خلى بالك يا طارق

[طارق طروق]

النهارده امى الحاجه من شويه كدا قالتلى انا هنام يا طارق
خلى بالك كدا وانت قاعد من اللبن انا حطاه على البوتاجاز
وموطيه عليه اوى شويه كدا ابقى اقوم اقلبه ولما يغلى اطفى البوتاجاز
قولتلها من عيونى يا قمر اتكلى على الله ومتقلقيش ثوانى كدا وهقوم اتابع اللبن
قالتلى اوعا تنسى يا طارق لحسن اللبن يغلى ويفور ويطفى عين البوتاجاز
قولتلها شكلك كدا يا امى مش واثقه فيا ولا ايه؟
قالتلى لا بس خايفه تنشغل بالنت وتنساه قولتلها لا متخافيش
المهم امى راحت نامت وانا طبعا تقريبا كدا جالى الزهايمر
ولا افتكرت اللبن ولا اى حاجه والشابه يا عينى اتكلت عليا
طبعا تخيلوا انتم بقى ايه اللى حصل لما اللبن غلى انا جريت
على الريحه اللى شمتها ريحه غاز على ريحه لبن شايط
جريت على المطبخ بسرعه وقفلت الغاز وفتحت شباك المطبخ
وطبعا اللبانه بقى شكلها ابيض من بره والبوتاجاز بقى شكله ابيض
من ناحيه كل العيون عشان اللبن انتشر انتشار سريع بعد ما غلى وشبع غليان
منظر بقى ولا يسر عدو ولا حبيب حتى كسلت انضف ولا اعمل حاجه
امى لما تصحى الصبح احتمال تطردنى من البيت
وعلى فكره مش اول مره تحصل مره قبل كدا قالتلى خلى بالك من البيض
كانت بتسلق بيض على البوتاجاز ونسيته خالص الميه بقت تغلى لحد ما نشفت خالص
والبيض اتشوى تقريبا كدا لحد ما طلعت منه كتاكيت وكبرت وبقت ديوك وفراخ
وانا ولا هنا خالص امى مش بتحرم منى خالص ال خلى بالك ال

[حـيـــــآة ❤]

فاشل مطبخ وزهايمر وكل العبر فيك انت
بعملها كتير انا الحركه بتاعة اللبن دي ههههه
ومبدئيا كدا هنقل التوبيك لليوميات ياطارق مكانه هناك
تسلم بئا توبيك لطيف
منور الفضفضه

[طارق طروق]

اقتباس المشاركة الأصلية كتبت بواسطة حيــــــاة ❤ فاشل مطبخ وزهايمر وكل العبر فيك انت بعملها كتير انا الحركه بتاعة اللبن دي ههههه ومبدئيا كدا هنقل التوبيك لليوميات ياطارق مكانه هناك تسلم بئا توبيك لطيف منور الفضفضه

ههههههه وانا مالى ومال المطبخ اصلا
طيب انا ولد ومعزور انتى بنت ايه عزرك بقى؟
عموما هتيجى فوق دماغكم انتم عشان امى هتطردنى الصبح
وهاجى اقيم اقامه دائمه فى المنتدى
شكرا هاجر على تعليقك الظريف
وعلى مرورك الغالى
نورتى وشرفتى

[ندوشه 2011]

احسن يارب تضربك اشمعنى انت. أو ممكن بعد ما تنضف البوتجاز تكمل اللبن بالميه ولما تشوف اللبن وتدوق طعمه تقولها طلع مغشوش ياوليه هههههههاي

[^^khL oUD]

مبتسمعش كلام ماما لي فاال ف المطبخ كدا لي ها
ماما مش بتحرم فعلا ماما تجيب الاكل وانت تبوظه
ههههههههه

توبيك جاامد تسلم ☺☺

[دمعه حائره]

هههههه
اللبن ده عقدتى عارف بكون فى المطبخ ويفور منى بردو
متعرفش ازاى اكون واخدة بالى وألف اعمل حاجة يفور
فيه قطعه بايركس صغيرة بتتحط فى اللبن تعمل صوت لما يغلى
هاتها دى الحل شوية
مامتك لازم تحرم تقولك خلى بالك تانى
ده انت تلاقيك مخلى بالك من نفسك بالعافيه
ربنا يخليهالك

[ايمان طلعت]

ههههههههه
فاشل فاشل
عموما بتحصل معانا بردو متقلقش هههه
ربنا يخليلك مامتك وتطردتك من البيت على طول

[Eng Esraa]

ههههههه
يا عيني ..
انا لو مكانها كنت مشيتك من البيت فعلا
بتفكرني بنفسي والله ! هههههه
منور القسم بقا

[Lamees]

بتحصل في احسن العائلات

[طارق طروق]

اقتباس المشاركة الأصلية كتبت بواسطة ندوشه 2011 احسن يارب تضربك اشمعنى انت. أو ممكن بعد ما تنضف البوتجاز تكمل اللبن بالميه ولما تشوف اللبن وتدوق طعمه تقولها طلع مغشوش ياوليه هههههههاي

هههههههه فاتتنى الخدعه دى يا ندوشه خليها المره الجايه
شكرا لتعليقك ومرورك الغالى
نورتى وشرفتى ودوم ضحكتك