القسم خالي بدون مشرفيين..آما سستم آن العضو يقعد يدح بالسنة والآتنين عشان يحصل علي عضوية الآشراف او آي رتبة دا شيئ من الحاجات القديمة برضه اللي لازم تتغير ..زي ما بنطالب بالتحديثات ف الفورم ..بنقول آن العضوية هي اللي بترفع من شآن نفسها بشغلها وجهودها وهي اللي هتحقق لنفسها المكانة اللي حابه تكون فيها ..بعد ما تتعمل فترة زمنية لجرد النشاطات ويكون فيه نوع من الترقيات والتعينات وتبديلها وآخلائها من آصحابها ..كل فترة زمنية معينه ..زي الآداري المنتخب زمان لما كان بيتعين وبيقعد يشتغل 3 شهور وبعد ال 3 شهور بنشوف نمدله فترة زمنية تانيه ولا لاء ..فكرة آن حد يقعد يشتغل ف مكان ويكون هو الآحق بيه وميكونش مشرف عليه غير بعد يمل اصلاً من المكان دا وضع منفر ...
خطوة الترقيات الجديدة ..خطوة مهمة ..ولو لاحظنا ان اي حد اترقي كان بيشتغل سنين هنا يعني مش من فراغ ..وبتكلم عن نفسي آنا ماسك رقابة بعد 7 سنين من شغلي هنا ؟ وفي بعض الناس اللي آخدت ترقيات معايه كان بقالها فترة زمنية كبيرة برضه ..مفيش غير المميزين وكام مشرف هما اللي اتعينو ف فترة قصيرة ..ودا لجهودهم وتحفيزهم ولنشاطاتهم المستمرة والملحوظة ..ولآقسام خاليه بدون آشراف ف نفس الوقت ..اللي بعترض عليه هو آن آي حد ممدود بصلاحيات ومبيدخلش او طال غيابه زيادة عن 3 شهور ..يتم نزع الصلاحية منه وياخد للقب شرفي لتقدير جهوده ف الموقع ..ونشوف البديل ..
ومنور مرة تانيه

[محمود الصاروخ]

عاجبني الناس اللي بقت تقبل النقد فجأه كده مع انه كان ممنوع
وكمان عاجبني أكتر الناس اللي بتلوم علي غيرها انها مش بتحب
وفيها نفس اللي مش عاجبها في غيرها برضه


تسلم علي الملاحظات طارق وللعلم
لا يمكن المقارنه بين المنتدي في عهد أي اداره سابقه وبين المنتدي حاليا