التجاره مع الله

[انجي_1]

رجل يبدو علي قد حاله واقف في محل بطاطين يسأل صاحب المحل عن ارخص البطاطين ,,
فـسأل صاحب المحل عن أرخص بطانية عنده لأنه محتاج 6 بطاطين لأسرته ومعاه 100 جنيه ""
فيقول صاحب المحل انه عنده نوع صيني بس بيدفي كويس سعر البطانية منه20 جنيه ..
وان الراجل لو اشتري منه 5 بياخد عليهم السادسة مجاناً "
يتبسط الراجل الغلبان جداً ويطلع 100 جنيه من جيبه تمن الـ5 بطاطين عشان ياخد السادسة هديه وياخد البطاطين ويمشي
والفرحة هتنط من عنيه .. بعد ما مشي الراجل الغلبان يبص صديق صاحب المحل اللي واقف ويسأله : مش دي البطانية اللي أنت قولتلي أنها أحسن واغلي بطانية عندك الأسبوع اللي فات واديتهالي
بـ 350 جنيه ؟؟
يرد صاحب المحل : والله يا صحبي العزيز هي كده فعلاً وعشان انت صاحبي اديتهالك من غير جنيه مكسب ,, ما بالك وأنا بتاجر مع ربنا وبأخرجها لوجهه الكريم رأفه بالراجل المسكين ده وبأسرته في برد الشتاء الشديد اللي أحنا دخلين علية يمكن ربنا يحفظني من من حر جهنم
ولولا عزة نفس الراجل لا أديتلو البطاطين ببلاش ؟؟
يقول تعالي بسم الله الرحمن الرحيم ..
(مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم
الذين ينفقون أموالهم في سبيل الله ثم لا يتبعون ما أنفقوا منا ولا أذى لهم أجرهم عند ربهم ولا خوف عليهم ولا هم يحزنون )
.
.
.
.